Stúdentablaðið - 01.03.1983, Blaðsíða 3
STÚDENTABLAÐIÐ
3
Stúdentablaðið
2. tbl. 58. árg. mars. 1983
Útg. Stúdentaráð Háskóla íslands.
Ritstjórar: Bjarni Harðarson (ábm) og
Aðalsteinn Eyþórsson.
Auglýsingastjóri: Jóhanna Margrét
Einarsdóttir S. 74182.
Ritstjórn — Afgreiðsla — Auglýsingar:
Félagsstofnun stúdenta v/Hringbraut, 101 Reykjavík.
Opið alla virka daga frá 13 — 15.30. S. 28699
Heimasímar: Aðalsteinn 79583, Bjarni 17593
Einnig má hafa samband við
ritnefnd. Sjá bls. 5
Setning og prentun: Prentstofa G. Benediktssonar.
Leiðari!
Einhverjir minnust á að þó síðasti leiðari hafi nú verið
ágætur (á sinn máta eða þannig) þá gangi þetta nú ekki
nema einu sinni og að sumu leyti viðeigandi að blöð hafi leiðara.
Jú, fyrir því er náttúrulega hefð sem má virða. En annars; þessir leiðarar
í dagblöðum og landsmálablöðum eru nú yfirleitt svo leiðinlegir að fæstir
skynsamir menn lesa þá eða hvað? Og hvað á svo ritstjóri með að setja sig á háan
hest og prenta sitt bull með 12 punktum meðan aðrir fá aðeins 9. Þá mætti auðvitað
hugsa sér leiðara með bara 7 punkta letri eins og hér.
En annars hafa margir forverar mínir notað leiðara
sína til lausnar á aðsteðjandi vanda mannkyns* en þar
stend ég illa að vígi. Þó skömm sé frá að segja er nú-
verandi ritstjóri svo tómur í kollinum að hann hefur
ekkert til málanna að leggja. Ja, nema þá að menn venji
sig á að taka bæði lýsi og vítamín á morgnana, sem ætti
að hjálpa einhverjum. Og svo dettur mér í hug eitt
hræðilegt vandamál borgarsamfélagsins hér á skerinu.
Það eru allir þessir plastpokar.
Fyrir menn sem ennþá hafa í sér svokallaða nýtni
bænda (sem ef til vill er það eina sem leifir af íslenskri
menningu í allri ameríkanseringunni) og trúa á að
henda aldrei neinu er opinn möguleiki á alveg sérstök-
um ógöngum. Allir skápar fyllast af plastpokum og á
snögum víðsvegar má sjá hvíta plaspoka fulla af alla-
vega plastpokum. Það má náttúrulega setja einn í
bréfakörfuna, setja ostinn í nýjan plastpoka, geyma
óhreina tauið í plastpoka o.s.frv. Nú þegar enginn sér til
og þú sjálfur (sjálf) ert í nógu kærulausu skapi laumarðu
kannski handfylli af þessum ófögnuði í ruslafötuna;
vitandi að slíkt er ekki bara eyðilegging á verðmætum,
mengunarvaldur og hráefnaeyðsla heldur líka gert til að
sprengja upp sorphreinsunarkostnað borgarinnar. Sértu
utanbæjarmaður skaltu gæta þess að verða ekki uppvís
að slíku samsæri. Nei þér væri nær að koma einhverju af
þessu í geymslu hjá gamalli frænku þinni, sem á hvort
eð er í vandræðum með hvað hún býr í stórri íbúð.
Ef þú ert einn þeirra sem heldur að manni sé í sjálfs
vald sett hvað safnast fyrir af innkaupapokum kemurðu
upp um að þú sendir alltaf aðra út í búð fyrir þig. Ef þú
kurteislega segir nei takk þegar afgreiðslukonan býður
þér poka, þá brosir hún til þín eins og hún vilji segja,
kanntu annan, eða þá að hún lítur til stöllu sinnar og á
augngotunum sérðu að þær hugsa; hann er nú léttrugl-
aður þessi. Síðan tekur hún tannkremstúpuna eða blý-
antinn sem þú keyptir og gengur snyrtilega frá því í
vandlega unnan plastpoka með höldum sem eiga alls
ekki að slitna. Ef þú nú gerist svo ósvífinn að skila
pokanum, ja þá skaltu gleyma viðkomandi búð ef þú
ætlar ekki að lenda illa í samfélagsvandamálum nútím-
ans. Það er enda takmarkalaus ruddaskapur að ætla að
koma vandamálum heimilisins yfir á kaupmanninn á
horninu.
