Stúdentablaðið - 25.01.1974, Blaðsíða 8

Vökuþáttur
Ábyrgðarmaður Kjartan Gunnarsson
Firríng vinstrí stúdenta aumkunarverð
Senn líður að því að stúdent-
um við Háskóla Islands gefist
kostur á því að sýna í verki hug
sinn til þeirra manna, sem að
undanförnu hafa haft meiri-
hlutaaðstöðu í Stúdentaráði.
Það er því miður svo, að stúd-
entar fylgjast almennt mjög illa
með sameiginlegum málum sín-
um og ekki er fyrir að fara því
mikia og vekjandi félags- og
menningarstarfi sem einkenna
ætti starf stúdenta og leik.
Ekki verður gerð nein tilraun
til þess hér að setja fram skýr-
ingar á þessum vanda, umfram
það sem hverjum manni er aug-
ljóst; þ.e.a.s. þátttaka stúdenta
í hinni almennu lífsbaráttu og
margvíslegt aðstöðuleysi þeirra
í skólanum eru veigamiklar for-
sendur afskiptaleysis þeirra. En
í viðbót við þetta tvennt má svo
auðvitað nefna frámunalega lé-
lega framistöðu vinstri meiri-
hlutans í Stúdentaráði, hvað
snertir allt almennt félags og
menningarstarf meðal stúdenta.
Því það má víst örugglega til
sanns vegar færa, að núverandi
ráðamenn í Stúdentaráði hafa
verið iðnastir við að baða sig
upp úr ljóma valds og áhrifa,
raunar valda og áhrifa, sem ein-
göngu er að finna í þeirfa eigin
hugarheimum, ásamt og með
því að flaðra upp og dilla róf-
unni á hinn óhrjálegasta hátt
fram í fulltrúa þeirra stjórn-
valda, sem telja að öxin og jörð-
in geymi þá best, sem voga sér
þá fáránlegu ósvífni að hafa
eigin skoðun, sem ekki hefur
öðlast löggildingu hjá hvata-
mönnum þess, að Nóbelsverð-
launahafinn Solzhenitsyn verði
tekinn af lífi og heygður utan-
garðs.
Við þetta hafa forustumenn
meirihlutans í Stúdentaráði ver-
ið svo önnum kafnir á ferða-
lögum sínum erlendis kostuðum
af Kremlverjum o. fl., að mál-
efni Háskólans og stúdenta
hafa mætt afgangi í störfum
þeirra.
Öllum, eða a.m.k. þeim, sem
gera sér grein fyrir hinni brýnu
þörf Háskólans fyrir að vera í
virkum og lifandi tengslum við
þjóðlífinu umhverfis sig er ljóst
hversu bagalegt þetta er. Um
þetta farast hinum nýja rektor,
Guðlaugi Þorvaldssyni m.a. svo
orð í viðtali við Stúdentablað-
ið: . Ég held að sumt af
gagnrýninni sem á Háskólanum
hefur dunið stafi ekki af firr-
ingu Háskólans, heldur af firr-
ingu fólksins sem er fyrir utan.
Það veit ekki hvað er að gerast
hérna og hefur ekki gert sér
gréin fyrir því að í Háskólanum
eru stormar lífsins í dag, sem
það er ekki ennþá farið að
skilja".
Undir þessi orð rektors er
hægt að taka heils hugar. En
væri það ekki einmitt hlutverk
stúdenta að draga þessa blæju
þekkingarleysis á málefnum Há-
skólans frá augum fólksins í
landinu? En eins og bent hefur
verið á verða það varla þeir
menn sem nú fara með völdin í
Stúdentaráði, sem taka sér svo
„borgaralegt" starf fyrir hendur.
Enda þótt óvígðum gæti dottið
í hug að hinum „róttæku mönn-
um í Verðandi sem leitt hafa
hagsmunabaráttu stúdenta í
Stúdentaráði og Háskólaráði,
rekið hana af áður óþekktum
krafti og lyft á hærra stig hags-
munabaráttu og þjóðfélagsleg-
um afskiptum stúdenta", svo
notuð séu þau lýsingarorð sem
þessar mannvitsbrekkur velja
um sjálfar sig, þætti slíkt ekki
fyrir neðan virðingu sína.
