Andvari - 01.01.1955, Blaðsíða 80
76
Þórir Þórðarson
ANDVARI
vígsluhátíð trúnemans. Samkvæmt rituali því, sem þá er haft
um hönd, sltal hann fyrst vinna heit um hlýðni við regluna,
þá játa syndir sínar. Loks skal hann blessa þá hluti, sem heilagir
eru, og bölva þeim hlutum, sem vanhelgir eru og saurgaðir.
Vígsluþegi verður einnig að lýsa því yfir, að hann hafi snúið
sér til lögmáls Móse.
Sá siður er tíðkaður að gjöra árlega eins konar manntal. Svo
virðist sem mönnum sé skipað í stéttir og stig og gefnar einkunnir
fyrir framför og fullkomnun í heilögu líferni. Þetta sýnir, að
flokkurinn hefir verið skipulagður eins og her, þar sem aginn
er mikill og boðin ströng. Hver maður verður öðrum að hlýða,
sem yfir hann er settur.
Bæði rit Jósefusar og rit Essena gefa upplýsingar um þann
sið Essenanna að laugast hreinsunarbaði og um hina helgu mál-
tíð. Einnig hefir í Qumran fundizt laug, sem talið er að notuð
hafi verið til þessara skírnarbaða. Jósefus lýsir því, að reglu-
bræður hafi unnið til fimmtu stundar og þá komið saman til
að matast. En fyrst lauga þeir líkami sína úr köldu vatni og
klæðast síðan helgum klæðurn. Er þeir hafa laugazt, ganga þeir
hvítklæddir til matsalar og er þar flutt borðbæn og blessar prest-
urinn bæði brauðið og vínið. Að lokinni máltíð er aftur flutt
bæn og leggja þeir síðan frá sér hin helgu klæði og ganga til
vinnu sinnar á nýjan leik. Að dagsverki loknu er laugazt og
snætt á sama hátt.
Essenar lögðu mikla áherzlu á lestur hins helga lögmáls.
Meðal hverra tíu manna skyldi ávallt vera einn, sem les lög-
málið án afláts. Sennilegt er það, að hann sé þá leystur undan
vinnuskyldu, svo að hann geti helgað sig óskiptan lestri lögmáls-
ins. Einnig helga allir bræður hluta hverrar nætur lestri lögmáls-
ins, guðrækilegum umræðum og lofsöng.
Nú vitum við það, að þessir menn, sem fara ofan á nóttunni
til þess að lesa lögmálið, vinna allan daginn með höndum sín-
um við jarðyrkju, eða að því að gæta hjarðanna, eða vinna önnur
nauðsynleg störf. Við getum því hugsað okkur, að einhverjum