Fálkinn


Fálkinn - 23.11.1956, Blaðsíða 5

Fálkinn - 23.11.1956, Blaðsíða 5
FÁLKINN MYNDIR FRA SÚEZ OG KÝPRUS um aldrei fengið svona kipp, er við urðum hákarlanna varir fyrst. Nú munaði minnstu að ég hrykki útbyrðis. Þetta var undirbúningurinn. Rétt eftir þennan kipp kom annar. Nú rcnndi einn hákarlinn sér á málm- flotholtið og bakugginn var eins og hnífur upp úr sjónum. Ég sá hausinn á ófreskjunni eins og i þoku. Annar hákarl kom eins og tundurskeyti neð- an úr djúpinu og tókst á loft er upp úr kom og gljáði á votan, skreipan skrápinn. Sjórinn var í einu hrim- löðri. Ég sá í bakugga, sem fór í hring kringum mig á fleygiferð. Hann hvarf snöggvast en kom svo upp undir miðj- um flekanum. Strigabotninn rifnaði og eitt stagið slitnaði. Hákarlinn Var inni i flekanum, milli flotholtanna og ég barði í hausinn með árinni eins og óður maður og reyndi að hitta augun. Fjórum sinnum barði ég en hann spriklaði i botnsnærunum, hann hafði fest hausinn milli þeirra. Ég barði í hausinn, en það var eins og að berja í hart bein. Ég var hræddur um að árin mundi brotna, en ekki tjóaði að fást um það. Ég barði og barði og snærin slitnuðu en hákarlinn sakaði ekki. Hann losnaði og stakk sér og' kom svo aftur á stjórnborða. Ég var- örmagna og hræddur. Deyjandi maður getur ekki varist við hákarla. Og alltaf voru hákarlarnir að sækja á, þeir tóku glefsur af liki Ericssons og ég gat ekki einu sinni hljóðað, hvað þá hreyft mig. Það var Ericsson sem þeir voru að ásælast — ekki ég. Ég mátti ekki hafa hann um borð lengur. Enda var það kraftaverki næst, að honum skyldi ekki hafa skolað út fyrir löngu. Og ég ýtti líkinu fyrir borð og bað Faðir vor. Framhald á bls. 6. Það hefir löngum verið ófriðsælt við botn Miðjarðarhafsins, en sjaldan hefir ástandið verið verra en síðustu vikurnar. Israelsmenn réðust á Egypta og lögðu undir sig Sínaískagann, en Bretar og Frakkar gerðu athlögu að Súez-svæðinu og settu þar her á land. Egypski herinn veitti viðnám, enda hafði Nasser, foringi þeirra búið þjóðina undir átök. Svo horfði um skeið, að heimsstyrjöld gæti hlotist af þessum átökum, en Bretar, Frakkar og ísraelsmenn voru víttir fyrir árás- ins á þingi Sameinuðu þjóðanna, sem nú hafa stofnað allfjölmennrar lög- reglusveitir til að gæta friðar við Súezskurðinn. Vopnahlé komst á fyr- ir tilstilli samtakanna, en óvíst er með öllu ennþá, hve tryggt það verður, því að ýfingar eru með Araba- þjóðunum og Rússum annars vegar og Israelsmönnum, Bretum og Frökkum hins vegar. Myndin að ofan t. V. er af gríska skipinu „Panagia", sem fsrael hefir á leigu. Það var í haldi hjá Egyptum í Port Said frá því í maí í vor þar til fyrir skemmstu, enda nær yfirlýsingin um „frjálsar sigl- ingur um Súez-skurð" ekki til fsraels- manna að dómi Egypta. — Að ofan t. h. er mynd af sókn ísraelsmanna, sem sækja fram í Síaní-eyðimörkinni. Að neðan er mynd frá Nicosiu, höfuð- borg Kýprus, þar sem útgöngubann hefir verið sett. Tvo tíma á degi hverjum fá íbúarnir að fara út til matvælaöflunar.

x

Fálkinn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Fálkinn
https://timarit.is/publication/351

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.