En í stað þess að sinna þess-
um mikilvægu málum að tengja
Háskólann og þjóðina sterkari
böndum, hafa vinstri menn í
Stúdentaráði gert sjálfa sig og
stúdenta alla að athlægi með til-
lögugerð sinni á þjóðmálasvið-
inu. Eða muna menn ekki eftir
„Breiðfylkingunni" góðu um
„svika" samningana í landhelg-
ismálinu en þá reyndist Æsku-
Iýðsfylkingin, sem er einn af
furðulegri sértrúarsöfnuðum
landsins, eini aðilinn sem taldi
tillögur Stúdentaráðs svara
verðar. Um þetta og fleira segir
m.a. svo í nýútkomnu Stúdenta-
blaði Vöku:
„Háskólinn er og hefur verið
um of einangraður frá þjóðlíf-
inu — atvinnu- og menningar-
lífinu utan veggja hans. Vaka
hefur ætíð barist fyrir því, að
þessi tengsl verði aukin og efld,
öllum til góðs.
Ýmsum hættir til að hafa
horn í síðu skólans og telja
hann og starfsmenn hans, nem-
endur og kennara byrði á þjóð-
lífinu, dekurþegna sem ætlist
til alls af öðrum, en séu ekki
þjóðlífinu eins mikils virði og
þeir sjálfir vilji vera láta.
Engum blöðum er um að
fletta, að núverandi meirihluti
Stúdentaráðs hefur aukið á tor-
tryggni í garð stúdenta og þar
með skólans. Með framferði
sínu, sem hefur leitt til þess, að
enginn vill hafa neitt við þá að
sælda, eins og að framan er lýst,
hafa þeir enn breikkað það bil,
sem var milli skólans og þeirra
sem utan við hann standa. Þar
hafa þeir reynst hinir mesm ó-
þurftarmenn, því Háskólinn
þarf ekki á öðru meira að halda
nú en á skilningi almennings og
stjórnvalda. Sé hann ekki fyrir
hendi getur Háskólinn ekki
gegnt skyldu sinni í framtíðinni
með viðeigandi hætti.
Meðan Vökumenn réðu, þá
stóðu þeir fyrir opnun Háskóla
einn dag. Þá góm allir sem
vildu komið og kynnst störfum
Háskólans í eigin persónu. Mik-
ill fjöldi fólks notfærði sér
þetta.
Meðan Vökumenn réðu,
stóðu stúdentar fyrir fjölbreyti-
Iegu lista-, menningar- og
fundalífi innan veggja skólans
og utan. Síðan vistri menn tóku
við hefur ríkt algjör ördeyða í
þessum efnum.
Meðan Vökumenn réðu var
Félagsstofnun stúdenta byggð,
námslán voru stóraukin og áhrif
stúdenta í málefnum skólans
urðu æ meiri. I tíð vinstri-
manna hefur þessu öllu heldur
farið afmr en hitt.
Meðan Vökumenn réðu hafði
almenningur trú á stúdenmm
og því starfi sem unnið var af
stúdentum innan skólans og ut-
an. „Breiðfylkingin" annálaða
er Ijósasta dæmið um hvernig
þeim þætti er nú komið."
Lengri þarf þessi upptalning
ekki að vera, allir sem fylgst
hafa með Háskólanum og mál-
efnum stúdenta vita að hér er
ekki farið með staðlausa stafi.
Og undir þessum merkjum
munu lýðræðissinnaðir stúdent-
ar ganga til kosninga á næst-
unni. Þeir munu stefna að því,
að Háskólinn öðlist þann sess í
huga þjóðarinnar sem hann á
að hafa og jafnframt munu þeir
gera sitt til þess ao Háskolinnn
verði þess umkominn að skipa
þann sess með reisn og sæmd.
Veröandiþáttur Ábyrgðarmaður Gestur Guðmundsson
Yankee go home
Þessar vikur eru örlagastundir
í stærsta einstaka máli íslenzkra
stjórnmála, hermálinu. Nú fæst
loks úr því skorið, hvort ríkis-
stjórnin mun standa við fyrir-
heit sín um brottför herliðsins.
