Fálkinn - 28.03.1962, Qupperneq 24

FÁLKINN
i dagf
Tímarnir breytast og blöðin með. Fyrir rúmu ári síðan var FÁLKANUM, fyrsta mynd-
skreytta vikublaðinu á Islandi og algerum b rautryðjanda, gjörbreytt, bæði broti hans,
efni og útliti. Blaðið hlaut strax miklar vinsældir og hefur síðan verið í stöðugri sókn
og gerist æ skæðari keppinautur á sviði vikublaða hérlendis. Samkvæmt óteljandi bréf-
um og upphringingum hefur fólki fallið bezt í geð, hversu skemmtilegt efni FÁLIÍINN
fiytur og einnig hversu mikið innlent efni er í hverju blaði. FÁLKINN flytur að jafn-
aði helmingi meira innlent efni en nokkurt annað vikublað hér á landi og það sem meira
er: efnið er ævinlega eins nýtt og ferskt og frekast er unnt. Þess er skemmst að minn-
ast, að tvívegis hefur FÁLKINN flutt lesendum sínum myndir og frásagnir af atburðum
daginn eftir að þeir gerðust og var þá unnið stöðugt alla nóttina bæði á ritstjórn og í
prentsmiðju. Þess má geta til gamans, að samkvæmt útreikningum vikublaðs nokkurs
er aukning FÁLKANS á einu ári 2000%.
Lesendur, sem fá FÁLKANN í hendur vikulega og lesa hann sér til óblandinnar ánægju
og geta ekki án hans verið, gera sér sennilega ekki grein fyrir, hvílík vinna liggur að
baki einu tölublaði af FÁLKANUM. Og sennilega vita þeir heldur ekki hverjir það eru,
sem vinna blaðið. Þess vegna viljum við í tilefni afmælisins kynna lesendum lítillega
fólkið sem stendur á bak við FÁLKANN, og birtum myndir af því á næstu fjórum
síðum.
Pökkun og dreif-
ing FÁLKANS
gerist æ umfangs-
meiri með stöðugt
vaxandi upplagi.
Myndirnar eru af
starfsfólki
afgreiðslunnar: —
Laufeyju Pálsdótt-
ur (til vinstri) og
Þóru Helgadóttur
(til hægri).
24 FÁLKINN