Stúdentablaðið - 01.03.1983, Blaðsíða 5
STÚDENTABLAÐIÐ
5
kennslu. Deildin hefur yfir að ráða
tveimur hæðum í húsi við Tjarnar-
götu og lestraraðstöðu í hjúkrunar-
skólanum. Undanfarin ár hefur
fjölgað mjög í deildinni og ástandið
því orðið mjög alvarlegt. Þetta
stendur þó allt til bóta því að nýtt
húsnæði verður væntanlega tekið í
notkun næsta vetur og mun þá
hagur deildarinnar í húsnæðismál-
um vænkast mjög.
... og flökku-
Námsbraut í sjúkraþjálfun er
staðsett að Lindargötu 7. Húsnæðið
rúmar tvo árganga í einu, og hafast
þeir við í einni kennslustofu og
einni lesstofu. (áætluð fyrir 7 nem.)
Þar sem lesstofan er notuð sem
kennslustofa frá kl. 8 til kl. 17 hafa
nemendur ekki lestraraðstöðu þar á
þeim tíma. Ti! verklegrar kennslu
er notaður lítill leikfimisalur í
kjallaranum. Fyrir utan tíma á
Lindargötu þurfa nemendur að
þeysast vítt og breitt um borgina í
tíma. Sækja þeir tíma í byggingar á
háskólalóðinni, í Ármúla (húsnæði
Læknadeildar), á Tjamargötu, á
Landsspítalann og á Borgarspítal-
ann. Verkmenntun sækja nemend-
ur á Reykjalund, ýmsar endurhæf-
ingastofnanir og jafnvel út á land.
Af þessu má sjá að sjúkraþjálfarar
lifa sannkölluðu flökkulífi á náms-
tíma. Verða þeir að notast við
einkabíla eða leigubíla ef þeir eiga
að ná í tæka tíð í tíma.
Aðstaða fyrir kennara á Lindar-
götu er mjög slæm. Fjórir kennarar
hafa aðstöðu í tveimur litlum
herbergjum, í öðru þeirra er einnig
bókasafn og sími deildarinnar.
Leigusamningur núverandi hús-
næðis rennur út 1. júlí nk., og er
ótryggt um húsnæði eftir þann
tíma. Til umræðu er bráðabirgða-
húsnæði í Skipholti 37, sem er hluti
úr hæð. Það húsnæði er helmingi
minna en æskilegt er. Þar er ekki
pláss fyrir lesstofu né bókasafn og
hefur komið til tals að hafa þá að-
stöðu í Nóatúni. Námsbrautastjóm
er að vinna að því að fá alla hæðina
í Skipholti undir námsbrautina. Ef
það tekst ekki er húsnæðið verra en
núverandi húsnæði brautarinnar,
og finnst nemendum og kennurum
að sjálfsögðu hart að vaða úr ösk-
unni í eldinn í þessum málum.
Nauðsynlegt er að brautin fái
framtíðarhúsnæði í þeirri byggingu
á Landsspítalalóðinni sem kölluð
er Tanngarður. Nú þegar er sam-
nýting á kennslu í grunnfögum í
læknisfræði og sjúkraþjálfun og
kennsla í sjúkdómafræði fer að
miklu leyti fram á Landsspítalalóð-
inni. Ef brautin fengi húsnæði í
Tanngarði myndi flökkulíf nem-
enda minnka stórlega, auk þess
mætti bæta kennslu í sjúkraþjálf-
unarfræði með þvi að tengja hana
meira við sjúklinga og fá til þess
aðgang að sjúklingum á Lands-
spítalanum. Einnig mætti samnýta
með læknisfræðinemendum bóka-
safn, ritara og rannsóknaraðstöðu.
Loftleysi og
umferdagnýr
— hjúkrunarfræði
Eins og í velflestum deildum
Háskólans hefur hér orðið mikil
fjölgun nemenda og hefur það
skapað vandræði.
Kennsluhúsnæði námsbrautar-
innar telst vera á Suðurlandsbraut
18, þar eru tvær 30 sæta kennslu-
stofur, herbergi fyrir hópvinnu 6 til
8 manns, afstúkað hom fyrir bóka-
safn, tvær skrifstofur kennara og
kaffistofa. Þetta húsnæði er nú
fullnýtt fyrir 4. ár sem telur 28
manns, fyrir fyrirlestra, seminör og
hópvinnu sem er mjög mikil.
