Fálkinn - 16.10.1963, Blaðsíða 23

CLAUOIA CARDINALE
Hér um bil allt við C. C. er stórkostlegt — hinar 23 for-
síðumyndir af henni í evrópskum tímaritum samtímis, hinar
100 milljóna líra, sem hún fær fyrir mynd og barmur hennar.
ítalir hugsa um hana sem dökkhærða, brjóstamikla, ill-
gjarna og nautnasjúka konu, sem noti öll meðöl til að koma
sér áfram. Hún leikur mest gálur, þótt hún geti einnig leikið
nunnur og drottningar, og henni hafa verið boðin flest hlut-
verk í sögu kvikmyndagerðar í Evrópu. Hún hefur leikið
vændiskonu í ,,La Viaccia" og „Þegar maður eldist“, undir
stjórn Mauro Bologini. Hún hefur leikið systur Napoleons,
Paulin Borghese í „Lafayette“ og óhamingjusama eiginkonu
í „Rocco og bræður hans.“
Hún hefur sagt: „Metnaður minn er að þekkja hvert orð í
ítölsku, hafa fullkominn framburð og læra allt um Chopin.“
Alberto Moravia er að skrifa bók, þar sem hann ber líkams-
vöxt hennar saman við sum listaverk Michelangelo.
Claudia er sérstök á Ítalíu, kannski sérstæður og fallegur
fugl í kvikmyndaheiminum, því að hún hefur orðið stjarna
án þess að hafa áður verið smástjarna eða koma til Hollywood
með nýtt nafn, ný föt, hár, tennur, persónuleika og lyft
brjóst. Hún segir, þegar einhver gengur of langt í að lýsa
fegurð hennar: „Sjáið til, ég er með einkennilegt andlit, svo
einkennilegt að þangað til nýlega skammaðist ég mín fyrir
það.“ Hún hylur munn sinn og segist vera vansköpuð. „Eyrun
standa út — sjáið þið það ekki? Þau blakta næstum í roki og
verða rauð. þegar ég er taugaóstyrk eða æst. Ég hef mikil
brjóst og langan álkulegan háls. Hendur mínar eru hrjúfar.
Efri vörin er minni en sú neðri, og sú neðri skagar fram.
Nefið gerir það að verkum, að ég virðist þrjózk, þegar ég
er það raunverulega ekki.“ Bella, Claudia, Bella!

fm■
■
s sas ■
K!
■■ .
*
m-r?. ■