Andvari - 01.01.1949, Síða 17

andvari
Magnús Sigurðsson bankastjóri
1?»
eríkufarar Magnúsar Sigurðssonar. Var hann kjörinn fulltrúi
Islands til móts þess, er þá var ákveðið að halda i Atlantie
Citj' í Bandaríkjunum; sat hann síðan fundi UNRRA fyrir
hönd þjóðar sinnar. — Þá tel ég rétt að geta annarrar Am-
eríkuferðar Magnúsar, er hann tókst á hendur skönimu síðar,
sumarið 1944. Var honum þá falið að sitja stofnfund Al-
þjóðabankans og Alþjóðagjaideyrissjóðsins. Er fundur sá
kenndur við Bretton Woods í Bandaríkjunum, þar sem hann
var haldinn. Var Magnús siðan kjörinn til að vera fulltrúi
sins lands í bankaráði Alþjóðabankans, og hélt hann því em-
bætti til dauðadags.
Til athugunar þeim íslendingum, er lifa Magnús Sigurðs-
son, vil ég tilfæra hér nokkur niðurlagsorð hans úr ferða-
sögunni frá Atlantic City fundinum, er ég minntist á, og eru
þau á þennan veg:
„Að endingu vil ég gela þess, að þetta er í fyrsta skipti,
sem ég hef farið vestur til Ameríku og hitt fólk þar, og að
mér líkar sérstaklega vel við Bandaríkjamenn. Þeir eru
prúðir og látlausir í framgöngu, vilja allt fvrir mann gera
og gera sér engan mannamun, eins og oft kemur fyrir hér
beima meðal okkar Islendinga.“ — Eru orð þau þess virði,
að fest séu i minhi og athuguð með gaumgæfni.
Um allan erindrekstur sinn erlendis lætur Magnús Sig-
urðsson þess getið, hve gangur málanna verki mismunandi
á skapið. Honum þótti gaman að lifa, þegar allt gekk fljótt
og að óskum, en langar gistihúsasetur, þar sem erindin biðu
í óvissu, voru honum þreytandi og reyndu á þolinmæðina.
Var himinninn honum því ýmist léltur eða dimmur á ferða-
lögum þessum. En oft voru á honum þreytumerki, er báru
þess vott, að þessar siglingar eru ekki allar skemmtiferðir.
Hefur liér nú verið stiklað á því stærsta, er getið var ut-
anfara Magnúsar og trúnaðarstarfa þeirra, er hann gegndi
fyrir ísland gagnvart öðrum ríkjum, en eftir er þá að drepa
stuttlega á nokkur þau störf, er honum voru falin til for-
ustu inn á við og heima fvrir. Skal þar fljótt yfir sögu farið
og aðeins minnzt á það helzta: Frá því að Sölusamband ísl.