Stúdentablaðið - 01.05.1983, Blaðsíða 3

STÚDENTABLAÐIÐ
3
Óli Björn Kárason og Gunnar Jóhann Birgisson:
Nýr vinstrimeirihluti
Atyinnumiölun
námsmanna
Nýr vinstri meirihluti
Enn á ný hefur vinstrisinnaður
meirihluti tekið við völdum í
Stúdentaráði Háskóla íslands
undir forustu Félags vinstri manna.
Umbótasinnar komu fram á
sjónarsviðið fyrir þremur árum og
áttu stóran þátt i að fella úrræða-
lausan vinstrimeirihluta. Eftir
tveggja ára árangursríkt samstarf
við VÖKU félag lýðræðissinnaðra
stúdenta söðla þeir um og leiða
róttæklinga enn á ný til Valda í
stúdentaráði. Umbótasinnar voru
tilbúnir til þess að fórna staðfastri
stefnu í hagsmunabaráttunni fyrir
embætti í vinstri stjórn. Þannig
skriðu umbar upp í kjöltu vinstri-
manna, sviku kjósendur sína og
höfðu að engu hagsmunamál
stúdenta.
Málefnasamningurinn
Eins og málefnasamningur hins
nýja meirihluta ber með sér settu
umbótasinnar málefnin bak við
eyrun og settu embættin í öndvegi.
Háskólastúdentar munu því næsta
Gunnar Jóhann.
vetur horfa upp á forkólfa umba
sem strengjabrúður í höndum rót-
tæklinga í HI.
Málefnasamningurinn er birtur
er í þessu blaði er eitt það merki-
legasta orðagjálfur sem birst hefur
á prenti (meir að segja í Stúdenta-
blaðinu). Greinilegt er eins og áður
sagði að í öllum hamaganginum
við að mynda nýjan meirihluta þá
hefur stefna umbótasinna týnst og
hin makalausa og marklausa stefna
róttæklinganna orðið ofan á.
Marxísk fagrýni í námi, þoku-
kennd rekstrarstefna í málefnum
FS og bruðl með innritunargjöld
(t.d. í málefnum Stúdentablaðsins
þar sem tveir eða fleiri launaðir
ritstjórar munu vinna), eru þau mál
sem öðru fremur einkenna þennan
torkennilega samning.
Þess er ekki langt að bíða að stú-
dentaráð sigli aftur í sama farið og
á velmektardögum vinstrimanna
þegar upplausn og óreiða voru
einkennisstafir stúdenta.
Gegn vinstri meirihlutanum
Vegna þeirra snöggu umskipta
sem orðið hafa í stúdentaráði sam-
þykkti aðalfundur VÖKU er hald-
inn var þann 16. apríl s.l. eftirfar-
andi ályktun:
„I nýafstöðnum kosningum lagði
Vaka höfuðáherslu á þann árangur
sem náðst hafði í hagsmunamálum
stúdenta síðan vinstri mönnum var
ýtt úr valdastólum fyrir tveimur
árum. Valdatíð vinstri manna hafði
einkennst af óreiðu og skilnings-
leysi á rekstri Félagsstofnunar
stúdenta og dauflegri baráttu í
öðrum mikilvægum hagsmuna-
málum. Vinstri mönnum var
mikilvægara að nota stúdenta-
hreyfinguna til framdráttar sínum
pólitísku skoðunum en að vinna að
hagsmunum stúdenta. Á síðustu
Óli Bjöm.
tveimur árum var þessari þróun
snúið við og í samstarfi Vöku og
umbótasinna voru hagsmunamálin
sett á oddinn og í nýafstöðnum
kosningum bætti Vaka við sig
verulegu fylgi og vann mann af
vinstri mönnum en umbótasinnar
töpuðu lítilsháttar fylgi en fengu
jafnmarga fulltrúa kjörna og í
fyrra. Úrslit kosninganna voru því
skýrar ábendingar frá stúdentum
um að núverandi meirihluti ætti að
halda áfram að starfa á þeim
grundvelli sem hann hafði gert.
Myndun meirihluta umbótasinna
og vinstrimanna eru því hrein svik
við kjósendur.
