Andvari - 01.01.1948, Síða 41

ANDVARI
Sigurður Breiðfjörð
37
Árið 1804 fluttu foreldrar Sigurður frá Rifgirðingum. Þá
tóku þau til ábúðar hálft Helgafell á móti séra Sæmundi
Magnússyni Hólm. Þar voru þau tvö ár og fluttust síðan að
Þingvöllum í Helgafellssókn. Þar voru þau skamma hríð.
Siðan voru þau búlaus hin næstu ár, en árið 1810 byrjuðu
þau búskap af nýju í Bíldsey. Þar andaðist Eiríkur 4. júlí 1819,
52 ára að aldri, af afleiðingum slysfara. Ingibjörg, móðir
Sigurðar, giftist aftur Jóni Ásgrímssyni Hellnaprests, og
bjuggu þau á Selvelli og Knerri í Breiðuvík.
Árið 1808 var Sigurði komið í fóstur til Guðmundar bónda
að Sveinsstöðum í Neshreppi, og þaðan fluttist hann með fóstra
sínum að Krossnesi utan Ennis. Árið 1811 (26. maí) var hann
fermdur að Setbergi af séra Birni Þorgrímssyni, og er hann
talinn fyrstur af 11 fermingarbörnum í kirkjubókum. Þá er
hann talinn 14 ára að aldri og þess getið, að hann hafi verið
»præpareraður“ í 3 ár.
Um þessar mundir fór hann heim til foreldra sinna í Bíldsey.
Næstu tvo vetur var hann við nám á Helgafelli hjá séra Gísla
Ólafssyni, og mun ætlunin hafa verið, að hann gengi mennta-
veginn. Af þessari ráðagerð varð þó ekki, sökum þess að for-
eldrar hans höfðu ekki efni á að kosta hann til frekara náms.
Heima fyrir var hann ódæll og þungur til vinnu. Því var horfið
að því ráði að koma honum til Kaupmannahafnar, til þess
að nema beykisiðn. Þetta var haustið 1814 eða 1815. Studdi
Uogi Benediktsson verzlunarstjóri í Stykkishólmi hann til
þeirrar farar fyrir frændsemi sakir. Sigurður var síðan er-
íendis um næstu þrjú eða fjögur ár og fara litlar frásögur af
þeirri dvöl. Hann mun ekki hafa lokið námi í heykisiðn, enda
hafði hann ekki fengið sveinsbréf í iðninni.
Vorið 1818 kom Sigurður aftir til íslands og gerðist þá beyldr
a ísafirði við Neðstakaupstaðarverzlun, og stendur það hús
enn með ummerkjum, þar sem hann hafði inni og starfaði.
Uá verzlun átti Ólafur Thorlacius kaupmaður, en verzlunar-
stjóri var Jón Jónsson eða Johnsen frá Reykhólum. Með vissu
verður ekki sagt, hversu lengi Sigurður dvaldist á ísafirði,
en næstu fjögur árin var liann ýmist þar eða í Stykkishólmi.