Andvari - 01.01.1948, Page 54

50
Jóh. Gunnar Ólafsson
ANDVARI
á snoðir um áform Sigurðar. Kvaddi hann Sigurð fyrir rétt
og tók þar af honum skýrslu um áform hans og veitti honum
siðan frest til þess að leggja fram skriflega umsókn. í umsókn-
inni skýrir Sigurður frá því, að hann hafi keypt litla skemmu
í Grjótahverfi og sé það ætlun sin að setjast þar að og hafa
ofan af fyrir sér og konu sinni með iðn sinni og skáldskap.
Umsókn þessi fékk skjóta afgreiðslu. Daginn eftir kvað Stefán
Gunnlaugsson upp úrskurð á þá lund, að Sigurði skyldi synjað
um leyfi til þess að setjast að í Reykjavík, og rökstuddi hann
neitun sina með því, að engin líkindi væru til, að Sigurður
gæti séð sér farhorða, sökum þess að hann hafi viðurkennt
fyrir rétti, að hann hefði ekkert sveinsbréf í iðn sinni. Einnig
vitnaði hann til samþykktar bæjarstjórnar Reykjavíkur frá
1841 í þá átt, að tjón væri að því, ef tómthúsmenn tækju sér
bólfestu í bænum. Stefán leitaði samþykkis Þórðar Guðmunds-
sonar, sýslumanns í Kjósarsýslu, á úrskurðinum, og stóð ekki
á því.
Út af þessari umsókn Sigurðar tók Stefán Gunnlaugsson
bæjarfógeti Sigurð þrisvar sinnum fyrir lögreglurétt, dagana
6., 7. og 9. júní 1842, og lét hann gefa skýrslu um hagi sína.
Skýrði Sigurður frá því í l'yrsta réttarhaldinu, að hann teldi
sig kunna beykisiðn, þótt hann gæti ekki sýnt sveinsbréf frá
iðnaðarmannafélagi í Kaupmannahöfn.
Haustið 1842 fluttist Sigurður til Reykjavíkur. Sennilega hef-
ur atvinna verið rýr og þröngt í búi hjá honum um þessar
mundir, því að um veturinn, í desember, skrifaði hann eða
lét skrifa tvær ávísanir á vörur lijá verzlun einni i bænum i
nafni tveggja góðkunningja sinna. Hélt Sigurður því fram, að
hann hefði haft leyfi þeirra til vöruúttektarinnar, sein nain
4 ríkisdölum, en ekki vildu þeir við það kannast. Þremur vik-
um síðar endurgreiddi Sigurður fjárhæðina. Kaúpmaður mun
hafa fengið grun um, að Sigurður hefði ekki fulla heimild
til þess að taka vörurnar, og kærði hann Sigurð. Sefán Gunn-
laugsson bæjarfógeti bað í marzmánuði 1843 Þórð Guðmunds-
son sýslumann að hefja rannsókn á atferli Sigurðar, og tók
hann skýrslu af mönnum þeim, sem hlut áttu að máli. Stift-