Það er einkennilegt að umbóta-
sinnar skuli hefja þá menn til vegs á
ný í stúdentahreyfingunni sem
hvað verst léku hagsmunamál
stúdenta um árabil. Það virðist vera
skoðun umbótasinna að þeir treysti
fylgi sitt með samstarfi við vinstri
menn hversu fáránlegt sem það
kann að vera, þegar ljóst er að fylgi
vinstri manna fer sífellt minnkandi.
Vaka mun því skipa sér í andstöðu
við hin sameinuðu vinstri öfl og
reyna að standa vörð um þann
árangur sem náðst hefur.
Mánudaginn 2. maí tók At-
vinnumiðlun námsmanna til starfa.
Atvinnumiðlunin er orðin viður-
kennd stofnun á atvinnumarkað-
inum og gegnir mikilvægu hlut-
verki eins og reynsla undanfarinna
ára sýnir. Mikill fjöldi námsmanna
og atvinnurekenda hefur leitað á
náðir AN og flestir fengið farsæla
úrlausn sinna mála. I fyrra skráðu
um 700 námsmenn sig þar og má
búast við verulegri aukningu í ár.
Á síðasta starfsári kom í ljós að
nemendur vanræktu að láta vita
þegar þeir höfðu útvegað sér vinnu
og fór því mikill tími í að hringja í
fólk sem hafði enga þörf fyrir
þjónustu AN. Til að veita nemend-
um svolítið aðhald í þessum efnum,
þá var gripið til þess ráðs að hafa
50.- kr. skrásetningargjald, sem
fæst endurgreitt ef:
í) Nemendum tekst að útvega sér
vinnu.
ii) AN tekst ekki að útvega nem-
anda vinnu.
Tveir starfsmenn munu starfa
við AN í sumar, en AN er til húsa í
Félagsstofnun stúdenta og verður
opin alla virka daga frá 9—5. Sím-
inn er 15959 eða 27860.
Þau samtök sem að atvinnu-
miðluninni standa eru: Stúdenta-
ráð Háskóla íslands (SHÍ), Banda-
lag íslenskra sérskólanema (BlSN),
Samband íslenskra námsmanna
erlendis (SINE) og Landssamband
mennta- og fjölbrautaskóla (LMF).
Innan þessara samtaka eru flestir
þeir nemendur landsins, sem lokið
hafa grunnskóla.
Með fyrirfram þökk fyrir birtingu.
F.h. Atvinnumiðlunar náms-
manna:
Jóhann S. Bogason
Könnun á
húsnæöismálum
Flestir lesendur Stúdenta-
blaðsins hafa einhverntíma
heyrt minnst á fyrirhugaðar
garðabyggingar. Það ætti að
vera stúdentum Ijóst að brýn
þörf er á að slíkt fyrirtæki
komist á laggirnar. En hversu
brýn er hún? Hversu slæmt er
ástandið í húsnæðismálum
stúdenta (enginn efast um að
það er slæmt). Það má ljóst vera
að kröfugerð okkar á hendur
ríkisvaldinu stendur mun
traustari fótum ef stúdentar
hafa í höndunum „konkret"
tölur um ástandið.
I þessu efni ætlar Stúdenta-
ráð í samvinnu við Háskólann
og Félagsstofnun að fram-
kvæma ítarlega húsnæðiskönn-
un meðal stúdenta. Hverjum
þeim stúdent sem næsta haust
fer á skráningarskrifstofu Há-
skólans að sækja stúdentsskír-
teinið sitt fær um Ieið að fylla út
eyðublað könnunarinnar.
Meðal þess sem spurt verður
um er leiguverð húsnæðis,
fjöldi herbergja og hve oft við-
komandi hefur skipt um hús-
næði á síðastliðnum tveim
árum. Við biðjum alla stúdenta
að bregðast vel við og fylla seð-
ilinn samviskusamlega út, —
enda engin hætta á að per-
sónulegar upplýsingar leki í
skattalögregluna eða blöðin!
Stúdentar athugið!
Við viljum minna námsfólk á hinar vönduðu Norsku furubókahillur,
sem Bóksala Stúdenta hefur í mörg ár verið með í umboðssölu frá
okkur.
Einnig eigum við oft ódýr húsgögn og lampa, jafnvel smávægilega
útlitsgölluð eða staka hluta úr settum á mjög góðu verði.
Það sakar ekki að líta við.
--------------------------------Heildverslunin Kandís—
Langholtsvegi 109, Drekavogsmegin,
sími82252.