Fálkinn - 02.10.1959, Blaðsíða 3

FÁLKINN
3
Erkibiskup —
senwliwnuður ptífu
SÁ SÖGULEGI atburður gerðist hér í þessum mán-
uði, að kaþólskur erkibiskup, Martin Lucas, sem
skipaður hefir verið umboðsmaður páfa á Norður-
löndum, kom hingað til lands, en erkibiskup Róm-
arkirkjunnar hefir ekki haft aðsetur á Norðurlönd-
um síðan fyrir siðaskipti.
Martin Lucas hefir að vísu ekki sérstakt biskups-
dæmi eins og hinir fornu erkibiskupar, enda þótt
hann beri titilinn og staða hans í kaþólsku kirkj-
unni sé svipuð eins og þeirra. Kaþólskir söfnuðir
eru starfandi á fjórum stöðum á landinu, Reykja-
vík, Hafnarfirði, Akureyri og Stykkishólmi.
Á meðan erkibiskupinn dvaldi hér á landi fram-
kvæmdi hann söngmessu og fermingu í Krists-
kirkju í Landakoti. í lok messunnar flutti erki-
biskupinn ávarp til safnaðarins og þakkaði mót-
tökurnar hér, og sagði að páfi hefði lýst yfir sér-
stökum áhuga sínum á lífi Norðurlandabúa, Hann
kvaðst fremur hefði kosið að koma hingað að vetr-
arlagi til þess að kynnast erfiðleikunum, sem harð-
ur vetur og illviðri hefðu í för með sér fyrir íbúa
landsins. Hann sagði, að páfi hefði beðið sig að
veita öllum trúuðum postullega blessun sína. Hann
skoraði á söfnuðinn að standa stöðugan í trúnni
og gera skyldur sínar þrátt fyrir alla erfiðleika
vorra tíma.
Myndin sýnir Martin Lucas erkibiskup í fullum
skrúða í Kristskirkju með mítur og bagal.
Nýtt varöskip
SÍÐAN landhelgisstríðið við Breta hófst hefir hverju
mannsbarni hér á landi orðið það ljóst, hvílík nauðsyn
góð landhelgisgæzla er. Það kemur öllum saman um það,
að starfsmenn íslenzku landhelgisgæzlunnar hafi staðið
sig með hinni mestu prýði, sýnt fullkomna festu og ein-
urð, en forðast þá um leið aðgerðir, sem dregið gátu til
alvarlegri atburða en orðið hafa það rúma ár, sem Bretar
einir allra þjóða hafa látið herskip sín verja veiðar fiski-
skipa sinna í íslenzkri lögsögu.
Það má segja, að nær allur íslenzki varðskipaflotinn
sé orðinn úreltur, þar sem nýjustu og stærstu togararnir
ganga betur en flest varðskipin. Endurnýjunar er því
brýn þörf. Núna fyrir nokkru var nýju varðskipi, sem
smíðað er fyrir íslendinga, hleypt af stokkunum í Ála-
borg. Verður það lítið eitt stærra en Þór, sem nú er flagg-
skip landhelgisgæzlunnar. Var það skírt Óðinn, því ekki
þótti annað hæfa en það hlyti nafn eins hinna máttugri
meðal ása. Gamli Óðinn verður því að fá nýtt nafn.
Óðinn verður gangmesta og fullkomnasta varðskip
okkar, og er meðal annars gert ráð fyrir að þyrilvængja
geti lent á afturþiljum skipsins og mun fulráðið, að land-
helgisgæzlan fái þyrlu. Er ekki vafamál, að það verður
til stórbóta fyrir alla landhelgisgæzluna. Mun maður
þegar vera farinn utan til þess að læra meðferð hennar.