Fálkinn - 14.08.1963, Blaðsíða 37

þannig að hún gat ekki getið sér til
um hugsanir hans.
— Já, sagði hún og var því viðbúin,
að henni yrði mótmælt vingjarnlega.
í þess stað sá hún raunverulegan
óróleika í gráum augum hans. Hann
stakk höndunum í sloppvasann eins og
alltaf, þegar hann var áhyggjufullur.
— Þú hefur kannske á réttu að standa,
sagði hann næstum við sjálfan sig. Það
hefur eitthvað amað að henni. Magda,
hver var á deildinni í dag, þegar þú
fórst í hádegismat?
— Cristel var þar og ungfrú Persson,
vinnukonan.
Systir Ulla, sem við fengum af lyf-
lækningadeildinni um daginn var þar
einnig. Engir aðrir svo ég viti.
Hann gekk að hurðinni að fremra her-
berginu og opnaði hana.
— Vilduð þér hringja niður á þriðju
deild og biðja systur Ullu og Ungfrú
Persson að koma hingað.
Nokkrum mínútum síðar stóðu þær
báðar í dyrunum. Ulla virtist tauga-
óstyrk. Ungfrú Persson, sem var grá-
hærð, leit út fyrir að finnast þetta
skemmtileg tilbreyting frá hversdags-
störfunum.
— Systir Cristel hefur ekki komið
aftur til vinnu síðdegis, sagði Mark
Randers stuttaralega. — Systir Magda
er hrædd um, að eitthvað hafi komið
fyrir hana. Að því að ég bezt veit, var
hún á deildinni um tólfleytið.
— Þér voruð þar þá, ekki satt, ung-
frú Ulla?
— Jú, það var ég.
— Og ungfrú Persson?
— Já, ég hef verið þar allan tímann
nema milli ellefu og tólf, en þá borð-
aði ég.
— Sá önnur hvor ykkar systur Crist-
el eða töluðuð þið við hana?
Mark beygði sig að skrifborðinu og
leit af einni á aðra.
— Ég veitti því ekki athygli, sagði
systir Ulla að lokum. — Ég held ég hafi
séð hana í ganginum, en við töluðumst
ekki við.
— Og þér ungfrú Persson?
Vera Persson rétti úr sér. Henni lík-
aði ekki tónn læknisins.
— Systir Cristel var í tauherberginu,
sagði hún, — ég sá hana, þegar ég
hleypti konunni inn.
— Hvaða konu? spurði Mark Randers
og systir Magda bæði í einu.
— Dökkhærðu konunni hjá prófessor
Griinberg. Ég veit ekki, hvað hún heitir.
Hún kom og spurði eftir systur Cristel,
svo að ég sýndi henni, hvar hún var.
Mark Randers var strax kominn til
einkaritara síns.
— Náið í fröken Wester og biðjið hana
að koma hingað strax, sagði hann.
Það ríkti þögn meðan þau biðu. Þeg-
ar Inga Wester kom inn, kinkaði ung-
frú Persson kolli.
— Einmitt hún, já. Þetta er konan,
sem spurði um systur Cristel.
— Hvað er um að vera? sagði Inga
Wester. — Þið lítið svo undarlega út.
Framh. á næstu síðu.
KVIKMYNDIR
Það hefur þótt brenna við
í seinni tíð, að gamanmyndir
frá Hollivúdd væru ekki
eins góðar og í gamla daga,
þegar hinar þöglu myndir
áttu sitt blómaskeið. Sú
mynd, sem við ætlum að
kynna fyrir ykkur núna,
heitir á ensku, If a man An-
swers. Myndin rjallar um
unga stúlku, sem á franska
móður en amerískan föður.
Hún verður ástfangin í ljós-
myndara og þau giftast. En
ljósmyndari þessi hafði ekki
verið við eina fjölina felldur
fremur en aðrir menn innan
þeirrar stéttar og gömul
fyrirsæta hans reynir að
komast upp á milli þeirra
hjóna. Ýmisir kátlegir at-
burðir koma fyrir og er okk-
ur tjáð, að mynd þessi sé
hin skemmtilegasta.
Aðalleikendurnir eru held-
ur ekki af verri endanum,
Bobby Darin leikur ljós-
myndarann og Sandra Dee
stúlkuna. Af öðrum leikend-
um má nefna Micheline
Presle og John Lund.
-K
*
*
FALKINN
37