Fálkinn


Fálkinn - 06.04.1956, Blaðsíða 3

Fálkinn - 06.04.1956, Blaðsíða 3
FÁLKINF FREDERIK IX. ©^SÍ*S^ÖSSS«$^^Í>^^Í««^ *JREDERIK IX. Danakonung- *J~ ur heitir fullu nafni Christian Frederik Franz Michael Carl Valdemar, og er fæddur 11. mars 1899 í Sorgenfri-höll; sonur Christians konungs tíunda og Alexandrine drottningar, sem var prinsessa af Mecklenburg- Schwerin. Hann kvæntist 24. maí 1935 í Stokkhólmi Ingrid, prinsessu af Svíþjóð, fæddri 28. mars 1910 í Stokkhólmi, dóttur þáverandi krónprins Gústafs Adolfs, nú Gústafs VI. Adolfs Svíakonungs og Margaretu krónprinsessu, áð- ur Englandsprinsessu. Þau hafa eignast þrjár dætur i hjónabandinu: Ríkiserfingjann Margrethe prinsessu, fædda 16. apríl 1940. Benedikte prinsessu, fædda 29. apríl 1944, og Anne- Marie prinsessu, fædda 30. ágúst 1946. Sem krónprins tók Frederik IX. sæti í ríkisráðinu árið 1917. Sama ár varð hann stúdent og varð undirlautinant í hernum, en hermennskunám sitt fékk hann í sjóhernum, og gekk á nýliðaskól- ann sem jafningi annarra nem- enda. Starfsferli hans í flotanum lauk með því að hann varð kontra-aðmiráll árið 1945, en sem konungur er hann hæstráð- andi landhersins, flotans og flug- hersins, eða aðmíráll og hers- höfðingi. Frederik IX. tók ríki 20. apríl 1947 við fráfall Christians X., en hafði þá árum saman tekið þátt í stjórnarforustunni í veikindum föður síns. Auk embættisstarfa sinna hefir konungurinn sýnt öllum greinum þjóðlífs nútímans hinn mesta áhuga og við mörg tækifæri ver- ið virkur þátttakandi í stofnun félagsmálastofnana og mannúð- arstofnana. Frá því snemma í æsku hefir hann verið mikill íþróttamaður og iðkar enn ýms- ar íþróttir. Meðal hinna mörgu áhugamála Framhald á 4. dálk. Frederik konungur og Ingrid drottning. Á þriðjudaginn kemur fagnar Island tignum og göfug- um gestum. Þá heimsœfcja konungur og drottning Dan- merkur landið, og er þetta hin fyrsta opinbera þjóðhöfð- ingjaheimsókn % sögu Islands sem fullvalda lýðvéldis. Islendingar fagna því innilega, að konungur og drottning hins fyrrverandi sambandsrikis skuli verða fyrst til þess að heiðra land og þjóð með heimsókn sinni. Það er vottur þess vinarþéls, sem hin danska konungsætt hefir sýnt þjóðinni og sem ekki hefir breytst þó að landið sé nú ekki framar í konungssambandi við Danmörku. Fyrstur állra konunga heimsótti langafi hins núverandi konungs, Christi- an IX., Island heim á þúsund ára afmæli þjóðarinnar fyrir 82 árum, og afi hans, Frederik VIII., fyrir Jf9 árum. En faðir konungs, Christian X., kom til Islands 1921 — og var drottning hans og báðir synir þá í för með honum — 1926, 1930 og 1936. Alexandrine drottning var jafnan í för með honum og var hún fyrsta drottningin, sem heim- sótti Island — og sú eina, uns Ingrid drottning stígur hér fæti á land. En hún hefir verið hér áður einu sinni, sem krónprinsessa er þau hjónin ferðuðust hér um landið sumarið 1938. Allir þessir konungar sýndu það í orði og verki að þeir voru vinir Islands og báru hag þess fyrir brjósti. Christian níundi kom „með frelsisskrá í föðurhendi" á þúsund ára hátíð Islandsbyggðar, og hann undirritaði einnig lögin um innlendan ráðherra búsettan á Islandi, sem gengu í gildi 1. febrúar 190^. Frederik VIII. sýndi einlæg- an vilja á að verða við óskum Islendinga og bauð álþingis- mönnum til Danmerkur árið 1906 óg skipaði miUilanda- nefnd til að komast að samningum er báðar þjóðir hans mættu við una. En drýgstar urðu þó aðgerðir hins síðasta konungs Islands. Hann