Stúdentablaðið - 01.12.1959, Blaðsíða 57

STUDENTABLAÐ
Kvöldvökur
hafa nokkrar verið haldnar. Þar hafa merkir menn
og aðrir reifað margvísleg mál. Gekkst bókmennta-
kynningarnefnd m. a. fyrir umræðum um „Hina ungu,
reiðu menn“ og hafði Thor Vilhjálmsson framsögu í
því máli. Þá ræddi Sigurður A. Magnússon, gagnrýn-
andi um tæknilega sérgrein Lofts Guðmundssonar, rit-
stjóra „Flugmála og tækni“, „Gangrimlahjólið". Þá
hefur Tómas Guðmundsson einnig komið fram á kvöld-
vökum stúdenta og flutt frumsamin ljóð við miklar
undirtektir.
Tónlist
er eigi nærri nógu vel rækt af stúdentum. Helzt hafa
þeir kyrjað nokkur sönglög 1. desember 1958 og enn-
fremur komið fram í danshúsinu „Lido“ á sumarfagn-
aði stúdenta. Höskuldur Ólafsson, lögfræðingur hefur
stjórnað kór þessum, sem nefndur er „Karlakór stúd-
enta“. Hins vegar sækja stúdentar tónlistarkynningar
Háskólans nokkuð dræmt og er það miður" mjög, því
þar hafa inar merkustu tónsmíðar verið fluttar og einnig
skýringar við þær. Komið hefur til tals að ráða sér-
legan tónlistarráðunaut að skólanum og mun það mál
í athugun.
Vinnumiðlun
hefur færzt í vöxt. Hefur stúdentum verið „miðlað“
inum aðskiljanlegustu störfum. Hafa þeir bæði verið
á togurum og varðskipum og einnig tekið að sér rétt-
lætanleg jólasveinastörf fyrir bókaverzlun nokkura.
Hefur mikill áróður verið í frammi hafður til að benda
atvinnurekendum á þau þægindi, sem þeir geta haft
af starfsemi þessari. Vinnu- og húsnæðismiðlun heyrir
hvorttveggja undir sömu nefnd. Húsnæðsmiðlun hefur
hins vegar heldur minnkað og hafa flestir stúdentar
fengið inni án hjálpar hennar.
I vinnu- og húsnæðismiðlunarnefnd áttu sæti þeir
Bragi Steinarsson, Ingólfur Örn Blöndal og Björn Páls-
son, allir studiosi juris.
Skáktafl og bridge
var nokkuð haft í frammi. Fram fór skákmót milli
deilda og sigraði lagadeild með óskaplegum yfirburð-
um. Einnig efnt til hraðskákmóts, sigurvegari Stefán
57
Briem. Friðrik Ólafsson skýrði skákir sínar frá móti í
Hollandi. Skáknefnd skipuðu: Grétar Haraldsson, stud.
jur., Jón Elíasson, stud. polyt., og Gunnar Gunnlaugs-
son, stud. med.
Bridgekeppni haldin og sigraði sveit Gunnars Jó-
hannessonar. í bridgenefnd voru Ólafur G. Einarsson,
Jóhann Níelsson og Guðmundur T. Magnússon.
innrituðust í haust sem hér segir: Guð-
fræði 6, læknisfræði 27, tannlæknar 5,
lögfræði 29, viðskiptafræði 15, verkfræði
6, lyfjafræði lyfsala 3 og heimspekideild
98, alls 189 stúdentar.
Þá eru við nám í háskólanum: 23 í guð-
fræði, 193 í læknisfræði, 19 í tannlækn-
ingum, 121 í lögfræði, 24 í verkfræði, 8 í
lyfjafræði lyfsala, 300 í heimspekideild,
alls 793.
Bókmenntakynningar
voru að þessu sinni tvær haldnar. In fyrri á verkum
Þórbergs Þórðarsonar. Fór hún fram 7. desember.
Sverrir Kristjánsson, sagnfræðingur flutti erindi um rit-
höfundinn og verk hans. Upp úr verkum hans lásu:
Lárus Pálsson, leikari og stúdentarnir Brynja Bene-
diktsdóttir, Bernharður Guðmundsson, Bolli Gústavs-
son og Tryggvi Gíslason. Sobbeggi afi var sjálfur við-
staddur kynningu þessa.
In önnur var haldin 22. marts 1959 og fjallaði um ís-
lenzkan sagnaskáldskap síðasta áratugs. Helgi Sæ-
mundsson, ritstjóri, flutti margrætt erindi um ungu
skáldin og nokkur verk þeirra. Þá var tekið til við
lestur verka höfundanna: Guðmundur Steinsson
(Gíslason) las úr nýrri bók sinni „Maríumyndin",
Þórarinn Guðnason, læknir, las úr bók Indriða Guð-
mundar Þorsteinssonar, „79 af stöðinni“, Sverrir
Kristjánsson, sagnfræðingur flutti kafla úr bók-
inni „Sjór og menn“ eftir Jónas Arnason og Bern-
harður Guðmundsson, stud. theol., las smásögu úr
skruddu Geirs Kristjánssonar, „Stofnunin". Að venju
var bókmenntakynningunum útvarpað og nýlega voru
gerðar ráðstafanir til að Háskóli Islands gæti eignast
upptökur þessar og munu talþræðir þessir væntanlega
verða ið merkasta safn, er fram líða stundir. I bók-
Rússar