Fálkinn - 28.03.1962, Blaðsíða 17
HVENÆR EIGN-
UMST VIÐ
SÝNINGARHÖLL?
í tilefni af fimmtugsafmæli
Kjarvals 1935 var haldin sýn-
ing á fimmta hundrað mynda
hans á göngum og sal Mennta-
skólans í Reykjavík. í grein
um afmælissýningu Kjarvals
stendur eftirfarandi klausa í
Fálkanum og mætti hún verða
mörgum umhugsunarefni enn
í dag: Margar af myndunum
njóta sín ekki.. . Hvenær
eignast Reykjavík fullkomna
sýningarhöll fyrir málverk,
þannig að hægt sé að skoða
þau í hæfilegri fjarlægð við
rétta birtu?
NÚ GETUR fSLAND TALAÐ VIÐ UMHEIMINN
Fyrir nálægt 40 árum upp-
lifðu íslendingar að eignast
sinn fyrsta talsíma, „Málm-
þráðinn svonefnda milli
Hafnai'fjarðar og Reykjavík-
ur. Þá var það að ýmsir roskn-
ir og ráðsettir menn, sem
þóttust vita sínu viti, fullyrtu
að þetta málmþráðartal væri
ekki annað en fals og lygi.
Menn þættust heyra hver til
annars í þræðinum en gerðu
það ekki. Og þegar þeir svo
loks urðu að viðurkenna stað-
reyndina, þá snéru þeir við
blaðinu og sögðu að þetta
væru galdrar, komnir beina
leið frá djöflinum, og voru
ekki í vafa um, að mennirnir
sem að fyrirtækinu stóðu,
væru óguðlegir menn, sem
réttast væri að stúta umsvifa-
laust.
Síðan hefur margt breytzt.
Meðal annars eru menn nú
hættir að neita staðreyndum,
þegar teknisk efni' eru annars
vegar, þó að margir keppist
við að neita þeim, þegar
stjórnmál eiga í hlut. Menn
hafa upplifað svo marga
galdra á síðustu áratugum,
að þeir hafa valið sér það hlut-
skiþti að segja:
„Það er bezt að sverja ekki
fyrir neitt. Furðuverk tækn-
innar eru óþrjótandi. Við höf-
um upplifað það, að vagnar
án hesta þjóta um landið
hraðar en nokkur hestur getur
hlaupið. Við höfum séð menn
fijúga í vélum, hraðar en
nokkur fugl flýgur. Við höf-
um heyrt rödd fjarlægra, dá-
inna manna í grammófón. Við
höfum talað við fólk á öðr-
um landsenda. Við höfum
fengið skeyti sem send voru
með þræði frá útlöndum og
við heyrum daglega fréttir,
fyrirlestra og söng, sem ein-
hver er að flytja suður í
Reykjavík, þótt ekkert þráðar-
samband sé á milli. Nei, við
sverjum ekki fyrir neitt.“
Þessari forherðing má
símastjórnin íslenzka þakka
það, að hún þarf ekki að vera
hrædd um, að fólk fari að
bendla hana við kukl og
heimti að hún verði brennd
á báli eða hengd fyrir síðustu
nýjungina, sem orðin er í
símamálum íslands; opnun
talsambandsins við önnur
lönd .... (1935).
Margar auglýsingar frá
fyrstu árum Fálkans koma
okkur nú spánskt fyrir sjónir,
eins og t. d. þessar; Nú er orð-
ið ódýrt að aka innanbæjar
með okkar bílum: Lægsta
gjald 50 AURAR. Nýja Bíla-
stöðin. — Nýtt! Nýtt! Jeo-
phine Baker húfur (tvær teg-
undir). Hattaverzlun Maju
Olafsson. —• Kolasundi 1. —
(1929).
HANN JAFNAST Á VIÐ ATLAS
Hér birtist mynd af aflraunamanninum Gunnari Salómons-
syni. Eins og kunnugt er var hér á ferð fyrir einu og hálfu
ári aflraunamaðurinn Atlas, sem sagðist hafa heimsfrægð
að baki sér. Við sýningar hans mun hafa vaknað löngun
margra ungra manna til þess að reyna hve nærri þeir kæmust
Atlas. Meðal þeirra var Gunnar Salómonsson. Hann hefur
í öllu náð betri árangri og í sumu betri. Hann hefur slitið
mun sterkari kaðla og beygt sterkari járn. Auk þess hefur
hann stundað lyftingar og lyft með hægri hendi 140 pundum
og báðum 402.
(1935).
FALKIN
N 17