Fréttablaðið - 24.09.2009, Síða 41

FIMMTUDAGUR 24. september 2009 25
UMRÆÐAN
Andrés Pétursson skrifar um
Evrópumál
Það var með nokkrum áhuga sem ég las grein þína um Evr-
ópumál á vefritinu pressan.is fyrir
skömmu. Ástæðan er sú að við hjá
Evrópusamtökunum fögnum allri
vitrænni umræðu um þessi mál
enda mikilvægt að sem flestir taki
þátt henni. Það er ljóst að hugsan-
leg aðild Íslands að Evrópusam-
bandinu er mjög umdeild enda
fylgja aðild bæði kostir og gallar.
Ég var hins vegar undrandi á
þeim rökum
sem þú beitt-
ir í grein þinni
enda gengur
margt í þeim
málflutningi
þvert gegn
þeim niður-
stöðum sem
koma fram í
skýrslu flokks
þíns, Sjá lf-
stæðisflokks-
ins, í janúar
síðstliðnum. Þér er til dæmis tíð-
rætt um að að Evrópusambandið
muni taka yfir auðlindir Íslend-
inga. Ekki er mér ljóst hvaða auð-
lindir þú átt við enda skilgreinir þú
það ekki sérstaklega.
Í skýrslu auðlindalindanefnd-
ar Sjálfstæðisflokksins segir orð-
rétt:
„Niðurstaða undirritaðra er að
aðild að sambandinu muni ekki
valda verulegum breytingum á
málefnum er tengjast raforku,
vatni, jarðvarma, olíu og gasi. Aðild
að ESB hefði engin áhrif á yfirráð
Íslands yfir Drekasvæðinu. Aðild-
in mun heldur ekki valda veruleg-
um breytingum á regluverkinu er
gildir um hálendið eða á málefni
norðurheimskautsins.“
Varðandi sjávarútvegsmálin
segir í álitinu: „meginreglan
um hlutfallslegan stöðugleika í
óbreyttri mynd tryggir Íslending-
um sama hlutfall heildarkvóta og
nú er, m.ö.o. íslenska ríkið fengi
kvótann við Íslandsstrendur til
úthlutunar til þeirra sem hafa veiði-
reynslu. Erlendir aðilar innan ESB
fengju hann ekki þar sem þeir hafa
ekki veitt að neinu ráði á íslensku
hafsvæði síðastliðna þrjá áratugi …
Rétt er að benda á að Lissabonsátt-
málinn snertir ekki eignarhald á
auðlindum eða auðlindastjórnun.
Ekki frekar en Rómarsáttmálinn
eða aðrir grundvallarsáttmálar
sambandsins.“ (http://www.evrop-
unefnd.is/audlindir)
Ég spyr því, ert þú ekki sammála
niðurstöðum þessarar skýrslu eða
hefur þú hreinlega ekki lesið hana?
Það er jú hægt að gera meiri kröf-
ur til þín sem fyrrverandi ráðherra
og alþingismanns en hins almenna
borgara sem ekki hefur sömu tæki-
færi til að kynna sér skýrslur og
gögn um þetta mál.
Það er mikilvægt að sú Evrópu-
umræða sem fer fram næstu miss-
erin sé málefnaleg og byggð á stað-
reyndum en ekki á gróusögum eða
vafasömum túlkunum á störfum og
stefnu Evrópusambandsins.
Höfundur er formaður Evrópu-
samtakanna.
Kæri Sturla
ANDRÉS PÉTURSSON
UMRÆÐAN
Óli Gneisti Sóleyjarson skrifar
um kirkjuna
Baráttumál Helga Hóseasson-ar hafa oft verið illa misskil-
in. Fáir hafa í raun reynt að skilja
hvers vegna hann vildi ógilda skírn-
arsáttmála sinn. Flestum þykir
skírnin innihaldslaus gjörningur
og velta til því dæmis ekkert fyrir
sér að þeir sem framkvæma hana
telja, allavega samkvæmt kenning-
um ríkiskirkjunnar, að saklausa
litla barnið sé syndugt. Jón Valur
Jensson Moggabloggari náði nýlega
að innsigla réttmæti málflutnings
Helga Hóseassonar. JVJ sagði: „En
hversu mjög
sem einhverj-
um kynni að
vera í nöp við
t.d. fyrrver-
andi maka, þá
er ekki leyfi-
legt að þurrka
út færslu um
hjónavígslu
þeirra í emb-
ættisbókum,
þó að viðkom-
andi hafi feng-
ið lögskilnað. Það sama gildir um
skráningu kirkjubókar á skírn.“
Það sem Jóni Vali yfirsést er
að fólk sem á fyrrverandi maka
hefur væntanlega fengið skilnað
sinn skráðan á opinbera pappíra
til að staðfesta að fyrri skráning
eigi ekki lengur við. Helgi Hóseas-
son vildi einmitt álíka viðurkenn-
ingu en fékk aldrei. Af öllu er ljóst
að það voru kirkjuyfirvöld sem
stöðvuðu það.
Ólíkt fólki sem hefur gengið í
hjónaband þá var Helgi ekki í þeirri
stöðu að geta tekið upplýsta afstöðu
til skírnarsáttmálans þegar hann
var gerður og þegar hann var stað-
festur. Fólk sem er skráð í hjóna-
band án þess að hafa fengið að taka
til þess upplýsta afstöðu fær ógild-
ingu. Það sama hefði átt að gilda
um skírnarsáttmála Helga.
Frá sjónarhóli Nýja testamentis-
ins er ljóst að ólík afstaða ríkis-
kirkjunnar til skírnarsáttmálans
annars vegar og hjónabandssátt-
málans hins vegar er ákaflega vafa-
söm. Jesús hafnaði skilnaði alfarið
en ríkiskirkjan þykist vita betur en
hann. Jesú datt ekki í hug að skíra
ungabörn sem ekki gátu tekið upp-
lýsta afstöðu til boðskaps hans en
ríkiskirkjan þykist líka vita betur
þar. Ef ríkiskirkjan þykist geta
ógilt hjónabandssáttmála þá ætti
það að vera hægur vandi að ógilda
skírnarsáttmála.
Helga tókst ekki að fá helsta
baráttumál sitt í gegn en honum
tókst að afhjúpa prestana og bisk-
upana sem monta sig af „góðverk-
um“ sem þeir vinna á launum hjá
almenningi. Kirkjan gat ekki einu
sinni leyft Helga að fá lausn sinna
mála þegar hann var orðinn gamall
maður. Það hefði ekki kostað neitt.
Þetta fólk hafði ótal tækifæri en
situr núna eftir með skömmina.
Tvískinnungurinn er afhjúpaður.
Höfundur er þjóðfræðingur.
Helgi Hóseasson og staðfestar ógildingar
ÓLI GNEISTI
SÓLEYJARSON
„Kirkjan gat ekki einu sinni
leyft Helga að fá lausn sinna
mála þegar hann var orðinn
gamall maður. Það hefði ekki
kostað neitt. Þetta fólk hafði
ótal tækifæri en situr núna
eftir með skömmina.“
Smáratorgi 1 - Sími 588 6090
15 ÁRA Afmælisvika
Fimmtudag - miðvikudag
15% Afslát
tur
af ÖLLU
M vörum
15% Afsláttur af ÖLLUM vörum