Fálkinn - 18.09.1959, Blaðsíða 3
FALKINN
3
ÞYIMGRI REFSIMGll FYRIR
IJIVIFERÐARAFBROT
MYNDIRNAR hér að ofan eru
hvorki skemmtilegar né fagrar, en
þær eru engu að síður athyglis-
verðar og segja sína sorglegu sögu.
Bifreiðum er ekið að næturlagi á
ofsahraða á öfugum vegarhelmingi
og lendi þar á öðrum, sem ekki
eiga sér ills von, með þeim afleið-
ingum, sem myndirnar sýna. Og
þó segja þær söguna ekki alla. Þær
sýna aðeins að tugþúsunda tjón hef-
ur orðið á bifreiðunum, ef þær hafa
þá ekki gereyðilagst. En hvað varð
af mönnunum? í þessum tilfellum
missti enginn lífið, en trúlegt er
þó að sumir beri merki þessarar
ökuferðar allt sitt líf.
Umferðarslys eru nú orðin svo
tíð hér á landi að það verður að
teljast alvarlegt vandamál —
vandamál, sem ekki verður leyst
nema það verði tekið föstum tök-
um. Það þykir ef til vill harka, en
mönnum, sem ábyrgð bera á á-
rekstrum eins og þeim, sem að
framan getur á enga linkind að
sýna. Það má segja að hverjum sé
í sjálfsvald sett að leika sér með
sitt eigið líf, en það á engum að
vera leyfilegt að stofna lífi og lim-
um annarra í hættu vegna kæru-
leysis, vanþroska eða frekju.
Saklaust fólk, sem fer að settum
reglum í umferðinni, á að vera ör-
uggt. Það á ekki að þurfa að óttast
að aðvífandi ökufantur svipti það
lífi eða valdi því örkuml. Með ein-
hverjum ráðum verður að verja
hinn almenna borgara. Þetta mál
er orðið svo alvarlegt, að það verð-
ur að leysast, eða að minnsta kosti
verður að gera allt til þess að hefta
för manna, sem aka drukkir eða
leika angurgapa á vegum úti. Ef til
vill er það hægt með nógu strangri
refsingu. Þeir eru miklu hættulegri
þjóðfélaginu en smáþjófurinn. Það
á því ekki að refsa ökuníðingnum
á sama mælikvarða og þjófinum,
hans viðurlög eiga að vera miklu
þyngri.
Þessi mynd er frá
fundi utanríkisráð-
herra Norðurlanda,
sem nýlega var
haldinn í Reykjavík.
Allir utanríkisráð-
herrar Norðurlanda
voru þar mættir. —