undirritaði lögin um íslenskan fána, leysti úr deilunni um ríkis-ákvæðið, og loks undirritaði hann sambandslögin 1. des. 1918, er viðurkenndu Island sem frjálst og fullválda ríki. Islendingar gleyma ekki þessum konungum, en óska þess að hinn sami velvildarhugur megi jafnan ríkja tíl sín frá hinni dönsku konungsætt. Konungshjónin hafa sýnt það í verki, að þau bera hlýjan hug til Islands. Því verður ékki gleymt, hve innilegar við- tökur forsetahjón Islands hlutu, er þau komu í opinbera lieimsókn til Danmerkur fyrir tveimur árum. Það gladdi álla Islendinga mikið. Og þeir gleðjast yfir heimsókninni sem í hönd fer og óska þess að hún verði konungshjónunum til ánægju og Islend- ingum til sóma. Þeir óska af alhug, að veðráttan, sem ræður svo miklu á landi hér, einkum svona snemma vors, verði hagstæð og skemmtileg. Og þeir munu gera sitt ítrasta til að hinir tignu gestir sjái það og finni, að þau eru aufúsu- gestir, sem þjóðinni þykir vænt um. Veri Frederik konungur og Ingrid drottning INNI- LEGA VELKOMIN! Vagskrá KONUNGSHEIMSÓKNARINNAR Þriðjudagur 10. apríl. Kl. 13.30. Flugvél konungshjónanna lendir á Reykjavíkurflugvelli. Eftir móttökuathöfn á flugvellinum, verður ekið aS ráðherrabústaðnum, Tjarnar- götu 32, þar sem konungshjónin búa meðan bau dvéljast hér. Ekið verður um Miklatorg, Hringbraut, Sóleyjar- götu, Fríkirkjuveg, Lækjargötu, Aust- urstræti, Pósthússtræti, Kirkjustræti, Templarasund, Vonarstræti og Tjarn- ar götu. Kl. 16.00 Heimsókn að Bessastöð- um. Kl. 19.10 Konungshjón taka á móti forstöðumönnum erlendra sendiraða og frúm beirra i ráðherrabústaðnum. Kl. 19.45. Kvöldverðarboð forseta íslands og frúar hans að Hótcl Borg til heiðurs konungshjónunum. Miðvikudagur 11. apríl. KL 10.20. Heimsókn í Listasafn Einars Jónssonar. Kl. 11.00. Guðsþjónusta í dómkirkj- unni. Kl. 12.45. Hádegisverður að Bessa- stöðum. Kl. 15.00. Móttaka í danska sendi- ráðinu. Kl. 20.00. Hátíðasýning í Þjóðleik- húsinu. Fimmtudagur 12. apríl. Kl. 10.00. Hcimsókn i Háskólann. Kl. 11.00. Heimsókn að Reykja- lundi. Kl.. 12.30. Hádegisverðarboð rikis- stjórnarinnar i Sjálfstæðishúsinu. Kl. 15.00 Heimsókn i Þjóðminja- saf nið og dönsku listsýninguna. Kl. 10.00. Móltaka Reykjavikurbæj- ar i Melaskóla. Kl. 20.00. Kvöldverðarboð konungs- hjónanna í Þjóðleikhúskjallaranum. Föstudagur 13. apríl. Kl. um 9. Brottför. I för með konungshjónunum verða: H. C. Hansen, forsætis- og utan-, ríkisráðherra, Johan Vest, kammer- herra, stallari konungs, Karin Birgitte Schack, komtessa, og S. Glarborg, höfuðsmaður. íslenskt fylgdarlið konungshjón- anna verður: Guðmundur Vilhjálmsson, fram- kvæmdastjóri, frú Gróa Torfhildur Björnsson, og Pétur Sigurðsson, for- stjóri, en fylgdarmaður forsætis- og utanríkisráðherra Danmerkur verður Niels P. Sigurðsson, fulltrúi í utan- rikisráðuneytinu. Framhald af 1. dálk. Frederiks konungs skipar tónlist- in sérstakan sess, og hann hefir sýnt mikla hljómsveitarstjóra- hæfileika er hann hefir stjórnað hljómsveit kgl. leikhússins og sin- foníuhljómsveit ríkisútvarpsins. Konungurinn hefir mikinn á- huga á alþjóðamálum og hefir ferðast langar ferðir bæði í Ev- rópu og utan. Af ferðum kon- ungsins má nefna hinar opinberu heimsóknir í Noregi 1947, Sví- þjóð 1947, Frakklandi 1950, Bret- landi 1951, Svíþjóð 1954 og Hol- landi 1954. *

x

Fálkinn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Fálkinn
https://timarit.is/publication/351

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.