Fálkinn - 06.03.1963, Blaðsíða 13

— Og hvert fer svo fiskurinn?
— Hann fer niður í vinnusalinn, þar sem við vorum áðan.
Þetta var vestur í ísbirni og Páll Guðmundsson verkstjóri
var að sýna okkur frystihúsið. Við höfðum átt leið þarna
fram hjá og dottið í hug að sjá fiskinn „okkar unninn.
— Og það er sama hvort fiskurinn er stór eða smár, sögð-
um við og vorum aftur að tala um fláningsvélina.
— Þessi vél er eingöngu fyrir stórfisk. Við höfum aðra
vél í smáfiskinn.
Við yfirgáfum flatningssalinn og héldum niður í vinnu-
salinn í gegnum kaffistofuna og fatageymsluna. Þetta var
um kaffileytið og ráðskonan var byrjuð að hella upp á
könnuna.
Leiðin lá nú gegnum vinnusalinn. Fiskurinn kom á band-
inu og kvenfólkið tók hann af, brá á hann hnífi og lagði
flökin til og svo var hann settur í pakka. Það var talsvert
af kvenfólki þarna og þær voru allar með höfuðklúta, í
sloppum og með hvítar svuntur.
— Hvað vinna margar hjá þér núna, spurðum við Pál.
— Þær eru ekki nema eitthvað milli sextíu og sjötíu.
Okkur vantar kvenfólk. Við vorum að auglýsa eftir kvenfólki
í hádegisútvarpinu. Það er dálítið erfitt að fá kvenfólk núna.
Annars er þetta rétt að fara í gang hjá okkur.
— Og þegar allt er í fullum gangi hvað hefurðu þæi
margar þá?
— Þá eru þær hátt á annað hundrað?
— Og mannskapurinn í öllu fyrirtækinu?
— Hann er nserri þrjú hundruð, hygg ég.
— Hvað leggja upp hjá ykkur margir bátar núna?
— Þeir eru um fimm en þeim fer nú að fjölga senn hvað
líður. Ætli þeir verði ekki eitthvað um tíu og svo togararnir
að auki.
— Og hvernig hafa aflabrögðin verið?
— Þetta er nú alveg að byrja hjá okkur og lítið verið
róið enn, Skagfirðingur hefur komið fjórum sinnum með
þetta 16, 17 tonn.
— Er ekki talsvert um að húsmæður vinni hér?
— Jú, það er alltaf eitthvað um þær.
— Er þetta mikið sama fólkið frá ári til árs?
— Nei, það breytist nú alltaf eitthvað. Þeim fækkar alltaf
stúlkunum sem hafa verið lengst. Annars eru þær eldri betri
starfskraftur en þær yngri.
— Duglegri?
— Nei, ekki endilega það heldur hitt, að þær hafa meiri
ábyrgðartilfinningu heldur en þær yngri. Þær yngri geta
svo sem verið duglegar margar hverjar, en þær skortir
þessa ábyrgðartilfinningu sem þær eldri hafa.
— Á hvaða markað er verið að framleiða núna?
Framh. á bls. 36.