Fálkinn - 19.06.1963, Blaðsíða 7
Blikkmeimska.
Fálkinn,
Reykjavík.
Tilefni þess að ég skrifa
ykkur er það að fyrir nokkru
síðan var í Pósthólfinu bréf
þar sem gert var að umræðu-
efni hegðun manna á íþrótta-
vellinum. Eitt var það sem
mér fannst falla niður í
þessu annars ágæta bréfi.
Hér í borg er allstór hópur
manna sem fer á hvern leik
án þess að greiða sinn aðgang.
Þegar leikið er vestur á Velli
standa þeir á bílpöllum og
húsum og horfa yfir blikkið.
Að vísu mega þessir menn
auglýsa sig sem slíka með
þessari hegðun en þar sem
fjárhagsvandræði há allri
íþróttastarfsemi ber þeim
skilda til að greiða „aðgang“
að leiknum. Ég er satt að
segja nokkuð hissa á að ekki
skuli hafa verið gert eitthvað
í þessu máli því það eru ekki
svo litlar upphæðir sem þarna
fara forgörðum. Svipað at-
hæfi á sér því miður einnig
stað inn á Laugardalsvelli.
Þar standa menn utan girð-
ingar og horfa gegnum netið
fyrir endanum, á það sem
fram fer innan nets. Það eru
oft allstórir hópar og jafnvel
stærri en blikkmennirnir á
Vellinum vestur frá. Og það
gagnar lítið þó strengdur sé
strigi á girðinguna því þá
stinga þeir bara gat á strig-
ann og horfa svo gegnum göt-
in. Þetta er furðulegt athæfi.
Mér þótti rétt að þetta
kæmi fram og að svo mæltu
þakka ég fyrir birtinguna.
Vallargestur.
Svar til L. Æ.
Bréf þitt er þess eðlis að við
sjáum ekki ástæðu til að taka
það til birtingar í Pósthólfinu
Þú verður að leita á önnur mið
með þessi vandamál þín.
Vill borða Popp Korn.
Háttvirta blað!
Ég sá í einhverju blaðinu
ykkar um daginn bréf frá
einhverjum manni sem var
að finna að því Þótt borðað
væri popp korn í bíó. Mér
finnst það fulllangt gengið ef
maður má nú ekki borða
svona nokkuð í bíó fyrir ein-
hverjum geðillum körlum fyr-
ir aftan mann. Ég segi fyrir
mig að ekki dettur mér í hug
að hætta þessum ágæta vana.
Og það eru ekki nema ósiðað-
ir sem setja poppið á gólfið.
Ég bið að heilsa þessum
ágæta manni.
Jói.
Svar:
Nú, þá borðar þú bara þitt
popp korn og málið er leyst.
Kveðjunni komum við hér með
á framfæri.
Fyrirspurn.
Vikublaðið Fálkinn,
Reykjavík.
Með grein eftir Jón Gísla-
son sem nýlega birtist í blað-
inu og nefndist „Þegar Al-
þingi var rofið í fyrsta sinn“
var mjög skemmtileg mynd
af Alþingishúsinu. Nú stóð
það ekki undir myndinni
hver hefði teiknað þessa
skemmtilegu mynd en þar
sem mér liggur talsverð for-
vitni á að vita það vonast
ég eftir að þið upplýsið það
í Pósthólfinu.
K. M.
Svar:
Þessa mynd af Alþingishúsinu
tók Gústaf Guðmundsson.
Svar til X.
Þetta eru erfiðar brautir sem
þú ert að fara út á en ef áhugi
þinn er nægur þá œtti þér að
takast þetta. En áður en lengra
er haldið skalt þú gera þér það
fyllilega Ijóst að til þess að ná
settu marki verður þú að fórna
öllum tíma þínum og þú getur
eins búist við því að ná ekki
þessu takmarki þínu.
Hvað á nú að gera?
Kæri Fálki!
Þannig er mál með vexti
að ég er orðin hrifin af strák
sem er með vinkonu minni.
Mér þykir þetta ákaflega
óþægilegt því við þrjú erum
mikið saman og förum oft á
skemmtistaði. Ég hef það
alltaf á tilfinningunni að ég
sé þriðja hjól á vagni og þess
vegna verð ég alltaf þvinguð
í nærveru þeirra. Ég hef
reynt að fara ekki út með
þeim en þá verða þau móðguð
og linna ekki látunum fyrr
en ég fer með þeim. Getið þið
ekki gefið mér einhver ráð?
Með beztu kveðjum.
P. B.
Svar:
Þú skalt ná þér í annan strák
og þá ert þú orðin fjórða hjól
á vagni. Ef þetta gengur ekki
þá skáltu bara segja vinkonu
þinni eins og er og vita hvort
hún hefur ekki eitthvað til mál-
anna að leggja.
Blaðsölubörn í úthverfum!
takið eftir!
Framvegis verður FÁLKINN af-
greiddur á hverjum þriðjudegi kl.
13.00 á eftirtöldum stöðurn til
hægðarauka fyrir ykkur:
Tunguvegi 50, sími 33626.
Langholtsvegi 139, kjallara,
sími 37463.
Kleifarvegi 8, kjallara,
sími 37849.
Melgerði 30, Kópavogi,
sími 23172.