Stúdentablaðið - 01.12.1959, Blaðsíða 8

8
STUDENTABLAÐ
Stúdentaráð Háskóla íslands 1959—1900.
Talið frá vinstri: Njörður P. Njarðvík. stud. mag., Jóhann G. Þorbergsson, stud. med., Grétar Br. Kristjánsson. stud. jur.,
fulltrúar Vöku. Jónatan Sveinsson, stud. jur., gjaldkeri, Stúd.fél jafnaðarmanna. Árni Grétar Finnsson, stud. jur.. formaður,
fulltr. Vöku. Jóhann Gunnarsson, stud. philol., ritari Stúdentaráðs, fulltrúi Þjóðvarnarfél. stúdenta, Vilborg Harðardóttir, stud.
philol., fulltr. Fél. róttækra stúdenta, Jón E. Jakobsson, stud. jur., fulltr. Félags frjálslyndra stúdenta og Þórarinn Ólafsson,
stud. med., fulltr. óháðra stúdenta. — Starfsmaður Stúdentaráðs, Hörður Sigurgestsson, stud. oecon. stendur við borðendann.
Endurheimt fullveldisins 1918 markaði djúp-
stæð tímamót. Framfarirnar, sem orðið hafa
með þjóðinni á þeim áratugum, sem síðan eru
liðnir, eru þær mestu, er um getur í sögu
hennar. Að sjálfsögðu hefur þar ýmislegt fleira
komið til, en endurheimt sjálfstæðisins ein sér.
Aukin tækni og vélvæðing á þar sinn stóra
hlut að máli. En án fullveldis síns og sjálf-
stæðis væri íslenzka þjóðin áreiðanlega ekki
jafn vel á vegi stödd í dag og raun ber vitni
um. Og skammt dygðu efnalegar framfarir einar
sér, ef frelsi og sjálfstæði þjóðarinnar hefði
•ekki jafnframt verið tryggt.
í dag fögnum vér yfir fengnu frelsi og minn-
umst þeirra, er sjálfstæðisbaráttuna háðu, með
þökk og virðingu. En þó gott sé að gleðjast
yfir unnum sigrum, þá skulum vér, sem í dag
lifum, vera minnug þess, að á oss hvílir
skyldan við að gæta hins dýrmæta arfs og varð-
veita og vernda hið endurheimta sjálfstæði.
Stúdentar voru jafnan í þeim flokki, sem
fremstur fór í sjálfstæðisbaráttunni. Það hefur
líka komið í þeirra hlut, öðrum fremur, að
halda á lofti minningunni um þann stóra sigur,
sem þjóð vor vann 1. desember 1918. Megi
það og ætíð verða hlutskipti stúdenta, að halda
vöku sinni og varðveita dýrmætustu eign henn-
ar — frelsið.
<