Áuk þessa höfum við fengið af-
not af fjórum kennslustofum í
Hjúkrunarskóla íslands á Lands-
spítalalóð.
Minnsta stofan, ca. 20 sæti, var
nýtt fyrir kaffistofu. Næstu stofu,
ca. 35 sæti, hefur 3. árið en það
telur ca. 34 manns. Þriðju stofuna,
ca. 40 sæti, hefur 2. árið en það
Hópvinna í jarðeðlisfræði.
telur ca. 60 manns og þar er þröngt
setið. Báðar eiga þessar stofur
sameiginlegt að hljómburður er
mjög lélegur og þeir sem aftast sitja
eiga að auki erfitt með að greina
það sem á töflu er skrifað eða af
glæru varpað. Auk þessa hrjáir
mannskapinn loftleysi, því glugga
er ekki hægt að opna nema milli
fyrirlestra vegna umferðargnýs frá
Hringbrautinni. Flestir geta vænt-
anlega gert sér í hugarlund hvemig
loftslagið er þar sem 60 manns hafa
setið í lokaðri kennslustofu í 45
mín. Varla eykur það námsgetuna!
Allar þessar stofur eru svo nýttar
fyrir seminör þegar ekki eru fyrir-
lestrar og komast þar færri hópar
að en þyrftu.
Fjórða stofan og sú stærsta, ca.
100 sæti, fékkst nú um áramótin og
hefur 1. árið, ca. 90 manns, fengið
þar inni fyrir megnið af sínum
fyrirlestrum. Þau sækja þó líka
fyrirlestra í Tjamarbæ og í Lög-
berg. Ekkert hef ég minnst á hús-
næði fyrir verklegar æfingar en það
sækjum við að mestu til annarra
deilda. Þaðan berast þó þær fréttir
að ekki sé möguleiki að koma þar
fyrir einni einustu hræðu í viðbót,
enda þurfi fólk nú þegar nánast að
sitja með tilraunaglösin sín á öðru
hnénu og smásjána á hinu.
Það má ljóst vera að við lifum
engu sældarlífi en megum þó
þakka fyrir að hafa þak yfir höfuð-
ið, þó ekki samrýmist það nútíma
stöðlum um kennsluhúsnæði. Má
til gamans geta þess að þrjár þess-
ara „kennslustofa“ í Hjúkrunar-
skólanum voru áður heimavistar-
herbergi nemenda þar sem sam-
einuð voru í stærri herbergi.
Fastar stöður kennara við náms-
brautina eru: 1 dósent, 2 lektorar
(önnur er 37% staða) og 1 aðjúnkt.
Eina dósentstöðu fengum við um
áramótin sem eftir er að auglýsa.
Að auki eru svo ótal stundakenn-
arar með öllum þeim göllum sem
því fylgir: þeir hafa t.d. enga
stjórnunar-skyldu og mæta því ekki
á kennarafundi. Það gefur því auga
leið að mjög erfitt er að samræma
kennsluna og enginn veit hvað hinn
kennir, t.d. könnumst við mjög vel
við hundana hans Pavlovs.
Hér slæ ég botninn í þessa rauna-
sögu okkar hjúkrunarfræðinema,
en við vonumst enn eftir betri tíð.
Komnir í
Tanngarð
Tannlæknadeild er vel sett í hús-
næðismálum eftir að flutt var inn í
nýtt húsnæði nú í vetur. Öll
kennsluaðstaða er komin í Tann-
garð hinn nýja en lestrar- og bún-
ingsaðstaða er ekki fullbúin ennþá.
Deildin var áður til húsa í kjallara
Landspítalans og hafði verið þar í
27 ár eða 22 árum lengur en áætlað
var í fyrstu. Þar var ástandið orðið
skelfilegt en nýja húsnæðið ætti að
vera fullnægjandi næstu 1000 árin.
Verk eða raun
í Verkfræði- og raunvísindadeild
eru um 710 nemendur í 17 grein-
um. Húsnæðiskostur einstakra
greina er mjög misjafn, sumar
greinar eru með góða aðstöðu,
aðrar með sæmilega og enn aðrar
með svo til enga aðstöðu t.d. fer
mestur tími líffræðinga í að ferðast
með strætó númer sex (vinstri
hringleið).
