Fálkinn - 09.01.1963, Blaðsíða 30
billinn
Nokkrir punktar um CARDINAL
Vart hefur jafnmikið verið rætt og
ritað um nokkurn bíl, áður en hann
hefur komið á markaðinn, en Ford Car-
dinal. Um haustið 1960 fór sá orðrómur
að breiðast út um gervöll Bandaríkin,
að Ford-verksmiðjurnar þar í landi
hefðu í hyggju að hefja framleiðslu á
smábíl, er settur væri beint til höfuðs
Volkswagen og öðrum evrópskum smá-
bílum, sem þá voru fluttir inn í stórum
stíl (ca. 700.000 1959). Síðar átti einnig
að setja bíl þennan saman hjá Ford bæði
í Bretlandi og Þýzkalandi, og þannig að
keppa einnig beint á hinum evrópska
markaði.
Þetta sama haust komu „hinir þrír
stóru“ þ. e. General Motors, Ford og
Crysler með hina svonefndu ,,Compact“-
bíla (Corvair, Falcon, Valiant og Lark),
á markaðinn. Þessi stærð af bílum vakti
þegar i stað gífurlegar vinsældir meðal
fólks þar í landi og varð salan í þessum
bílum mun meiri en framleiðendurhöfðu
þorað að vona. Með kynningu þessara
nýju bíla varð stórkostleg breyting á
hinum bandaríska bílamarkaði. Salan
í evrópskum bílum í Bandaríkjunum
hrapaði niður í það, að vera um helm-
ingi minni en árið 1959. Nú var það sem
Ford kippti að sér hendinni méð að
hefja framleiðsluna á Cardinal. Þeim
hafði áður orðið á í því að framleiða bíl
sem ekki féll vel inn í hinn kröfuharða
bandaríska bílamarkað sbr. Edsel, svo
þeir hættu ekki á annað svipað ævin-
týri. Aftur á móti létu þeir Ford í Bret-
landi og Þýzkalandi í té allar þær tækni-
legu upplýsingar, sem þeir höfðu þegar
aflað á síðastliðnum 4 árum, sem þeir
höfðu unnið að byggingu bílsins.
Nú nýlega hafa þessar tvær verk-
smiðjur, hvor fyrir sig, kynnt sína út-
gáfu á Cardinal. í Bretlandi nefnist
hann Consul Cortina og er með hinni
frægu Anglia-Consul 315 vél sem hefur
reynzt mjög vel og hlotið frægð sína af
því að vera í Lotus-Formula Junior
kappakstursbílnum er hefur unnið
marga kappaksturskeppni síðastliðin
tvö ár. Drifið er á afturhjólunum eins og
venjulegast er. Er því ekki hægt að
segja að nein raunveruleg bylting sé í
þeim bíl.
Aftur á móti er hægt að segja um
þýzku útgáfuna — Taunus 12M — að
hún sé alger bylting í bílaiðnaðinum.
Vélin er fjórgengis V-laga fjögurra
strokka og sú fyrsta sem þannig er
byggð fyrir bíl í heiminum. Bíllinn er
búinn framhjóladrifi og sá fyrsti, sem
Ford-verksmiðjurnar framleiða þannig.
Gefur það bílnum gríðarmikið gildi fyr-
ir þá sök, að hann er mikið stöðugri á
beygjum og í hálku. Einnig eykur það
rýmið inni í bílnum því gólfið er alveg
slétt. Kælikerfið er þannig útbúið, að í
bílnum eru tveir vatnskassar, sá minni
sem tengdur er beint við miðstöðina,
fyrir aftan vélina hefur innbyggt
„automat“ þannig, að ef hitinn fer yfir
80° C þá fer annar stærri vatnskassi
sem er fyrir framan vélina, af stað líka
og fari hitinn yfir 98° C fer viftan í
miðstöðinni af stað og blæs köldu lofti
niður með vélinni en slekkur sjálfkrafa
á sér, þegar hitinn er kominn niður fyrir
92°C. Miðstöðin er orðin funheit 3 mín.
eftir að bíllinn hefur verið gangsettur
kaldur. Eitt er það enn, sem vekur sér-
staka athygli, og það er að bíllinn er
með þverfjöður að framan. En þannig
var ameríski Ford-bíllinn útbúinn allt
frá hinu fræga T-modeli til ársins 1947
og þykir það auka stöðugleika bílsins
á vegi. Skipta þarf um olíu eftir
hverja 10.000 km. og er það stór sparn-
aður í rekstri bílsins. Taunus 12M er
næst því að vera hinn raunverulegi
Cardinal. í útliti eru bílarnir báðir
mjög líkir, því þeir eru byggðir nær ein-
göngu eftir bandarísku teikningunum.
Hér eru nokkur mál og upplýsingar um
bílana.
Consul Cortina: Vél 53 hö., lengd 4.27
m, breidd 1.58 m og hæð 1.38 m, þyngd
790 kg, eldnseytiseyðslan er 7.5 1/km.
Taunus 12M: Vél 50 hö., lengd 4.24 m,
breidd 1.59 og hæð 1.45, þyngd 845 kg.,
eldsneytiseyðsla 7.5 1/km. Um þessar
mundir eru þessir bílar í þann veginn
að koma á markaðinn hér á landi. Bú-
izt er við því að verðið verði um kr.
140.000.00.
Síðasii roðu i*iiiii
Framhald af bls. 11.
hann við drenginn. — Ekki veitir af
að hafa eitthvað að melta, því haust-
nóttin er löng.
Þeir sitja og tala saman um stund.
En þá stendur Jóhann upp og segir:
— Jæja, þá er víst bezt að fara að
hugsa um að komast út á voginn. Þetta
er talsverður róður.
Og til þess að segja eitthvað svarar
drengurinn.
— Ég held það verði gott að láta