Fálkinn - 16.10.1963, Blaðsíða 41

PANDA DG TDFRAMAÐURINN MIKLI
„Út með það,“ sagði Goggi strangur. „Sem gamall
vinur þinn og kennari hef ég rétt til að fá að vita
það. Hvers vegna varstu í fangelsi? Hefur Jollypop
leitt þig út á glæpabrautina?" „Þvert á móti herra
Góðgjarn,“ mótmælti Jollypop reiðilega. „Þessi óþægi-
lega aðstaða okkar var töframanni að kenna...“
„Töframanni?" sagði Goggi hneykslaður. „Góði mað-
ur, töframenn eru aðeins til í ævintýrum.“ „Það er
dagsatt," sagði Panda. „Hann setti okkur alla í fang-
elsi, af því að hann vildi finna kyrrlátan stað og...“
„Töframaður,“ tautaði Goggi og áhugi hans fór vax-
andi. „Della. Og þó ... athyglisvert..“ Það væri
þægilegt að hafa slíkan náunga hjá sér í öruggri gæzlu
auðvitað...“ Bersýnilega var Goggi með eigin áætl-
anir á prjónunum.
Sagan af Plútanusi töframanni hafði vakið áhuga
Gogga. „Mig langar til að kynnast þessari merkilegu
persónu,“ svaraði hann. „En við viljum ekki hafa
neitt meira saman við hann að sælda,“ hrópaði
Jollypop og sneri sér við. „Komdu, Panda, við skulum
fara heim.“ „Bíddu augnablik,“ kallaði Goggi og hélt
í Panda. „Hvað um skyldu þína?“ „Skyldu mína?“
spurði Panda undrandi. „Hvað áttu við?“ „Sagðir
þú mér ekki, að herra Plútanus hefði falið sig þér á
vald? Sagðir þú mér ekki, að þú ættir að vera leið-
sögumaður hans? Ætlarðu að yfirgefa þennan vesal-
ings hjálparvana töframann?“ Jollypop hristi höfuðið
dapurlega. „Ég þvæ hendur mínar af þessu öllu,"
sagði hann.
„Við verðum að vera leiðsögumenn herra Plútanusar,“
hélt Goggi áfram. „Hann er alveg ókunnugur hér í
ytra heimi. Hugsið ykkur hvað gæti skeð, ef glæpa-
menn næðu tökum á honum. „En hvernig getum við
fylgt honum eitthvað?“ spurði Panda. „Hann er í
fangelsi." „Einfalt,“ svaraði Goggi og tók sér stöðu
fyrir utan lögreglustöðina. „Láttu mig hafa stein,
Panda.“ Panda hlýddi undrandi og Goggi hélt áfram:
„Horfið á mig.“ Goggi mundaði steininn í hendi sér
nokkra stund og kinkaði kolli til lögregluþjóns, sem
horfði tortrygginn á hann. Skyndilega kastaði hann
steininum gegnum gluggann á lögreglustöðinni. ..
FÁLKINN
41