Andvari - 01.01.1928, Side 64

62
Flugferðir
Andvari
Eins getur hann þráðlaust ákveðið, hvar hann er staddur,
hvenær sem er, og hagað flugi sínu eftir þessu, jafn-
hliða því sem hann auðvitað notar áttavita.
Það eru ekki fá áhöld, sem flugmaðurinn þarf að gæta
að og haga sér eftir, og þau hafa á seinni árum tekið
afar miklum framförum og eiga ekki sízt sinn þátt í því,
hve flug nú má telja öruggt. Auk þeirra áhalda, sem
hér hafa verið nefnd, eru eins og menn vita, hæða- og
hraðamælar. Hæðamælingar eru byggðar á loptþyngdar-
mælingum. Hraðamælar þeir, sem notaðir eru, geta verið
af ýmiss konar gerð, en hafa það allir sameiginlegt, að
þeir sýna ekki hraða flugvélarinnar í hlutfalli við jörð-
ina, heldur í hlutfalli við loptið, sem flugvélin fer um;
sýna þannig mun meira hraða, ef vélin flýgur á móti
vindi en með, þó að hún í rauninni fari hægara móti
vindi. Eg minnist þess í sambandi við þetta, að fyrir
tveim árum flaug flugvél frá Málmhaugum í Svíþjóð til
Kaupmannahafnar á tæpum 3 mínútum; ofsarok var á;
hún flaug þegar aftur, en heimferðin tók á aðra klukku-
stund. Hraðamælir vélarinnar hefir sjálfsagt sýnt miklu
meira hraða á heimleiðinni. Venjulega tekur tæpan fjórð-
ung stundar að fljúga þessa vegalengd.
Eins og fyrr hefir verið drepið á, hefir föstum flug-
samgöngum verið haldið uppi síðustu árin jafnt vetur
og sumar, þó að oft sé það mun meiri örðugleikum
bundið að vetri til; er veðrátta þá óstöðugri, og eins
getur mikil snjókoma gert flugferðir erfiðar. Það hefir
sýnt sig, að ekki er flugvélum, sem á hjólum renna,
fært að lenda eða taka sig upp, þegar flugvöllurinn er
þakinn snjó; hafa þá verið sett skíði undir vélarnar, en
þau er því að eins unnt að nota, að snjórinn sé um
eða yfir 20 cm. þykkur. Verður því, ef snjórinn er ekki
svo mikill, að halda vellinum snjólausum.