Stúdentablaðið - 01.09.1983, Blaðsíða 6
6
STÚDENTABLAÐIÐ
Um félag vinstri
manna í HI
{ Háskóla íslands er starfandi félag sem ber það virðulega nafn:
Félag vinstri manna, (FVM). Markmið þess er að sameina alla
vinstrisinna undir einni regnhlíf í baráttu fyrir sameiginlegum
markmiðum innan Háskólans sem utan. I félaginu má finna margs-
konar fólk, og væri það sett í pólitíska litsjá myndi það spanna
gervallt rauða svæðið og teygja sig inn í gulu og grænu reitina
einnig. Blái liturinn sæist þar ekki. Við skulum aðcins kíkja á starf
og stefnu Félags vinstri manna ykkur til kynningar sem þetta lesa.
Jafnrétti til náms
Segja má að æðsta boðorð vinstri
manna sé fólgið í þessum orðum.
Baráttumálin tengd því eru óþrjót-
andi í okkar þjóðfélagskerfi, eins
og réttsýnir menn hafa löngum
bent á.
Þar ber lánamálin hátt. Námslán
eru ein af undirstöðum þess að
námsmenn sitji við sama borð,
óháðir efnahag. Vinstri menn hafa
lengi barist fyrir réttlátum náms-
lánum sem miðast við framfærslu
hvers og eins, og komi sér þannig
best þar sem þörfin er mest. Nú
ríður á að hrekja sókn íhaldsafl-
anna sem sitja við stjórnvöl lands-
ins og verja þá áfanga sem náms-
menn hafa náð undanfarin ár. Hér
munu vinstri menn raða sér í
fremstu víglínu, nú sem endranær.
Jafnrétti til náms felst einnig í
því:
að aðgangur að Háskólanum verði
rýmkaður,
að takmörkunum á fjölda náms-
manna við ákveðnar náms-
brautir verði afiétt,
að nauðsynjar stúdenta, svo sem
matur, húsnæði og bækur, verði
þeim tiltækar með þeim fjár-
ráðum sem landsstjórnendur
ætla þeim.
Fyrir þessu, meðal annars, berj-
ast vinstri menn innan Stúdenta-
ráðs og Háskólaráðs. í Stúdenta-
raði á félagið 13 fulltrúa af 30, og er
stærsta fylkingin af þremursem þar
finnast. Mestaf starfi FVM snýrað
sjálfsögðu að þeim vettvangi: Um-
ræður, stefnumótun, undirbúning-
ur kosninga, áróður, störf í stjórn-
um og nefndum; allt þetta tilheyr-
ir; auk funoahalda og annarra
aðgerða.
Undanfarin tvö ár hafa vinstri-
menn verið í minnihluta í ráði
stúdenta og haldið uppi harðri
gagnrýni á þá mið- og hægrimenn
sem stýrðu málum. Um þessar
mundir ráða vinstrimenn hinsvegar
meirihluta ásamt umbótasinnum.
Við höfum margar nýjungar fram
að færa um rekstur Félagsstofnun-
ar og úrræði í húsnæðis- og lána-
málum, sem líta munu dagsins ljós
á næstunni. Er vonandi að sam-
starfsaðilar okkar líti málin svip-
uðum augum, en það kemur allt á
daginn.
Meðvitund
En veröldin nær lengra en niður
túnfótinn og vinstri menn í Háskóla
íslands eru þekktir fyrir annað en
að rígbinda sig við heimareitinn.
Þeir hafa lengi haldið uppi líflegri
umræðu um þjóðfélags- og utan-
ríkismál. Þessi umræða hefur sést í
blaðakosti félagsmanna og á sér-
stökum fundum. Síðastliðinn vetur
var til dæmis haldinn fundur með
sósíalistum, fulltrúum kvenna-
framboðs og umhverfisverndurum
um framtíð vinstri kantsins í
stjórnmálum. Mest áberandi hafa
þó verið hátíðahöld stúdenta 1.
desember, en vinstrimönnum hefur
verið falin framkvæmd þeirra mörg
undangengin ár. Það hefur verið
gert með blaðaútgáfu, útvarpsþátt-
um og fjölbreyttri dagskrá. Síðasta
ár var umræðuefnið „Vísindi og
kreppa“. Hátíðin fór þá fram í fé-
lagsheimili stúdenta og var mál
manna að hún tækist hið besta.
