Fálkinn - 13.03.1963, Blaðsíða 17
meyjar frá Hawai, læknar og hjúkrun-
armenn með merki Rauða krossins,
svartur púki með horn, dýrin úr Hálsa-
skógi og ótal búningar fleiri.
Við tókum einn kúrekann tali.
—• Ertu búinn að vera lengi í dans-
skóla?
—■ Ég var fyrst í fyrra og svo var ég
aftur núna.
—• Er gaman að vera í dansskóla?
— Já voða gaman.
— Og þú ert ekkert feiminn að dansa
við stelpurnar?
— Nei. Stundum eru þær skrítnar.
— Hvernig?
— Þær hlæja svo oft, maður.
— Að hverju?
— Það veit ég ekki.
— Og þú ætlar að halda áfram?
— Já, ég hugsa það. En maður má
ekki láta illa hjá honum Hermanni.
Við virtum fyrir okkur börnin þar
sem þau voru að dansa og ef satt skal
segja vorum við dálítið hissa að sjá hvað
þau gátu. Skólastjórinn, Hermann
Ragnars, stóð við hljóðnemann á hljóm-
sveitarpallinum og stjórnaði dansinum.
Hann sagði til um danssporin og börnin
fylgdu eftir. Tveir kennarar voru Her-
manni til aðstoðar og þeir gengu um
salinn og' leiðbeindu. Það var áberandi
hvað börnin voru prúð. Þau sungu með
og þeim var greinilega mikil alvara í
dansinum.
Eftir syrpuna náðum við tali af Her-
manni.
— Það er margt hjá þér í dag, Her-
mann?
— Já, það er óhætt að segja það. Þetta
verður langur dagur hjá okkur. Þau
yngstu byrjuðu klukkan tvö og svo
koma aldursflokkarnir hverjir af öðr-
um allt fram til miðnættis.
— Hvað eru þessi börn gömul?
— Þetta eru sex til átta ára börn,
byrjendur.
— Hvað hefur þú marga nemendur
í skóla?
— Ég veit það ekki nákvæmlega. Ég
hygg að þeir séu eitthvað um átján
hundruð.
— Þetta er þá sennilega einn stærsti
skóli landsins?
— Já, þeir eru að segja mér að svo
muni vera. Ég anna hvergi nærri eftir-
spurn því að eftir viku innritunartíma
á haustin er skólinn alveg fullskipaður
til vorsins. Ég kenni hvern einasta
dag frá klukkan hálf fjögur til tólf
nema laugardaga til sjö. Á sunnudögum
eru svo oft einkatímar. Þetta er býsna
erfitt. Ég kenni í Skátaheimilinu og það
sem háir okkur er húsnæðisleysið.
— Hvað eru margir kennarar við
skólann?
— Ég er með þrjá kennara og svo
þrjá aðra sem kenna nokkra tíma 1
viku.
— Það eru margir aldursflokkar hjá
þér?
— Já nemendur skiptast í marga
aldursflokka og svo flokkarnir inn-
byrðis, byrjendur og þeir sem lengra
eru komnir.
— Þú hefur verið með hjónaflokka?
— Já, þeir hafa orðið geysivinsælir.
— Hvað hefur þú marga í flokki?
— Það er nú nokkuð misjafnt. Ég
byrjaði með þetta fimmtíu, sextíu hjá
börnunum. Þegar ég raða niður reyni
ég að hafa jafn mikið af strákum og
stelpum. En það tekst nú mis-
jafnlega. Aðsóknin í aldursflokk-
ana er dálítið misjöfn. Það er áber-
andi, hvað miklu fleiri strákar á aldr-
inum 10 til 16 ára sækja en stelpur.
Þetta stafar af því hvað stelpurnar
byrja miklu fyrr.
Framh. á bls. 32.