Fálkinn - 06.03.1963, Blaðsíða 37

Skípsljóriiin . ..
Framh. af bls. 36.
sannleikanum út úr þeim í landi. Þeir
sem hafa verið til sjós eru öðruvísi,
jafnvel þó þeir hafi ekki verið það
nema stuttan tíma. Það er stundum tal-
að um að aginn, mismunur á yfirmönn-
um og undirmönnum á skipum sé of
mikill. En er það ekki einmitt þessi agi
sem okkar þjóðfélag vantar? Við höf-
um ekki herþjónustu þar sem ungir
menn læra að hlíða. Það eina sem
kannski er eitthvað í áttina er um borð
í skipunum. Þar læra menn að gera
það sem þeim er sagt, ekki einhvern
tíma heldur strax. Það er þetta sem
gerir sjómenn að betri mönnum og
beztu félögum ásamt félagsskapnum
um borð.
í kapítulanum sem hófst 6. marz
1923 og sem ennþá stendur yfir hefur
margt drifið á daga. Hafliði stóð við
það sem hann ákvað 15 ára gamall: að
verða vélstjóri. Hann útskrifaðist úr
Vélstjóraskólanum árið 1925 og fór þá
á Willemoes þriðji vélstjóri. Það var
umtalað í flotanum, að þegar hann átti
að fara um borð, höfðu einungis verið
þar tveir vélstjórar og aðstoðarmaður,
sem gekk vaktir, en virkaði raunveru-
lega sem þriðji vélstjórinn á skipinu.
Hafliði neitaði þegar til kom að fara
um borð sem aðstoðarmaður. Vélstjóri
var hann og vélstjóri skyldi hann vera,
enda þótt hann fengi ekki nema aðstoð-
armannskaup fyrst um sinn. Þetta litla
atvik lýsir Hafliða vel og er táknrænt
fyrir afstöðu hans til lífsstarfs síns alla
tíð.
Eftir nokkra veru sem þriðji vélstjóri
á Willemoes fór Hafliði á Gullfoss og
var þar í nokkur ár. Eftir það á Selfossi,
Goðafossi, Dettifossi, Lagarfossi, Brúar-
fossi og Goðafossi hinum nýja. Jafn-
framt fetaði hann upp virðingarstigann
og varð fastur yfirvélstjóri fyrir mörg-
um árum síðan. Hafliði var eins og
fleiri nemendur Guðmundar á Þing-
eyri, ágætur smiður, duglegur og vinnu-
samur og kröfuharður við sjálfan sig
og aðra, og hinn mesti „company" —
maður. Hagur Eimskipafélagsins fyrst
og fremst.
Mér er enn í fersku minni að einu
sinni er unnið var að botnviðgerð á
Goðafossi hjá Betlehem Steel Company
í New York, sagði einn yfirmaður fyrir-
tækisins, að það væri furðulegur mað-
ur þessi fyrsti meistari okkar. Hann
hefði afþakkað prósentur af viðgerð-
inni og sagt þeim að gera þetta allt
sem bezt og ódýrast. Þetta átti Kaninn
bágt með að melta.
Hafliði hefur árum saman tekið
mikinn þátt í félagsmálum vélstjóra.
Hann er kvæntur Jónínu Loftsdóttur,
hinni mestu ágætiskonu og eiga þau
fjögur uppkomin börn.
Sv. S.
FÁLKINN
efnir til
glæsilegrar keppni
meðal sölubarna
sinna í næstu sex
blöðum. — Verðlaunin
eru spánýtt
LUXOR SOLIST
transistortæki
—.]——I—►

Sölukeppiti
FÁLKINN hleypir nú af
stokkunum nýrri verðlauna-
keppni meðal sölubarna
sinna og stendur hún yfir í
næstu sex blöðum. Verð-
launin eru nýtt og glæsilegt
transistor tæki frá VÉLAR
OG VIÐTÆKI h.f., Lauga-
vegi 98. Tækið er af Luxor
Solist gerð og mjög fullkom-
ið og vandað að öllum útbún-
aði. f því er bátabylgja,
miðbylgja og stuttbylgja. í
því er einnig innbyggt loft-
net, og sérstök uppdregin
loftnetsstöng fyrir báta-
bylgjuna. Luxor Solist er
sænskt og hafa Vélar og við-
tæki þegar flutt inn alimörg
tæki af þessari gerð og hafa
þau reynzt prýðilega. Til
marks um það má nefna, að
ekkert þessara tækja heíur
enn bilað. Luxor Soliste
kostar 3835.00 kr. — Sölu-
börn! Hver vill ekki eignast
nýtt og glæsilegt transistor-
tæki? Freistið gæfunnar og
takið þátt í hinni nýju sölu-
keppni Fálkans. Afgreiðsla
Fálkans er að Ingólfsstræti
9 B og blaðið er afgreitt
klukkan tvö á hverjum
þriðjudegi. Tækið hlýtur sá,
sem selur flest blöð í næstu
sex skipti.
FALKINN
37