Orð og efndir
— af Stúdenta-
blaðinu
Vaka linnir ekki látum við að verja ritstjóra sinn frá því í fyrra, enda
ekki vanþörf á. Nú siðast hefur tekið upp hanskann, vökustaurinn
Eiríkur Ingólfsson og gerir hann það í síðasta tbl. Stúdentablaðsins.
Eiríkur fer í greininni mörgum orðum um skoðanir sínar á blaðinu,
gagnrýnir það mikið á óraunsæjan og stundum raunsæjan hátt.
Hann kemst síðan að lokum að stórmerkilegri niðurstöðu eða þeirri
að vegna slælegrar rítstýringar í vetur hafi gagnrýni Umbótasinna á
ritstjóm vökustaurs glatað réttmæti sínu. Það var og.
Sjaldgæft er að menn skrífi
greinar í blöð til að gagnrýna eitt-
hvað og reki það síðan jafn kyrfi-
lega ofan í sig aftur eins og Eiríkur
gerir þama. Það sér hver maður
sem gáir og það vill sjá að blaðið
sem vökustaurinn gaf út í fyrra var
lélegt og hefur alla þá galla sem
Eiríkur telur upp í sinni grein, plús
marga aðra. Þar með hefur sam-
kvæmt rökfærslu Eiríks, hans eigin
gagnrýni fallið um leið og hún var
skrifuð. Þetta má skýra enn frekar
með eftirfarandi:
Eiríkur segir í greininni:
Ef einhver gefur út lélegt blað þá
glatar gagnrýni þess hins sama á
útgáfu annarra réttmæti sínu.
Ergo:
Vaka gaf út lélegt blað, þar af
leiðir, gagnrýni Eiríks glatar
réttmæti sínu.
Þetta er einföld regla í rökfræði
sem kallast játunarregla.
Hið sanna í málinu er að blaðið
hefur stórbatnað eftir að Umbóta-
sinnar tóku við yfirstjórn þess þó
vissulega megi alltaf grafa upp
galla. Umbótasinnar eru meðvit-
aðir um það og hafa nú lagt fram
all rnikið breytta stefnu í málefnum
blaðsins í ljósi reynslu sinnar á
liðnu ári. Þá sjálfsgagnrýni átti
Vaka hins vegar ekki til á sínum
tíma, hvað þá vinstri menn þegar
þeir voru við völd, og því er það
ljóst að til að bæta Stúdentablaðið
enn frekar er vænlegast fyrir
stúdenta að fylkja sér um stefnu
Umbótasinna í þessu máli sem
öðrum.
Umbætur
Það er grundvallaratriði í stefnu
Umbótasinna í öllum málaflokkum
að hagsmunamálum stúdenta skuli
ekki að óþörfu grautað saman við
lands- og/eða heimsmálapólitík.
Þess vegna höfum við nú í vetur
veríð laus við af síðum blaðsins
róttæklingarugl eða útópiur og
endurteknar stuðningsyfirlýsingar
við Sjálfstæðisflokkinn eða frjáls-
hyggjukjaftæði.
í vetur hefur kostnaður við
blaðið verið mun lægri en í fyrra
m.a. vegna lágs prentunarkostn-
aðar.
í vetur hefur verið gert stórátak í
áskriftarsöfnun að Stúdentablað-
inu sem lækkar kostnað blaðsins og
eykur útbreiðslu þess og virðingu.
f vetur hefur blaðið komið
reglulega út, af sem áður var.
í vetur hefur skrifstofa blaðsins í
F.S: verið opin og hefur það leitt til
betri tengsla við stúdenta. Áður sást
ritstjórinn vart á svæðinu nema
þegarhann sótti launin sín.
f vetur hefur náðst á góð sam-
vinna við ritnefnd blaðsins og hún
tekur virkan þátt í útgáfu þess. Af
sem áður var þegar hún var bara til
á pappírunum.
Öllum þessum atriðum gleymdir
þú Eiríkur, þegar þú skrifaðir
greinina þína.
Já, Eiríkur — stúdentar. Við
samanburð fara saman orð og
efndir Félags umbótasinnaðra
stúdenta í málefnum blaðsins. Um
það tala verkin sínu máli.
Lifið heil,
Aðalsteinn Steinþórsson.
Deildarfélög athugið!
Frestur til þess
að sækja um styrk úr Félagsmála- og
stúdentaskiptasjóði rennur út fimmtudaginn
31. mars. Umsóknum skal skila á skrifstofu
stúdentaráðs.
Félagsmálasjóður styrkir félagsstarfsemi og
blaðaútgáfu félaga innan Fíáskólans.
Stúdentaskiptasjóður styrkir stúdentaskipti
og ráðstefnuferðir félaga innan Háskólans.
Hagsmunanefnd SHÍ.
-b