Árið þar áður fór aðalsamkoman
fram í Háskólabíói, og yfirskriftin
var „Kjarnorkuvígbúnaður —
Helstefna, Lífstefna?“ Þar gáfu
stúdentar íslenskri friðarumræðu
byr undir, að minnsta kosti, vinstri
vænginn. Upp úr því starfi varð til
Hópur áhugamanna um friðar- og
afvopnunarmál sem stóð fyrir
„Friðarráðstefnu ’83“ í nóvember
síðastliðnum. Vinstri menn í H.í.
hafa á þennan hátt stutt í orði og
verki kröfur friðarhreyfinga um
kjarnorkuvopnalaus svæði og taf-
arlausa niðurtalningu helvopna
risaveldanna. Félagið vill ísland
laust úr Nató og herinn á Miðnes-
heiði burt.
Þannig er stefna vinstri manna
róttæk og virk, jafnt innan skóla
sem utan hans. Ef þú lesandi góður
átt samleið með þeim stefnumið-
um, þá er hér með skorað á þig að
ganga til liðs við okkur og leggja
lóð á þá vogarskál sem vegur mót
afturhaldsþunga líðandi stundar.
Fundir félagsins eru auglýstir á
göngum skólans. Hafið augun
opin.
Sigurður Pétursson,
félagi í framkvæmdaráði.
Vaka, félag lýdrædis-
sinnaöra stúdenta
Vaka, félag lýðræðissinnaðra
stúdenta varstofnað árið 1934 oger
því. elzt þeirra þríggja pólitísku
fylkinga, sem nú starfa innan há-
skólans. Félagið var í upphafi
stofnað sem andsvar við þeim
öfgastefnum til hægri og vinstri
sem þá voru orðnar áberandi meðal
stúdenta. Tilgangur félagsins hefur
verið sá sami, allt frá stofnun, en í
lögum félagsins segir:
„Tilgangur félagsins er:
1. Að vinna að eflingu og út-
brciðslu lýðræðis og lýðræðis-
hugsjóna.
2. Að vinna gegn hvers konar
áhrifuin byitingasinnaðra of-
beldis- og öfgastefna.
3. Að efla sanitök stúdcnta til
sameiginlegs átaks til þess að
koma fram þeim málum sem
horfa stúdentum og íslcnzku
þjóðinni til heilla.“
Innan Vöku rúmast þannig
stúdentar með hinarýmsu pólitísku
skoðanir. Sameiginleg þeim öllum
er trúin á lýðræði og lýðræðishug-
sjónir og andstaða gegn hvers kyns
alræðis- og öfgastefnum.Vöku-
menn leggja áherzlu á frelsi ein-
staklingsins til hugsunar, tjáningar
og athafna, en fordæma um leið
hvers kyns andleg, trúarleg eða
verkleg höft stjórnvalda gagnvart
einstaklingnum.
Vökumenn telja að þetta ein-
staklingsfrelsi verði eingöngu
tryggt með lýðræðislegum stjórn-
arháttum og leggja áherzlu á að
stúdentar standi vörð um lýðræði
og þjóðfrelsi Islendinga. Vaka var-
ar um leið við öllurn alræðishug-
sjónum og öfgastefnum sem berast
okkur frá löndum þar sem mann-
réttindi og einslaklingsfrelsi eru
fótum troðin. Lýðræðisþjóðir hafa
aldrei þurft að múra þegna sína
inni.
Vökumenn hafa þá hugsjón að
friður geti ríkt án vígbúnaðar, en á
meðan svo er ekki. má engin lýð-
ræðisþjóð skorast undan ábyrgð
sinni. Vaka styður hugmyndir um
afvopnun og bendir á hina miklu
hættu, sem heimsfriðnum stafar af
vígbúnaðarkapphlaupi stórveld-
anna. Vaka leggst hins vegar harð-
lega gegn hvers kyns hugmyndum
um einhliða afvopnun vesturlanda
og telur þær ógnun við heinisfrið-
inn.
í hagsmunamálum stúdenta
vinna Vökumenn einnig með lýð-
ræðishugsjónina að leiðarljósi.
Vaka hafði forystu innan stúdenta-
hreyfingarinnar allt frá stofnun fé-
lagsins, og fram til ársins 1970, en
þá náðu vinstri sinnaðir stúdentar
meirihlutafylgi innan háskólans í
kjölfar hinna miklu stúdentaóeirða
og hippatímabils víðast hvar í hin-
um vestræna heimi. Þessi vinstri
meirihluti sat allt fram til ársins
1981, er Vaka myndaði meirihluta í
Stúdentaráði með Félagi umbóta-
sinnaðra stúdenta. Meirihlutasam-
starf Vöku og umbótasinna stóð í
Kynning á Félagi Um-
bótasinnaöra stúdenta
Félag umbótasinnaðra stúdenta
eryngst þeirra fylkinga sem nú eiga
fulltrúa í Stúdentaráði. Félagið
varð til í kringum stúdentaráðs-
kosningar í mars 1981. Ástæður
fyrir stofnun félagsins voru meðal
annars þær að mönnum blöskraði
hversu illa var hægt að halda á
hagsmunamálum stúdenta. Fylk-
ingar þær sem fyrir voru eyddu
kröftum sínum í tilgangslítið þref
um utanríkismál í stað þess að
marka ábyrga afstöðu í því er laut
að hagsmunum námsmanna við
H.í. Hvatamenn að stofnun félags-
ins sáu einnig að ógjörningur varð
að bæta þær fylkingar sem fyrir
voru, þar sem hagsmunir okkar
námsmanna áttu lítt skylt við hið
flokkspólitíska uppeldi sem þar átti
sér stað.
