Fálkinn - 21.08.1959, Blaðsíða 15
FÁLKINN
15
HISSA
LAFIR ADDEL KASSEM? — Þegar
Abdel Kassem hershöfðingi hrifsaði
völdin í fyrra, eftir að Feisal kon-
ungur hafði verið myrtur mun
hann hafa gert ráð fyrir að halda
þeim lengi. En undanfarið hefur
hann átt erfitt, því að í norðurhluta
landsins hófst uppreisn fyrir nokkru
og er Shawaf ofursti foringi hennar.
Þegar stúlka er tvítug eru líkindin
til þess að hún giftist 80%, þegar
hún er 25 ára eru líkurnar 74%,
en þegar hún er orðin 36 eru líkurn-
ar hrakaðar niður í 28 af hundraði,
segjast enskir giftingasérfrœðingar
hafa sannreynt 'við ítarlega rann-
sókn. Hér á landi hafa byrjandi
piparmeyjar verið huggaðar með
þessari setningu: „Engin örvænta
skyldi / innan þrjátíu og sex“. —
Sama enska heimild segir, að flestir
piltar biðji sér stúlku í skemmti-
garöi, á göngu, á heimili stúlkunnar
eða í bíl. En sjö af hverjum hundrað
bónorðum fara fram bréflega eða i
síma.
Ali Khan hefur farið fram á það
við yfirvöldin í Sviss, að þau viður-
kenni skilnaðinn, sem hann fékk frá
Ritu Hayworth í Reno árið 1953.
Hann langar nefnilega til að fá að
giftast aftur, og sú nýja — nr. 3 —
heitir Bettina. Nokkru áður hafði
Ali Khan sótt um leyfi til að fá að
giftast í Sviss, en var svarað að
leyfið fengist ekki fyrr en lögform-
lega vœri gengið frá hjúskaparslit-
um hans og Ritu, og Reno-skilnaður-
inn viðurkenndur í Evrópu. Mála-
flutningsmaður Alis hefur farið
fram á að furstinn verði viðurkennd
ur svissneskur ríkisborgari, vegna
þess að hann er að byggja sér hús
við Genfarvatn.
Norskur ferðamaður kom á gisti-
hús í Frakklandi, eftir að hafa ek-
ið bíl sínum allan daginn, og þeg-
ar ármaðurinn bað hann að fylla
út eyðublað sitt, svaraði sá norski:
„Ég er steinuppgefinn, viljið þér
gera svo vel að skrifa þetta fyrir
mig. Nafnið mitt stendur á ferða-
töskunni minni.“ Þegar honum var
sýnt eyðublaðið morguninn eftir,
svo að hann gœti skrifað undir það,
stóð í efstu línunni: „Mr. Garentert
Ekte Svinelœr“.
HERFANG BANGSA. — Carla Gra-
vina heitir 18 ára filmudís ítölsk,
sem hefur verið að skemmta sér í
vetraríþróttabænum Cortina. Þar
hefur hún lent í klónum á ísbirni
en væntanlega er henni ekki hætta
búin af honum.
MIKLIR MENN OG MIKIL VIÐFANGSEFNI. Undirbúningsráðstefnan, gekk eins og flestar
ráðstefnur austurs og vesturs fremur báglega. Hér sjást höfuðpaurarnir, ásamt svissneska ut-
anríkisráðherranum. Frá vinstri: Selwyn Lloyd (Bretland), Couve de Murvilla (Frakkland),
Christian Herter (USA), Petitpierre (Sviss) og Andrei Gromyko (Rússland).
ENGINN FÓRST. — Á Chigasaki-járnbrautarstöðinni, 50 kílómetra frá Tókíó fór vörulest af
sporinu og byltust vagnarnir yfir á næst spor, en þar var farþegalest að bruna inn á stöðina,
með svo miklum hraða að lestarstjórinn gat ekki stöðvað hana í tæka tíð. Brunaði hún á
vörulestarvagnana og særðust 59 manns, þar af 12 skólabörn, meira og minna. En enginn fórst.
— Hér sést hvernig lestirnar voru útleiknar eftir áreksturinn,
STOFNA EIGIÐ RÍKI. — Kringum
40 Indíánahöfðingjar, sem stjórna
sex ættkvíslum og ráða yfir 12.000
ha. landi í Kanada, hafa tilkynnt
að þeir hafi stofnað sjálfstætt ríki
úr þessu landi, og nefna það Irokes-
iska ríkið, Rauðskinnarnir hafa hót-
að að snúa sér til UN ef ríkisstjórn-
in í Ottawa vill ekki viðurkenna
þetta nvja ríki þeirra.