Stúdentablaðið - 01.12.1952, Blaðsíða 35

STÚDENTABLAÐ
27
Garðarnir
eru íullskipaðir að vanda. Þó
munu þar vera nokkru færri en
undanfarin ár.
Prófastsskipti urðu á báðum
Görðunum. Dr. Matthías Jónas-
son lét nú loksins af starfi sem
prófastur á gamla Garði, en við
því tók Runólfur Þórarinsson,
cand. mag. Þóttu það góð skipti.
— Á nýja Garði lét af störfum Ólafur Jónsson, cand.
jur., en við tók Höskuldur Ólafsson, stud. jur.
Meðal meiriháttar hreytinga má telja, að allflest
herbergi Garðanna hafa verið búin nýjum húsgögnum.
Eru þau skrifborð, svefnsófi og tveir stólar. Húsgögn
þessi voru smíðuð hér innanlands og eru hin vönduð-
ustu.
Dansleikir voru haldnir að gamla Garði mánaðar-
lega að jafnaði. Eru það ferlegar skemmtanir og all-
mikið sóttar. Veitingar eru þar allar seldar háskóla-
stúdentum við kostnaðarverði. — Á nýja Garði er nú
orðin venja að halda árshátið. Fer hún fram um
miðjan febrúar.
Almennur stúdentafundur
var einn haldinn, 5. febr. 1952, og fjallaði hann um
lánasjóð stúdenta. Var þar samþykkt tillaga þess efn-
is, að óskað var eftir, að lánasjóður stúdenta yrði lát-
inn taka til starfa svo fljótt sem unnt væri og ekki
síðar en í marz, en ef það reyndist eigi fært, þá að
framkvæmdum yrði frestað og náms- og húsaleigu-
styrkjum úthlutað, svo sem áður var.
var stofnaður að frum-
kvæði stúdentaráðs
með fögum nr. 5 frá
1952. Er sú breyting á
gerð, að í stað óaftur-
kræfra náms- og húsa-
leigustyrkja, er veitt-
ir hafa verið hvern
vetur (siðustu árin kr.
250.000) koma náms-
lán. Á ríkissjóður að leggja fram 300.000 kr. á ári í 25
ár og jafnframt ábyrgjast 2.6 millj. kr. lán til 10 ára,
sem sjóðnum er heimilt að taka.
Vorið 1952 fór fyrst fram úthlutun lána af fé því,
sem veitt var á fjárlögum fyrir árið 1952 til náms og
húsaleigustyrkja. Fjarri íór þó, að fé þetta hrykki til,
en eigi tókst að afla fjár á annan hátt. — Umsóknir
bárust frá 160 stúdentum um samtals 637.500 kr., en
lánaðar voru 288.500 kr. 119 stúdentum.
Lánasjóður stúdenta

Stjórn sjóðsins skipa: Ásgeir Pétursson, lögfræðing-
ur, formaður, og aðrir í stjórninni eru: Gylfi Þ. Gísla-
son, prófessor, Þorkell Jóhannesson, prófessor, Ingi
R. Helgason, stud. juris og Björn Júlíusson, stud. med.
Pétur Sigurðsson, háskólaritari, gegnir nú formanns-
störfum i fjarveru Ásgeirs Péturssonar.
Vinnumiðlun
var komið á fót fyrir forgöngu stúdentaráðs. Á hún
að hafa milligöngu um útvegun sumarvinnu handa
háskólastúdentum. 1 desembermánuði 1951 var skip-
uð nefnd þriggja manna til að annast undirbúning
og framkvæmdir. Áttu i henni sæti Bragi Sigurðsson,
stud. jur., Baldvin Tryggvason, stud. jur. og Bogi Guð-
mundsson stud. oecon. Vann nefndin mikið að mál-
inu, en árangur varð fremur rýr.
Iþróttalíf
var allmikið meðal stúdenta.
Hafði Iþróttafélag stúdenta
forgöngu í þeim efnum. Legg-
ur félagið á það höfuðáherzlu
að hvetja stúdenta til íþrótta-
iðkana jafnframt námi. Á veg-
um þess eru fastir íþrótta-
tímar í fimleikahúsinu og
einnig hefur stúdentum verið
útvegaður ókeypis aðgangur
að sundhöllinni á ákveðnum
tímum.
Félagið átti 25 ára afmæli á þessu ári og var þess
minnzt.
íþróttafélag stúdenta tók þátt í fjórum margbrotn-
um mótum, og stóðu stúdentar sig þar að jafnaði
vel. Þá fékk félagið heimsókn körfuknattleiksliðs frá
bandarískum háskóla. Eigi gat þó orðið að keppni
sökum ónógrar þjálfunar Islendinganna.
Fjárskort átti félagið við að etja, en hefur þó hlot-
ið nokkrum styrk frá háskólaráði.
Loks má geta þess, að stjórnin lét safna saman
nokkrum gripum félagsins, og prýða þeir nú anddyri
íþróttahússins.
Stúdentakórinn,
sem stofnaður var í fyrra hefur verið þjálfaður af
miklu kappi og er í stöðugri framför. Var bætt við
nokkrum mönnum, svo að í honum munu nú vera
milli 30 og 40 manns.
Meðal fastra verkefna kórsins er söngur 1. desem-
ber og síðasta vetrardag, og ef til vill verður haldin
söngskemmtun í náinni framtíð. — Háskólaráð hefur
styrkt þessa starfsemi nokkuð og hefur sá styrkur
verið notaður til að greiða laun söngstjóra, en hann
er Carl Billich.