Fálkinn - 16.10.1963, Blaðsíða 15

þig. Þetta fannst mér gott hjá Gauknum ég hef
heyrt sagt að ég talaði dálítið mikið. En það
er svona þegar maður dettur á skemmtilegan
punkt til að tala um þá vill þetta verða um-
fangsmikið.
— Er langt síðan þú lærðir?
— Já, ég byrjaði 1941 og lærði hjá Pétri Ó.
Jónssyni. Ef þú spyrð mig hvað við Valur séum
búnir að vinna hér lengi saman þá opnuðum
við stofuna 11. desember 1951. Og ef þú spyrð
hvers vegna við Valur höfum farið að vinna
Saman þá var það vegna þess að við vorum
miklir vinir í æsku.
— Eruð þið ekki vinir enn?
— Jú, auðvitað erum við Valur vinir en við
erum ekki lengur vinir í æsku því hún er liðin
og maður er að komast á fimmtugs aldurinn.
— Og hvernig fellur þér starfið?
— Mér fellur það vel. Mönnum finnst það
kannski einkennilegt að í þessu starfi skuli
vera mikil tilbreyting en það er nú samt svo.
Það eru engir tveir menn með eins hár og ekki
heldur alveg sama höfuðlagið. Svo kynnist mað-
ur alltaf nýju og nýju fólki. Það eina sem ég
vildi bæta við þetta er það að ég hefði gjarnan
viljað gera það að sérgrein minni að klippa
kvenfólk. Það er miklu skemmtilegra að klippa
kvenfólk en karlmenn.
— Tekurðu mikið eftir hvernig fólk er klippt?
Ð DANSA
— Ég tek mikið eftir því hjá kvenfólkinu en
að sjálfsögðu miklu minna hjá karlmönnunum.
En þegar ég var að læra þá spekúleraði ég mikið
í klippingu manna.
— Ertu fæddur hér í bænum?
— Já, ég er fæddur í Austurbænum en nú á
ég heima í Vesturbænum og kann vel við mig
vestan við lækinn.
— Hvar lærðir þú að dansa Pétur?
— Ég hef aldrei lært að dansa en ég hef
alltaf haft gaman að dansi. Fyrstu sporin tók
ég á jólaböllunum og þegar ég stækkaði þótti
ég mikið fyrir böllin. Þá stundaði ég Gúttó og
drakk ekki brennivín.
— En þú sýndir dans hér áður fyrr?
— Já ég sýndi dans í nokkur ár með henni
Línu. Það hét Pétur og Lína og fólk á mínum
aldri man áreiðanlega vel eftir því. Það var
gott að dansa við hana Línu og alveg sama
hvaða dansspor ég tók, hún fylgdist alltaf með.
Svo fórum við að sýna dans, við Jón heitinn
Gíslason. Við sýndum Mambo, Sömbu, Rúmbu
og Tjútt. Þetta hét Ballerina dansparið og ég
held að ég ljúgi engu þótt ég segi að það hafi
verið mjög vinsælt. Loftur Guðmundsson tók
af okkur tvær kvikmyndir sem hétu reykvískir
skemmtikraftar og voru sýndar hér í kvik-
myndahúsunum. Svo hættum við Jón að sýna
og ég fór að leika á trommur. Seinna sneri ég
mér svo að því sem við getum kallað fram-
kvæmdastjórn hljómsveitar.
— Hvenær var það?
— Það var árið 1948 og þetta var hljómsveit
Framhald á bls. 38.