Fálkinn - 22.02.1961, Blaðsíða 19
kvöld kom danssýningarpar og sýndi
nýjustu dansana. Vasasöngbók er á
hverju borði og allir syngja í kór inn
á-milli. Það er voðalegur hávaði, segir
; Svainhildur, því allir syngja fullum
rómi!
V
Nú er Magnús mættur og hann tekur
strax til við að stjórna dansinum. Það er
mars og síðan skiptingar útávið og inn-
ávið — 10 pör upp á loft og 10 pör niðri
og svo kemur þjófavals og Magnús hvet-
ur alla að nota sér tækifærið og ,,stela“
sér dömu!
Hér ríkir ósvikið fjör og kátína. Stúlk-
ur virðast í meirihluta og þegar herrar
eru ekki fyrir hendi þá dansa þær bara
saman. Hér er enginn undir áhrifum.
Flestir eru 16—17 ára, en nokkrir eldri;
einn eða tveir yfir fertugt, segir Svan-
hildur
V
Það er gert hlé á marsinum og kölluð
upp fjögur herranúmer. Herrunum er
stillt upp við annan enda dansgólfsins
og epli í spotta eru næld í bakhlutann
á þeim og eldspýtustokkur lagður við
fætur hvers og eins. Síðan hefst
skemmtileg og spennandi keppni, sem
Ier fólgin í því að herrarnir eiga að
sveifla eplunum milli fóta sér og reyna
að hitta eldspýtustokkinn og reka hann
þannig áfram. Einn þátttakenda var
furðu snjall í þessum leik, en einn varð
að gefast upp og vakti það mikla kát-
ínu viðstaddra.
y
Og aftur er tekið til við dansinn.
Svitinn perlar á andlitum herranna og
dömurnar eru rjóðar í kinnum. Þetta er
hið frjálsborna líf, eins og karl einn á
Akranesi sagði alltaf þegar hann var
kominn á trillu sinni út á sjó.
Hjartaklúbburinn er ánægjulegur fé-
lagsskapur og ekki þurfa foreldrarnir
að óttast um börn sín á meðan þau halda
f sér í þessum félagsskap.
Stjórn Hjartaklúbbsines skipa; Magn-
ús Jónsson formaður, Svanhildur Karls-
dóttir gjaldkeri, Ásta Hálfdánardóttir
*' ritari, Sveinn Jónsson varaformaður og
Vera Sigurðardóttir, vararitari.
r, syngur fer
heilbrigðan hátt
SURINN
Það er marsérað um húsið þvert og
endilangt, meira að segja upp á loft
og aftur niður. Hér á myndinni sjá-
um við f jögur ung og myndarleg pör
á leið niður í salinn til þess að halda
áfram að dansa.
(Ljósm. Fálkinn.)
Við kveðjum Hjartaklúbbinn sann-
færðari en nokkru sinni fyrr um ágæti
æskunnar nú á dögum, -—- þeirrar sömu
æsku, sem þykir óalandi og óferjandi
og borið er brýn alls kyns vammir og
skammir. Það er ekki spillt æska, sem
skemmtir sér í Hjartaklúbbnum, held-
ur heilbrigt og glaðvært ungt fólk.
Við vildum ráðleggja öllum þeim, sem
hafa áhyggjur af unga fólkinu, að bregða
sér niður í Breiðfirðingabúð eitthvert
miðvikudagskvöldið til þess að kynnast
af eigi raun starfsemi Hjartaklúbbsins.
Og hver veit nema þeir fylli flokk
þeirra tveggja meðlima, sem komnir eru
yfir fertugt ....
í Hjartaklúbbnum er margt gert sér til skemmtunar og auk alls þess
eru skemmtiatriði hverju sinni. Síðast kom Júdóflokkur og sýndi listir
sínar, en að þessu sinni kom danssýningarpar og sýndi nýjustu dansana.
Stóra myndin vinstra megin á síðunni og myndin hér að neðan eru
ofurlitlar svipmyndir af dansinum.