Andvari - 01.01.1948, Page 21

ANDVARI
Rögnvaldur Pétursson
17
söfnuðina, sem foringi þeirra lengstum, bæði út á við og inn
á við, var jafnan á hann litið sem andlegan leiðtoga. Hann
var talinn ágætur kennimaður og tækifærisræðum hans einkum
viðbrugðið. Og þótt hann legði niður kennimannlegt emb-
ætti við stofnun sameinaða kirkjufélagsins 1923, var liann
samt oftlega kvaddur til prestsstarfa, víðs vegar um byggðir
íslendinga. Hann gegndi og útbreiðslustjóra (Field Secretary)
starfi sínu til 1928, er Ragnar E. Kvaran tók við því um stund-
ar sakir, enda átti Rögnvaldur þá um hríð sem mest að vinna
sem ritari heimferðarnefndar þjóðræknisfélagsins. Rögnvaldur
tók við starfinu aftur árið 1933, er Ragnar fluttist heim. í þessu
starfi naut hann sín ágætlega. Árið 1928 var hann sæmdur
doktorsnafnbót af guðfræðiskólanum í Meadville. Var það
virðingar- og þakklætisvottur fyrir starf lians í þágu frjáls-
lyndrar kirkjustarfsemi og viðurkenning á víðtækum lærdómi
hans í trúfræði og trúarbragðasögu, er víða kemur fram i
ritum hans.
IV.
Starf sira Rögnvalds Péturssonar í þágu kirkjumála vestan
hafs, sem hér hefur verið stuttlega lýst, og að vísu af miklu
•ninni þekkingu og kunnleika en skyldi, verður talið annar
höfuðþáttur í ævistarfi hans. Hinn þátturinn, sem nú skal að
vikið, er starf hans til þess að efla samheldni og gengi ís-
lendinga vestan hafs, treysta menningar- og frændræknitengslin
'ailli Islendinga báðum megin hafsins, glæða ást og rækt við
[slenzka tungu og bókmenntir að l'ornu og nýju meðal landa
vestra og þar með sjálfsvirðingu og metnað kynstofnsins —■
1 stuttu máli starf hans fyrir þjóðræknismál íslendinga.
í upphafi þessa máls var vilcið nokkuð að landnáminu
^estra og lífi og kjörum frumbyggjanna. Þar var líka drepið
y það, hversu útflutningarnir hófust, og minnzt á hugsjón
ynnssa forvígismanna landnemanna um nýja, stóra og frjálsa
slendingabyggð í Vesturheimi og hversu um þá drauma fór.
"n þrátt fyrir allt, sem á annan veg fór en ýmsir trúðu eða
'onuðu, stóð eitt fast og haggaðist ekki. Þjóðernistilfinningin
'ar sterk í brjósti landnemanna. Fyrsti þjóðminningardagur-