Stúdentablaðið - 01.03.1983, Blaðsíða 9

STÚDENTABLAÐIÐ
9
Ólafur Sveinsson:
Stúdentaleíkhúsið í fullu fjöri
„Aldrei þessu vant var býsna
gaman að vera hommi í Reykjavík
hér á dögunum og næðingurinn
ekki alveg eins napur og endra-
nær.“
Þetta eru upphafsorð leikdóms
um „Bent“ í síðasta blaði samtaka 78
„Úr felurn". Þó ýmislegt sé fundið
að sýningunni, og margt af því eigi
við rök að styðjast, held ég að hún
hafi hvergi fengið jafn lofsamleg
ummæli og felast í þessum orðum.
Þau sýna betur en allt annað að full
þörf er á efni leikritsins, sem gerist í
Þýskalandi á 4. áratugnum. Auk
þess minna þau á þann tepruskap
sem er ríkjandi í umfjöllun um
homma hér á landi. „Bent“ hefur
verið sýnt mjög víða í Evrópu og
Bandaríkjunum og hvarvetna vak-
ið mikla athygli. Engu aðsíðurhafa
atvinnuleikhúsin ekki séð ástæðu
til að setja verkið upp. (Sumir vilja
halda því fram að þau hafi hrein-
lega ekki þorað það.)
Stúdentaleikhús býður uppá
ýmsa möguleika og á að geta verið
framsækið leikhús í þess orðs bestu
merkingu ef rétt er haldið á spöð-
unum. Uppsetningin á „Bent“ er til
vitnis um það. Sú spurning vaknar
jafnframt hvort það eigi nokkurn
rétt á sér ef það hefur ekki eitthvað
nýtt fram að færa til leiklistarinnar
á Stór-Reykjavíkursvæðinu.
Ekki er hægt að segja annað en
Stúdentaleikhúsið hafi farið vel af
stað. „Bent“ vakti mikla athygli og
gagnrýnendur dagblaðanna voru á
einu máli um að vel hefði tekist til,
bæði hvað varðar uppfærslu og val
á verkefni. „Svo mikið er víst
að sá sigur sem leikflokkurinn
ótvírætt vann með sinni fyrstu
sýningu, á sunnudagskvöld í
Tjarnarbíó gamla, stafaði af
öllu í senn, skörulegri sviðsetn-
ingu Ingu Bjarnason, túlkun
Andrésar Sigurvinssonar í aðal-
hlutverki leiksins, nýstárlegu
efni hans og því atfylgi sem
auðið var að leggja í leikinn í
stúdentaleikhúsi. Eftir sýning-
una er maður alveg til með að
trúa því að stúdentaleikhúsið
geti átt framtíð fyrir sér.“
Ólafur Jónsson,
DV 7.12. 1982.
„Að öllu samanlögðu mjög svo
áhugaverð sýning — og verður
fróðlegt að fylgjast með áfram-
haldandi störfum Stúdentaleik-
hússins á næstunni.“
Jóhanna Kristjónsdóttir,
Morgunblaðið 14.12.1982.
„Stúdentaleikhúsið fer vel af
stað. Það kemur með nýstárlegt
verk og sýningu . ..“
Jónas Guðmundsson,
Tíminn 15.12.1982.
Að baki góðum árangri liggur
mikil vinna. Og það er ekki síður
mikil vinna að fylgja þessum góða
árangri eftir. Það er ekkert laun-
ungamál ad hópurinn sem stóð að
„Bent“ lenti í margháttuðum
erfiðleikum eins og við var að búast
þegar nýtt leikhús er stofnað og
fólk úr öllum áttum, sem ekki
þekkist fyrir, vinnur saman.
Til að koma föstu skipulagi á
starfsemi Stúdentaleikhússins var
boðað til aðalfundar þriðjudaginn
15. febrúar og honum fram haldið
kvöldið eftir. Voru þar meðal ann-
ars samþykkt lög fyrir félagið og
kosið í stjórn, verkefnavalsnefnd og
tveir endurskoðendur reikninga
þess. 1 stjórn voru kosin Davíð
Davíðsson, Ingileif Thorlacius,
Ólafur Sveinsson, Rúnar Guð-
brandsson og Þórarinn Eyfjörð sem
er jafnframt gjaldkeri. I verkefna-
valsnefnd, sem á eins og nafnið
gefur til kynna, að leita að verkum
sem geta hentað Stúdentaleikhús-
inu, völdust þau Arna María
Gunnarsdóttirn Einar Bergntund-
ur, Soffía Valtýsdóttir og Þorbergur
Þórsson. Endurskoðendur eru
Mörður Árnason og Rósa Guðna-
dóttir. Á aðalfundinum kom fram,
að ekki er búið að ganga frá reikn-
ingum varðandi uppfærsluna á
„Bent“, en ljóst er að fjárhagurinn
stendur í jámum. Virðist sem pen-
ingaskortur sé helsti þröskuldurinn
í vegi Stúdentaleikhússins, en það
þykir varla tiltökumál enda al-
kunna að eitthvað er bogið við þá
menningarstarfsemi sem ekki er á
hausnum.
