Andvari - 01.01.1948, Page 74

70
Óttar Indriðason
ANDVARI
Seiðunum er gefið 6—8 sinnum á dag í byrjun. Er það oft
gert á þann hátt, að fjöður er stungið niður í soppuna og síð-
an er hún dregin í gegnum vatnið. Mataragnirnar verða á
þennan hátt mjög smáar og viðráðanlegar. Fyrst í stað gefa
seiðin fóðrinu lítinn gaum, en fljóílega komast flest þeirra upp
á að nota sér það.
Eftir því sem seiðin stækka, er breytt um frágang fóðurs
ins. Minni áherzla er lögð á að hakka lifur og milti mjög
smátt, og þegar þurrfóðrið bætist inn i fóðurblönduna, breytir
hún um svip. Þá koma og aðrar aðferðir til sögunnar við
gjöf fóðursins. Þegar seiðin stækka, er hætt að gefa þeim jafn-
oft sem áður. Um það bil sein þurrfóðrinu er bætt inn i, er
þeim ekki gefið nema tvisvar á dag, kvölds og morgna.
Áður fyrr var það venja að hafa handahóf á magni þess
fóðurs, sem hver hópur um sig fékk. En hópur kallast það af
hrognum eða seiðum, sem er í hverju hólfi eða þró fyrir sig,
utan húss eða innan. Þessi skipting i hópa hefst þegar er hrogn-
in eru sett í klakhúsið, og er hún höfð til hægðarauka. Jafn-
óðum og hrogn eða seiði drepast, er sú tala dregin frá hinni
upphaflegu tölu hópsins, en þegar fóðrunin hefst, kemur til
frekari fullvissu talning sýnishorna úr hverjum hóp og vigtun
alls hópsins. Þessi athugun á sýnishornum fer fram mánað-
arlega eftir að fóðrun hefst. Frá útkomu þessara athugana er
svo reiknaður þungi hópsins alls, fjöldi seiðanna eða sílanna
í honum, til frekari fullvissu, og meðalstærð eða lengd ein-
staklinganna. Þetta er allt mjög áríðandi, því að nú er löngu
hætt hinni fornu aðferð að gizka á fóðurmagnið. Ákveðnar
og mjög fullkomnar reglur og fyrirsagnir hafa verið samdar
af hinum færustu mönnum um magn þess fóðurs, sem gefa
skal laxi og ýmsum tegundum silungs undir mismunandi kring-
umstæðum. Eru þessar reglur nú viðurkenndar í flestum
Idakstöðvum í Bandaríkjunum. Til þess að þessar fyrirsagnir
komi að gagni og séu einhvers virði, þurfa vissar upplýsingar
að vera fyrir hendi, og þá fyrst og fremst þær, sem hér getur
að framan, þ. e. a. s. fjöldi seiða í hverjum hóp, þungi þeirra
samanlagður og meðalstærð einstaklinganna. Sjáum við þvi