Andvari - 01.01.1948, Page 61

ANDVARI
Um fiskirækt í Bandaríkjunum.
Eftir Óttar Indriðason.
Hér er ætlunin að segja lítið eitt frá fiskirækt í Bandaríkj-
uin Norður-Ameríku, ef það mætti verða einhverjum þeim,
sem það les, til fróðleiks eða ánægju. Efnið er allumfangsmikið
og margþætt. Verður stiklað á stóru, því að hvorki vinnst
tími né rúm til annars.
Með fiskiræld er hér aðallega átt við klak á hrognum fersk-
vatns nytjafiska og fóðrun og uppeldi seiðanna um lengri
eða skemmri tíma þar á eftir.
Aðferðir þessarar ræktunar eru töluvert margvíslegar í
Bandaríkjunum. Fer það aðallega eftir því, um hvaða tegund
fisks er að ræða. Sömuleiðis liefur loftslag mikið að segja og
ýmsar aðrar ytri aðstæður.
Við munum hér aðallega halda okkur við klak og uppeldi
lax og silungs, þar sem þetta eru þær tegundir nytjafiska í
ósöltu vatni, sem við hér á landi þekkjum bezt og eru okkur
mests virði. í jafnvíðlendu landi sem Bandaríkjunum er auð-
vitað um fjölda margar fleiri tegundir nytjafiska í fersku
vatni að ræða, en flestar þeirra eru islenzkum Iesendmn lítt
kunnar og hafa alls engin áhrif á afkomu vora eða atvinnulíf.
Undir þetta síðast nefnda, þ. e. a. s. fisktegundir, sem hér
eru óþekktar og tæplega heppilegar vegna legu landsins og
loftslags, heyra þær tegundir fiska, sem hafðar eru i tjörnum
þeim, sem á slæmri íslenzku mætti kalla „ræktaðar“ tjarnir.
Um þetta hefur nokkuð verið ritað og rætt hér á landi hin
síðari ár, og finnst mér því rétt að gera því sutt skil.
Þessi aðferð tíðkast allmikið í Bandaríkjunum, sérstaklega
sunnanvert, og hefur mikla möguleika, þar sem hún á við.