Á stuttum starfstíma félagsins
hefur það haft á að skipa ágætu
fólki til að koma stefnumálum sín-
um fram. Má þar til nefna
Stúdentablaðið sem er orðið blað
allra stúdenta og endurbætta mat-
sölu ásamt stórbættum rekstri Fé-
lagastofnunnar stúdenta.
Þitt framlag.
Afstaða þín, til hagsmuna þinna
sem námsmanns skiptir máli. Við
Umbótasinnaðir stúdentar efumst
ekki um að hún rúmast innan fé-
lags okkar sem tekur afstöðu til
þeirra mála sem vera þín í H.í.
skapar. Þannig hvetjum við alla þá
sem vettlingi geta valdið til að
leggja virku baráttutæki lið. Jafn-
framt hvetjum við til þess að þú
Ieggir þitt af mörkum, á öllum víg-
stöðvum, til að sporna við hleypi-
dómum og þröngsýni. Það að fórna
dýrmætum tíma sínum í þessi mál
skilar sér margfalt aftur í bættum
hag og aukinni reynslu.
Nokkrir stefnupunktar
Lánamál. Við teljum námslán vera
félagsleg lán til framfærslu sem
stuðli að auknu jafnrétti og geri
lágtekjufólki kleyft að stunda nám.
Framfærslugrundvöllinn á að
endurskoða og hækka en fyrst og
fremst þarf að sporna af alefli við
þeirri atlögu sem gerð er að lána-
sjóðnum nú.
Stúdentablaðið. Það verði áfram
virkt baráttutæki og upplýsinga-
miðill. Vandað verði til þess í hví-
vetna.
Félagsstofnun. Hún verði ætíð í
höndum stúdenta sjálfra og aldrei
framar verði vegið að sjálfstæði
hennar með hallarekstri. Leitast
verði við að hver rekstrareining
standi undir sér ef hægt er en veru-
legur hagnaður aldrei takmark í
sjálfu sér heldur þjóni stofnunin
námsmönnum á sem hagkvæmast-
an hátt.
Húsnæðismál. Litið sé á Garða sem
heimili stúdenta. Ráðist verði í
byggingu námsmannaheimila svo
fljótt sem kostur er.
Menntamál. Við viljum jafnrétti
allra þegna þjóðfélagsins til náms
óháð efnahag, búsetu. þjóðfélags-
aðstöðu eða kyni. Hentisemi vissra
þjóðfélagsstétta má ekki ráða neinu
um stjórn og fjöldatakmarkanir
verði afnumdar.
Utanríkismál. Starfsemi stúdenta
sé miðuð við að viðhalda og byggja
upp samstarf við erlenda háskóla
og stúdentasamtök.
Stúdentum með harla ólíkar
skoðanir á pólitík einstakra ríkja
úti í heimi hefur annars gengið vel
að starfa saman innan félagsins.
Starfsemi félagsins
Félagið hefur gefið út blað, til
kynningar á baráttumálum sínum,
fyrir kosningar til Stúdentaráðs,
einnig hefur félagið gefið út 1. des.
blað til að minnast fullveldis ís-
lands. Fréttabréf hefur einnig
komið út þegar ástæða þykir til.
Stjórn félagsins er skipuð 5 mönn-
um. Á síðasta vetri var hún mjög
virk og hélt fundi um það bil viku-
lega. Félagið hefur nokkrar fastar
nefndir og einnig skipar það eða
stjórn þess þær til að leysa ákveðin
verkefni þegar þörf krefur. Að
vissu marki hefur naumur fjárhag-
ur háð starfsemi hjá félaginu en
samt hefur reyndin verið sú að
þegar fólk vill gæta hagsmuna
sinna á félagslegum grundvelli þá
lætur árangnrinn ekki á sér standa.
Við Umbótasinnaðir Stúdentar
hvetjum þig til að leggja málstað
okkar lið á komandi vetri, innan
félagsins. Þannig teljum við tryggt
að sá árangur sem náðst hefur með
starfi félagsins glatist ei.
Þorsteinn Húnbogason formaður
félags umbótasinnaðra Stúdenta
A
Kynning á pólitískum fylkingum innan HI