Fálkinn


Fálkinn - 02.11.1956, Blaðsíða 3

Fálkinn - 02.11.1956, Blaðsíða 3
FÁLKINN P. Petersen Hafliði Halldórsson Hilmar Garðarsson Qftitiln Bíó fO ár* Hinn 10. október 1906 birtist svo- felld auglýsing í ísafold: „Reykjavíkur Bíógraftheater byrj- ar í þessum mánuði í BreiSfjörSs- húsi sýningar sinar á lifandi myndum. Nýtt prógramm hverja viku. Sýning á hverju kveldi. Hljóðfærasláttur og raflýsing. Úr prógrömmunum má nefna: Hs. hátign Friðrik 8. tekur viS konungdómi. Alþingismenn i Khöfn og margt annað. Aths. sýningarskálinn verður byggður til batnaðar." Ekki varð þó úr að Reykjavíkur Biograftheater hæfi sýningar fyrr en 2. nóvember, og eru því í dag liðin 50 ár frá því að Gamla Bíó, eins og það síðar nefndist, hóf starfsemi sína. Stofandi þess og eigandi fyrstu 7 árin var danskur stórkaupmaður, Fr. Warburg að nafni, en stjórnendur þess fyrsta árið voru Albert Lind og P. Petersen. Aibert Lind fluttist héðan árið eftir að sýningar hófust, en P. Petersen, sem flestir Reykvíkingar kannast við undir nafninu Bíó-Peter- sen, starfaði við kvikmyndahúsiS frá stofnun þess og var eigandi þess frá árinu 1913 til 1939, er hann seldi það núverandi eigendum Gamla Bíó h.f. Það er athyglisvert að aðeins 11 árum eftir aS fyrst var farið að sýna kvikmyndir (i París og Berlín 1895) var risið upp kvikmyndahús i Reykja- vík, ekki veglegri en hún var 1906. Á fyrstu árum kvikmyndanna töldu flestir þessa nýjung eiga litla framtið fyrir sér og að fólk yrSi fljótt leitt á þessu. En það fór hér eins og annars staðar, aS kvikmyndasýningar urSu brátt vinsælustu skemmtanir almenn- ings, og þaS hafa þær haldist í þessi 50 ár, enda aSsókn aS kvikmyndasýn- ingum stöSugt aukist, og óhætt mun að fullyrða að þær séu í dag orSinn snar þáttur í lífi menningarþjóSa, og kvikmyndirnar hafa nú þróast upp í þaS aS verSa sjálfstæS listgrein. Bíó-Petersen sá fljótt fram á þaS að húsnæSiS í „Fjalakettinum" viS Bröttugötu yrði eigi til frambúSar og áriS 1925 hóf hann byggingu nýs Myndirnar hér að ofan erú af fyrsta eiganda Gamla Bíós, P. Peter- sen, og núverandi fram- kvæmdastjórum, Hafliða Halldórssyni og Hilmari Garðarssyni. kvikmyndahúss við Ingólfsstræti, og tók Gamla Bíó þar til starfa 2. ágúst 1927. Einar Erlendsson teiknaði húsið í samráði við Petersen. Var þar ekkert tij sparaS að gera húsið eins vandað og vistlegt og tök voru á. Ýmsum nýj- ungum var þar komið fyrir er talið var að mundi auka þægindi og bæta þiónustu við kvikmyndahúsgesti. Eigendur Gama Bíó hafa ætið reynt að fylgjast með nýjungum á sviSi kvikmyndatækninnar, og áriS 1930, 1. september, var fyrsta talmyndin sýnd í Gamla Bió. SíSan hafa marg- víslegar breytingar orSiS á tækniþró- un kvikmyndanna. Nýjar sýningar- vélar af fullkomnustu gerS frá Philips-verksmiðjunum voru keyptar árið, 1948 og WIDE-SCREEN eSa breiStjald árið 1953. Á 50 ára afmæl- isdaginn hefjast svo sýningar á CINEMASCOPE-myndum, en cinema- scope er fullkomnasta töku- og sýri- ingaraðferð sem þekkist i dag og náS befir almennri útbreiSslu. í tilefni af 50 ára starfsafmæli Gamla Biós hefir stjórn þess ákveSið að allur aðgangseyrir að sýningum á afmælisdaginn skuli renna til starf- semi Blindravinafélags íslands. Skogræktarfélag Reykjavíkur 10 ára Skógræktarfélag Reykjavíkur var stofnaS 24. októ- ber 1946, og átti þvi nýlega 10 ára afmæli. í tilefni þess hefir stjórn félagsins gefið út afmælisrit, þar sem saga félagsins er skráð. Meginverkefni félagsins þennan fyrsta áratug hefir verið tvíþætt — uppeldi trjáplantna i Fossvogsstöð- inni og skógrækt í HeiSmörk. Er þetta orðiS mjög umfangsmikið verkefni, sem hefir vaxiS meS hverju ári sem líSur. Á fyrsta starfsári félagsins var sáð í 55 fermetra i skógræktarstöSinni i Fossvogi, en á þessu ári í 1010 fermetra. ÁriS 1948 var dreifsettar 25 þús. trjáplöntur, en yfir 340 þús. á þessu ári. Nú eru auk þess af- hentar úr stöSinni allt að 150 þús. plöntur árlega. Skógræktarfélag Reykjavikur telur nú um 1600 félaga. í stjórn þess eiga sæti eftirtaldir menn. GuS- mundur Marteinsson, Helgi Tómasson, Ingólfur Daviðsson, Jón Loftsson og Sveinbjörn Jónsson. Stjórn Skógrœktarfélags Reykjavíkur.

x

Fálkinn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Fálkinn
https://timarit.is/publication/351

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.