Andvari - 01.01.1953, Síða 11

ANDVARI
Gunnlaugur Claessen
7
um öðrum að útvega nauðsynleg tæki og endurbæta það, sem
úrelt var orðið. Það var happ, að það féll í hans hlut að koma
fótum undir röntgenfræðina hér á landi. Nýjar greinar vísind-
anna, í læknisfræði sem á öðrum sviðum, eiga alla jafna erfitt
uppdráttar, og því mikið komið undir mannvalinu í byrjun. Dr.
Claessen kappkostaði ætíð, að röntgendeildin stæði ekki að baki
hliðstæðum stofnunum erlendis, og því tókst honum að koma
til leiðar".
Um kennslustörf dr. Gunnlaugs í röntgenfræðum, en þau
kenndi hann stúdentum í læknadeild Háskólans, svo sem áður
er getið, kemst dr. Gísli Fr. Petersen svo að orði: „Honum var
kennslustarfið mjög hugleikið, enda var það stór þáttur í skap-
gerð hans að fræða aðra og miðla þeim af þekkingu sinni“. —
Þetta hið sama sýndu og öll ritstörf hans, er miðuðu til fræðslu,
hvort sem ætluð voru læknum eða leikmönnum og hvort sem
fræðslan var um geislalækningar eða önnur efni. — Enn getur
dr. Gísli Fr. Petersen þess varðandi kennslu- og leiðbeiningar-
starf dr. Claessens, að honum hafi verið einkar sýnt um að
henda öðrum á viðfangsefni.
Aldavinur dr. Gunnlaugs Claessens, prófessor Gösta Forsell
í Stokkhólmi, sem lengi hefur verið talinn fremstur geislalækna
á Norðurlöndum, ritaði minningargrein um dr. Gunnlaug í tíma-
ritið Acta Radiologica; gefa norrænir geislalæknar það út og var
dr. Gunnlaugur einn af ritstjórum þess 8 eða 9 síðustu árin
sem hann lifði. Þar segir prófessorinn svo um kennslubók dr.
Gunnlaugs, Röntgendiagnostik, en undirstaða hennar segir dr.
Gísli Fr. Petersen að fyrirlestrar hans í læknadeild Háskólans
hafi orðið: „Kennslubók Claessens í röntgenfræðum, Röntgen-
diagnostik, er það rit, sem hann hefur orðið kunnastur fyrir
meðal annarra lækna á Norðurlöndum en röntgenfræðinga. Sú
hók hefur komið út á dönsku í tveim útgáfum (1940 og 1946).
Þessi bók er sérstæð sem kennslubók í röntgengreiningu, vegna
þess hve Ijóst og lipurt hinn trausti og æfði kennari leiðir nem-