Verkfræðingar á efri árum hafa
hver og einn ljósaborð með teikni-
áhöldum, aðstaða hjá þeim hlýtur
því að kallast góð. En t.d. hjá líf-
fræðingum er algengt að á einum
og sama deginum þurfi fyrst að
mæta í V.R., síðan á Grensásveg-
inn, síðan í aðalbygginguna, síðan í
Ármúlann og að lokum aftur í V.R.
Svona aðstaða hlýtur að teljast
ófullnægjandi og getur vart gengið
öllu lengur. Jarðfræðiskorin býr
einnig við slæman húsakost. Þó er
til svo kallað jarðfræðihús og þar
nema landafræðingar, bergfræð-
ingar og jarðfræðingar. Sú bygging
er svo lítil að nú eru aðeins örfáir
fyrirlestrar þar, hinir eru sóttir í
aðalbygginguna, V.R., Lögberg og
á Grensásveginn. Einnig má geta
þess að í jarðfræðihúsinu er að-
staða fyrir nemendur af svo skom-
um skammti að þeir hafa eitt lítið
herbergi þar sem bæði er ísskáp-
ur, kaffivél og klósett.
Nú er stefnt að skiptingu deild-
arinnar í Verkfræðideild og Raun-
vísindadeild og koma þá
húsnæðismálin þannig út að
Verkfræðideildin kemur til með að
hafa það nokkuð gott, en Raunvís-
indadeildin mun sennilega búa við
verstan húsakost af þeim sem
stunda nám í Háskóla Islands.
Nokkrar greinar hafa ekkert hús-
næði í sjálfu sér heldur eru aðeins í
„kúrsum" hingað og þangað og er
þá V.R. helsti samastaður. Þessar
greinar eru t.d. jarðeðlisfræði og
matvælafræði. Þegar hugvísinda-
húsið verður fullbúið er áætlað að
flytja m.a. jarðfræðiskorina að
nokkru leyti í aðalbygginguna sem
er að sjálfsögðu ófullnægjandi.
Rannsóknaraðstaða fyrir Raunvís-
indadeild er lítil sem engin að
efnafræði og eðlisfræði undan-
skildum.
Nú er búið að grafa gryfju mikla
við V.R. Á þar að rísa V.R. 3 sem
væntanlega mun hýsa frekari að-
stöðu fyrir verkfræðinema, s.s.
rannsóknaraðstöðu margs konar.
Finnst ýmsum þetta skjóta skökku
við, þar sem miklu meira liggi á
húsi fyrir líffræði, jarðfræði, jarð-
eðlisfræði, matvælafræði o.fl. sem
nú hafa lítið sem ekkert húsnæði.
Kaffistofa í V.R. er engin og að-
staða til kaffiiðkana lítil, en lestr-
araðstaðan í bókasafni V.R. er ein
sú besta á svæðinu enda mikið sótt
af fólki úr öðrum deildum og því
oft lítið pláss.
Ritnefnd Stúdentablaösins skipa:
Siv Friðleifsdóttir form., fulltrúi hjúkrunar, sjúkra-
þjálfa og lyfjafræðinema, s. 26726.
Ólafur H. Sverrisson, fulltrúi viðskiptafræðinema, s.
34594.
Einar Ö. Thorlacius, fulltrúa laganema,s. 13212.
Arnór Guðmundsson, fulltrúi nema í Félagsvísinda-
deild, s. 16105.
Þórhallur Heimisson, fulltrúi guðfræðinema, s. 30239.
Stefán Amgrímsson, fulltrúi heimspekideildamema, s.
19164.
G. Pétur Matthíasson, fulltrúi heimspekideildarnema,
s. 35899.
Björn Hróarsson, fulltrúi líffræði og jarðfræðinema, s.
44878.
Ólafur Guðmundsson, fulltrúi nema í verk og raun, s.
2477.
Stefán Steinsson, fulltrúi læknanema, s. 26793.
Helgi Indriðason, fulltrúi tannlæknanema, s. 25743.
Karitas H. Gunnarsdóttir, fulltrúi Vöku, s. 74032.
Skúli Pálsson, fulltrúi Vinstri Manna, s. 41833.
Barði Valdimarsson, fulltrúi Umba, s. 46781.
Ritnefndarfundur verður haldinn í fundar-
herbergi stúdentaráðs fimmtudaginn 17. mars,
klukkan fimm síðdegis og er hann öllum op-
inn. Þeir ritnefndarmenn sem ekki sjá sér fært
að koma boði forföll og finni áhugasaman
mann í sinn stað.