Þó má geta þess að Stúdenta-
leikhúsið hefur fengið vilyrði fyrir
aðstöðu í Tjarnarbíó fyrir starfsemi
sína og einhverjum fjárstyrk frá
Háskólanum. Er sá stuðningur
mjög mikils virði.
Stjórnarfundir eru haldnir viku-
lega, á mánudögum frá 5—7 í
hliðarsal F.S. og eru opnir öllum
félögum Stúdentaleikhússins. Þeir
sem hafa áhuga á að gerast með-
limir, eða starfa með Stúdentaleik-
húsinu geta komið á stjórnarfundi
eða félagsfundi sem verða haldnir
minnst mánaðarlega og auglýstir
með góðum fyrirvara. Allir geta
gerst meðlimir, hvort sem þeir eru í
Háskólanum eða utan hans, en
meirihluti stjómar verður þó að
vera við nám í Háskólanum. Er
fólk eindregið hvatt til að koma og
kynna sér hvað er á döfinni hjá
Stúdentaleikhúsinu og taka þátt í
starfi þess.
Áframhaldandi starfseini
Það er dálítið merkilegt að í
tengslum við Háskóla Islands, sem
hefur löngum verið settur í sam-
band við róttækni, hefur lítið sem
ekkert verið um skapandi listrænt
starf, fyrir utan Háskólakórinn og
nú Stúdentaleikhúsið. Sér er nú
hver róttæknin, finnst manni
freistandi að segja, ef hún felst ekki
í öðru en pólitísku þrasi og stöðl-
uðurn lífs- og þjóðmálaviðhorfum
menntamanna.
Við sem stöndum að Stúdenta-
leikhúsinu eigum okkur draum um
framtíð þess sem virks og róttæks
afls í leiklistarmálum innan Há-
skólans sem utan. Til þess að sá
draumur rætist þarf fleira fólk til
starfa sem hefur til að bera djörf-
ung og áræðni, samheldni og fóm-
fýsi, með öðrum orðum gamla góða
ungmennafélagsmóralinn. En að
öllu gamni slepptu þá er mikið starf
framundan. Það gefur að vísu auga
ljós, einsog einn ágætur maður
sagði, að ekki verður ráðist í jafn
stórt verkefni og „Bent“ á þessari
önn úr því sem komið er. En það
þarf að undirbúa starfsemi kom-
andi vetrar og kanna möguleikana
á starfrækslu götuleikhúss í sumar.
Á næstunni verður haldið nám-
skeið í upplestri og framsögn sem
Hjalti Rögnvaldsson mun væntan-
lega sjá um og annað í leikrænni
tjáningu undir stjórn Rúnars Guð-
brandssonar. Verða þau auglýst
nánar síðar. I lok mars verður í Fé-
lagsstofnun stúdenta blönduð dag-
skrá, helguð Bertolt Brecht, með
leiklist, upplestri og söng. Á sama
stað, seinni hluta apríl, verður all
sérstæð blanda tónlistar og leiklist-
ar sem Kolbeinn Bjamason, Jó-
hanna Þórhallsdóttir og Rúnar
Guðbrandsson bera veg og vanda
af.
Eins og sjá má hefur Stúdenta-
leikhúsið síður en svo lagt upp
laupana og er það vel.
Ólafur Sveinsson.

Nokkrar óánægjuraddir hafa heyrst vegna
kaffiverðs á kaffistofum F.S. Til þess að taka
af allan vafa um að kaffið sem F.S. hefur á
boðstólunum sé ekki selt á okurverði þá telur
undirritaður rétt að birta eftirfarandi verð-
samanburð:
Félagsstofnun Stúdenta: 6,50 kr. ekki ábót
Mensa, Lækjargötu: 12 kr. ekki ábót
Norrænahúsið: 10 kr. ekki ábót
Nýja kökuhúsið: 20 kr. ábót
Torfan: 23 kr. ábót
Kaffivagninn: 15 kr. ábót
M.H.: 5 kr. ekki ábót.
Á þessari könnun sést greinilega að allar
sögusagnir um okurverð eru út í hött. Matsala
M.H. er með ódýrasta kaffið en allir aðrir
kaffistaðir eru mun dýrari en F.S.
F.h. SHÍ
Gunnar Jóhann Birgisson