Fálkinn - 29.05.1963, Blaðsíða 9

r maður bara um rdlegheítin'
daprar fréttir að færa. Ég er ekki vel
upplagður í dag svo þetta getur ekki
orðið langt.
— En við þyrftum að fá að taka for-
síðumyndina.
— Það er allt í lagi með það ef hægt
er að taka hana af mér hér í þessum
stól. Ég sit hérna í skrifstofustólnum
mínum með allan litteratúrinn í bak-
sýn eins og gáfuðu mennirnir. Annars
er þetta víst mest glæpasögur en ég
vona að enginn móðgist þótt ég hafi
gaman af að lesa glæpasögur. Ef þig
vantar eitthvað undir instrumentið þá
notaðu bara iitteratúrinn.
Á veggnum gegnt skrifborðinu voru
nokkrar ljósmyndir og meðan verið var
að filma fór ég að athuga þessar mynd-
ir. Sú mynd sem ég veitti hvað fyrst at-
hygli var af ungum drengjum í KR-
peysum.
— Varstu í KR?
—- Já, ég spilaði knattspyrnu í fyrsta
og öðrum flokki. Ég var í marki, nema
stöku sinnum að ég brá mér í framlín-
una. Svo hætti ég knattspyrnunni þeg-
ar tíminn fór að verða þrengri.
— En þessi mynd hérna?
— Þetta er mynd af Rugby liði, sem
ég var einu sinni í á skólaárunum í
Englandi. Ég er einn af þeim fáu ís-
lendingum sem lagt hefur stund á þessa
íþróttagrein. Þegar ég var kominn út
vaknaði strax löngun í að æfa ein-
hverja íþrótt og þar sem ég hafði
lagt hér stund á fótbolta þá ákvað ég
að fara í hann. ,,Það er bezt að fara í
fótboltann til þeirra,“ hugsaði ég og
gætti á stundarskrána og sá að þar var
,,football“ og lét innritast. Svo mætti
ég á fyrstu æfinguna og allur sannleik-
urinn kom þegar í Ijós. Þegar æfingin
átti að byrja komu þeir með einhvern
egglaga bolta. „Hvað er þetta?“ spurði
ég. „Þetta er boltinn,“ sögðu þeir. Þetta
sem þeir kölluðu football var Rugby.
Svo æfði ég þetta meðan ég var í skól-
anum og hafði það af að komast í skóla-
liðið. í þessum leik eru fimmtán í liði.
Þessi leikur er öðru vísi hjá Englend-
ingunum heldur en hjá Ameríkumönn-
unum. Þeir fyrir vestan eru alltaf að
slasa sig og eru brynjaðir eins og þeir
væru að fara í fremstu víglínu. En við
í Englandi höfðum aðeins litlar hlífar
fyrir eyrum, — svo þau væru ekki rifin
af. Ég hafði mikla ánægju af þessum
leik og það er leitt að hann skuli ekki
vera stundaður hér.
— Og þessi Lions merki?
— Ég var umdæmisstjóri í fyrra eða
árið þar áður og fór þá á þing vestur í
Ameríku og þaðan eru þessi merki ætt-
uð. Og myndirnar á þessum vegg eru
allar eftir Halldór Pétursson af leikfé-
lögum í ýmsum hlutverkum og svo ein
af mér sem ég held mikið uppá. En
vegginn þarna beint á móti kalla ég
Sögu mannsandans. Þar eru myndir af
mér í ýmsum hlutverkum og m. a. því
fyrsta og á myndinni er dagsetningin 12.
1. ’23. Þarna eru líka myndir af ýmsum
vinum mínum m. a. tveimur hundum.
Framh. á bls. 24.
Knattspyrnu- og rugbykunnátta Harald-
ar Á. kom sér vel í þessu atriði, sem er
úr revýunni Húrra, krakki, (myndirnar
til hægri). Gömul f jölskyldumynd: Har-
aldur, Þórdís Friðrikka og frú Guðrún
Hjáhnarsdóttir. (myndin hér að neðan).