Fálkinn - 26.06.1963, Blaðsíða 35

□TTD DG BRÚÐUR SÆKDNUNGSINS
Ottó reið eins hratt og hesturinn komst. Þegar hann sá að hann
var kominn út fyrir valdasvæði Eberharðar greifa, hægði hann
á ferðinni. Hann hugsaði um atburði siðustu daga. Það var aug-
sýnilegt, að greifinn hafði gefið meyna norskum sækonungi
vegna þess eins, að hann hafði ekki frið fyrir ágangi hans.
Sennilega hafði sækonungur þessi lofað honum vernd fyrii
öðrum víkingum. Ottó hugsaði með sjálfum sér, að þetta væri
eins og að rétta skrattanum litla fingurinn, því að .iafnskjótt
og hann næði taki á honum, tæki hann alla höndina. Þess
vegna var brúðkaup Karenar og sækonungsins aðeins einn liður
í áætlun Eberharðar greifa og stuðningsmanna hans um að gera
allt landið að valdasvæði sínu. Ottó sparn sporum i hestinn og
hleypti honum á skeið. Hann varð að hraða för sinni til Danna.
Danni beið og beið og tíminn var lengi að líða. Þau sátu í skjóli
undir kletti miklum, Karen og hann. Þegar kvölda tók og Ottó
kom ekki, fór Danni að óttast, að eitthvað uggvænlegt hefði
komið fyrir Ottó. „Hvers konar manntegund er þessi Eðvald?"
spurði mærin Karen. „Slunginn bragðarefur," svaraði Danni,
„hann er vel fallinn til ódæðisverka." Danni lýsti áhyggjum
sínum út af Ottó, en hún s'kýrði honum frá heimsókn Fáfnis.
Nafn mannsins sagði Danna ekkert en áhyggjur hans uxu,
þegar hann heyrði hve mjög Fáfnir þessi hataði Ottó. Allt í
einu heyrðist ugluvæl...
Ugluvælið hljómaði sem sinfónía í eyrum Danna. Hann þaut
upp og reyndi að komast að úr hvaða átt Ottó hafði gefið
merki. Danni sá ekki nokkurn mann. Allt í einu heyrðist vælið
aftur og nú nær. Það kom frá nálægu tré. Það var ugla, sem
gaí það írá sér. Danni steytti hnefana. „Hvað er þetta?“ spurði
mærin Karen. „Aðeins ugla,“ sagði Danni. „Það er enginn hér.“
En það var ekki alls kostar rétt. Tveir menn höfðu heyrt hljóð-
ið og horfðu hver á annan, fullir tortryggni. „Það kom úr
þessari átt,“ hvislaði annar. Þetta voru tveir menn úr leitar-
flokki greifans. Þeir lögðu saman ráð sin og héldu siðan í þá
átt, sem þeim hafði heyrzt hljóðið koma úr.
FALKINN
35