Verðandimönnum ætti ekki að-
eins að vera kappsmál að fá
skorið úr um heilindi stjórnar-
innar, heldur sætta sig ekki við
annað en fullan sigur. Því er
rík ástæða til að fylgjast vel með
aðgerðum og ummælum ráð-
herra og flokksbrodda og vera
vel á verði. Þannig læðast illar
grunsemdir að mörgum þegar
viðræðunum við Bandaríkja-
menn er frestað æ oní æ, löngu
eftir að viðræðutíminn er lið-
inn. Ríkisstjórnin þarf ekki ann-
að en að segja samningnum upp
einhliða til að fullnægja ákvæði
málefnasáttmálans, og til þess er
kominn tími, eftir að sex mán-
aða tímabilinu er lokið. Því
spyrja menn: er verið að undir-
búa svikasamninga, t.d. fataskipt-
in alþekktu eða sér framsóknar-
maddaman fram á fall stjórnar-
innar á fyrstu þingfundum þjóð-
hátíðarársins og vill koma sér
undan að taka ákvörðun í her-
málinu?
Þó svo að hermálið sé I hönd-
um stjórnar og Alþingis, hefur
aldrei verið ríkari ástæða til að
herða róðurinn í málefnaáróðri
herstöðvaandstæðinga meðal al-
mennings. Því aðeins að vilji
alþýðu sé ljós og ótvíræður,
munu pólitíkusarnir standa við
fyrirheit sín. Þetta gerir Verð-
andi sér Ijóst og munu fulltrúar
félagsins í SHÍ og 1. des. nefnd
hafa forgöngu um aðgerðir til
stuðnings málstað herstöðvaand-
stæðinga. — Því miður er þess
lítil von að aðrir aðilar en stúd-
entar, s. s. verkalýðshreyfingin,
taki þar frumkvæði, en þess er
að vænta að almenn sókn fylgi
í kjölfar aðgerða stúdenta.
Verðandi
skipuleggur
námsstarf
og starfshópa
Brýnasta verkefni Verðandi um
þessar mundir er að hefja til
vegs og virðingar það starf sem
ekki er falið í fjölmennum fund-
um og pólitískum aðgerðum,
heldur er undirstaða alls starfs
og stefnu, þ. e. námsstarfið og
vinna einstakra starfshópa að
gagnasöfnun og stefnumómn í
einstökum málum. Síðastliðinn
vetur gekkst Verðandi fyrir
prýðilega sóttum Ieshring í
marxisma, sem þátttakendum
þótti gefa góða raun. Var ákveð-
ið í haust að reyna að gangast
fyrir víðtækara starfi með þátt-
töku sem flestra Verðandimanna.
Er hér um að ræða bæði marx-
íska leshringi og starfshópa um
málefni skólans og einstakra
deilda.
Vegna prófanna alls þorra
nemenda, hefur það dregizt að
starf þetta hæfist af fullum
krafti, en stefnt er að því að
sá dráttur standi ekki Iengi fram
yfir yfirstandandi prófavertíð.
Skorar framkvæmdastjórn á
vinstri menn í háskólanum að
taka þátt í þessu starfi, sem
bæði er félaginu nauðsynlegt og
persónulegur ávinningur hverj-
um þeim sem virkan þátt tekur.
Áhuigahafendur snúi sér til fram-
kvæmdastjórnar eða eftir nánari
auglýsingum.
AUKA-
AÐALFUNDUR
VERÐANDI
ráðstefna um stefnuskrá
Fimmtudaginn 7. febrúar kl. 20.00 í Stúdenta-
heimilinu við Hringbraut.
Uppkast að stefnuskrá rætt og afgreitt.
Framkvæmdastjórnin
LIÐSFUNDUR
VERÐANDI
fimmtudaginn 31. janúar kl. 20.00 í Stúdenta-
heimilinu við Hringbraut (niðri).
Til umræðu:
1. Inntaka nýrra félaga.
2. Ályktun og starf að herstöðvarmálinu.
3. Starfið framundan.
4. Önnur mál.
F ramkvæmdastjórnin
8 — STÚDENTABLAÐIÐ