Stúdentablaðið

Árgangur

Stúdentablaðið - 07.02.1959, Blaðsíða 7

Stúdentablaðið - 07.02.1959, Blaðsíða 7
J^túdentablao hver nemanda að halda ræðu á latínu fyrir minni rektors. I þetta skipti valdist til þess pilt- ur einn, sem kom víða við og minntist ýmissa manna. Er þá kallað framan úr salnum og spurt, hvaða menn hann eigi við. „Nomina sunt otiosa," svar- aði pilturinn. Þá kimdi Bjarni frá Vogi og sagði: „Hann átti nú að segja odiosa." Bjarni kenndi latinu og þýzku við skól- ann og var einstaklega góður kennari. Hann brýndi oft fyrir okkur að hugsa rétt og vilja vel. Einnig sagði hann, að við skyldum varast iurare in verba magistri (sverja við orð kenn- arans). Þessa nótt brann Glas- gow. Er mér minnisstætt, hve fólk þyrptist út af dansleikn- um til að horfa á brunann. Skeytti lítt um, þótt það væri í dansklæðum. Margir skóla- pilta gengu rösklega fram i að bjarga því, sem bjargað varð. — Enda horfði nú kvenfólkið á, bætir Sigurður við. — Svo tókstu stúdentspróf utanskóla ? — Já, það var 1907. Við luk- um tólf prófi, en upprunalega vorum við nítján i árganginum. En á prófinu upp úr 4. bekk höfðu sex falhð, en þrettán stóð- ust. Svo það er engin ný bóla, að menn falli á prófi. Flestir féllu á stærðfræði. Sigurður Thoroddsen kenndi stærðfræði þá, i fyrsta skipti, og var afar- strangur, en þvi höfðu nemend- ur ekki átt að venjast. Skoðaði hann t. d. allar logaritmatöflur, sem menn höf ðu með sér í próf- in, en það hafði aldrei verið gert fyrr. Var svo prófmönnum rað- að i tvær stof ur, ef tir þvi, hvern- ig menn voru álitnir að sér i stærðfræði. Var þetta gert til að fyrirbyggja svindl. Betri hóp- urinn komst allur upp, en hinn féll allur utan einn. Eftir stúdentsprófin var svo reynt að gera sér glaðan dag eftir föngum. Við fengum okk- ur létt vín og gengum suður í Beneventum og skemmtum okkur þar. Nokkrum áratug- um síðar ætlaði ég að rifja vipp gamlar endurminningar og gekk suður i Öskuhlið, en Benevent- um fann ég ekki. Þar var búið að umturna öllu. — Svo hefurðu gengið í prestaskólann? — Ekki fyrr en að ári liðnu. Ég tók mér fri næsta vetur og sá mig svolítið um i heiminum. En haustið 1908 fór ég í presta- skólann. Hann var uppi á lofti í húsinu þar sem nú er Harald- arbúð, en þar hafði áður verið ibúð Trampe greifa. — Hverjir voru kennarar þar? — Kennarar voru þrír, og fylgdi hver sinni stefnu í trú- málum. Sr.Eiríkur Briem fylgdi gömlu guðfræðinni, Haraldur Níelsson spíritismanum og Jón Helgason siðar biskup, nýju guðfræðinni, svo ekki er furða þótt við værum kannski ekki allir mjög sterkir í trúnni, segir sr. Sigurður. En allt voru þetta ágætismenn. Eiríkur Briem kenndi okkur forspjallsvísindi, en venjulega eyddi hann mest- um hluta tímans til að ræða við okkur utan efnisins. — Hve margir voru í þínum árgangi ? — Við vorum þrír, sem út- skrifuðumst vorið 1911. Auk mín voru það sr. Magnús Jóns- son, siðar prófessor, og sr. Jak- ob Lárusson i Holti, en þeir eru báðir látnir. Þá var reyndar bú- STtJDENTABLAÐ Útgejandi: Stúdentaráð Háskóla íslands. Ritnefnd: Styrmir Gunnarsson stud. jur., ritstjóri. Þór Magnússon, stud. mag. Geir Magnússon, stud. oecon. Auglýsingastjóri: Kristján Jónsson, stud. ph.il. Teiknari: Bolli Þór Gíslason,stud.theol. Félagsprentsmiðjan h.f. ið að stof na háskólann, en samt var ákveðið að útskrifa okkur frá prestaskóla, en ekki háskóla. Við vorum því síðasti árgang- urinn, sem lauk prófi frá presta- skóla, og ég var sá síðasti, sem gekk upp til próf s þar við græna borðið, sem Matthías kvað um: Nú eru þeir niu í nauðungarstiu. Guðsgóða orðið við græna borðið þylja þeir og fá þetta tvo og þrjá. Ná, ná, ná. Að svo mæltu kveðjum við sr. Sigurð Norland, sem nú, 50 árum eftir stúdentspróf, hefur setzt i háskóla — i fyrsta skipti. Frá ritnefnd: Þess skal getið, að Haraldur Henrysson, stud. jur., hefur starf- að í ritnefnd blaðsins, í stað Geirs Magnússonar.

x

Stúdentablaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Stúdentablaðið
https://timarit.is/publication/350

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.