Andvari - 01.01.1955, Blaðsíða 72

68
Þórir Þórðarson
ANDVARI
er 37x30 m. Fyrir suðvestan það hafa staðið útihús og grafreitur-
inn að austanverðu.
()11 leirkerin, sem fundust, eru af sömu gerð, og þar með er
ljóst, að byggð hefir þarna verið samfelld. Einhver merki sáust
viðgerða og breytinga.
Það merkasta, sem þarna fannst, var leirker eitt, sem grafið
hafði verið í jörðu í horni eins herbergisins, það reyndist nákvæm-
lega eins og leirker þau, sem handritunum hafði verið komið fyrir í
í hellinum. Þar með kom það í ljós, að það hafa verið íbúar þessa
húss, sem komið hafa bókasafni sínu fyrir í hellinum, sem fannst
1947.
Þarna fundust einnig peningar, og mátti lesa á tólf þeirra.
Þeir eru frá árunum 6—70 e. Kr. Þar með var fengin tímaákvörðun
leirkerjanna og byggðar hússins.
Það vakti einnig mikla athygli, að ýmislegt, sem fannst, benti
til þess, að húsið hefði verið yfirgefið í snatri. Einnig fundust
þar merki eldsvoða.
Nú var fengin fullnaðarsönnun þess, að íbúar hússins hafa
verið eigendur bókasafnsins í hellinum. En hverjir voru þá íbúarn-
ir? Efni handritanna sýndi það, að þeir hafa verið einhver trúar-
flokkur. En hver var þá þessi trúarflokkur, sem byggöi Qumran?
Allt bendir til þess, að flokkur þessi hafi verið Essenar.
Þeir Jósefus og Fílon lýsa Essenum. Jósefus er sagnaritari
Gyðinga, sem uppi var um það hil 37—100 e. Kr. Fílon var heim-
spekingur Gyðinga, búsettur í Alexandríu. Idann var uppi um
það bil 20 f. Kr. til 40 e. Kr. Þeir Jósefus og Fílon lýsa Essenum
þannig, að þeir hafi verið einn þriggja höfuðflokka Gyðingdóms-
ins. Hinir tveir voru Saddúkear og Farísear. Essenar voru sam-
kvæmt lýsingu þeirra trúarregla, sem lifði í klaustrum og ástund-
aði fagra breytni og heilagt lífemi. Þeir sameinuðu hina fornu
hefð Mósetrúar ýmsum nýstárlegum hugmyndum og siðvenjum,
sem sumar hverjar voru skyldar trúarbragðasammna Hellenis-
mans. Eftir lýsingunni að dæma hefir líf þeirra verið fagurt og
eftirbreytnisvert, agi strangur í reglunni og fylgt settum lögum