Andvari - 01.01.1919, Blaðsíða 12

VIII
Síra Friðrik J. Bergmann
[Andvari.
ins og vildu foreldrar hans koma honum lil menta.
Lærði hann undir skóla hjá þrem prestum, sira Jóni
Austmann, síra Árna Jóhannssyni og síra Davið
Guðmundssyni, sinn tíma hjá hverjum. Tók hann
inntökupróf í latínuskólann í Reykjavík þjóðhátíðar-
vorið, 1874, en kom aldrei síðan í skólann, því að
hann veiktist um haustið og batnaði ekki aftur fyrr
en undir jól. Fór liann með foreldrum sínum til
Vesturheims vorið eftir (1875). Var hann fyrst hjá
síra Páli Þorlákssyni, er þá var prestur meðal frum-
byggja í Wisconsin. Haustið 1876 fór hann í latínu-
skóla þann, er Norðmenn höfðu stofnað í Decorah
í Iowa og útskrifaðist þaðan 1881. Síðan var hann
tvö ár þar vestra ýmist við barnaskólakenslu eða
verzlun, unz hann fór til Noregs sumarið 1883 og
tók að stunda guðfræði við Kristjaníuháskóla. Þar
var liann tvö ár, en fór síðan vestur aftur og hélt
áfram guðfræðisnámi við »Lutheran Seminary«
í Philadelphíu. Lauk hann þar próíi vorið eftir og
vígðist 17. júní sama ár. Pá vóru myndaðir íslenzkir
smásöfnuðir í Norður-Dakota. Réðst sira Friðrik
þegar til þeirra og þjónaði þar átta söfnuðum fyrstu
sex árin, en síðan fjórum.
Á þessum árum var all-óhægur hagur síra Frið-
riks. Hann var á sífeldu ferðalagi í sumarhitum og
vetrarkuldum meðan hann þjónaði þessum mörgu
söfnuðum. Varð liann þá oft að leggja mjög hart að
sér. En hann var alla ævi óþreylandi starfsmaður
og fékk því furðanlegan tíma lil að vanda vel
ræður sínar, hélt og fjölda af fyrirlestrum og las
mjög mikið af bókum. Átti hann afbragðsgolt bóka-
safn og hefir verið talinn með lærðustu prestum
íslenzkum, þeim er honum vóru samtíða.