Fálkinn - 09.12.1963, Blaðsíða 37

En þetta með partýin og kalkúninn var útúrdúr. Við vorum að ræða
um jólamarkaðinn. Eitt af því sem hver sómakær heimilisfaðir gerir í
tíma er að velja jólagjöf handa sinni heittelskuðu og ef þeim hjónum
hefur orðið barna auðið, þá auðvitað handa þeim líka. Eins og áður er
sagt frá fara þó nokkrir eiginmenn til innkaupa á Þorláksmessu og skera
þá ekki við nögl dýrleika gjafarinnar. Hyggilegra er að fara hér að öllu
með gát og hafa tímann fyrir sér, líta í glugga eftir að komið er fram
í nóvember og vera búinn að útsjá gjöfina og helzt að kaupa hana i
fyrstu viku desember. í jólagjöf handa konunni kemur margt til greina.
Sé konan bókelsk er auðvitað ekkert því til fyrirstqðu að kaupa handa
henni góða bók. Þetta hefur þann kost í för með sér, að eiginmaðurinn
getur lesið bókina um jólin. Öðru máli gegnir ef konan er skartgefin.
Þá tjóar ekki annað en að gefa henni hring eða armband (eyrnalokkar
eru ekki í tízku um þessar mundir.) eða þá báða þessa hluti, sem líka
getur verið gott, ef eiginmaðurinn hefur lent úti á galeiðunni nýlega og
þarf að mýkja konuna. Ef hjón eru nýbyrjuð að búa og eitthvað vantar
af heimilistækjum, er upplagt að gefa henni vegglampa eða ljós í for-
stofuna og slær þá eiginmaðurinn tvær flugur í einu höggi. Að flestra
áliti eru engin takmörk fyrir því hve dýra gjöf eiginmenn gefi konum
sínum. Hins vegar eru flestir sammála um það að ekki megi gefa þeim
ódýrari jólagjöf en inniskó.
Um jólagjafir eiginkvenna til manna sinna verður ekki rætt hér
og heidur ekki um jólagjafir feðra til barna sinna.
Þeim gjöfum ræður eiginkonan hvort eð er í flest-
um tilfellum.
Eitt af því sem ekki má draga of lengi fyrir
jólin er að kaupa jólatré það er að segja ef ekki
er til á heimilinu eitt þessara eilífðarjólatrjáa, sem
nú eru farin að fást í næstum öllum regnbogans
litum. Ef stálpuð börn eru á heimilinu er sjálfsagt
að þau fari með þegar heimilisfaðirinn fer að
kaupa jólatré. Þetta hefur þann kost að maðurinn
stendur ekki einn í baráttunni ef konunni finnst
jólat'réð of stórt eða of lítið. Bezt er að kaupa
jólatré stuttu eftir að ,,Gullfoss“ er kominn með
þau til landsins, því annars er ekki um aðrar
stærðir að velja, en þau minnstu eða svo stór að
þau komast ekki fyrir í meðal stofu Svo eru auð-
vitað alltaf til sölu sköllótt jólatré. Sköllótt jóla-
tré eru sérlega vinsæl hjá þeim sem þrífa gólfin,
því að af þeim detta engar nálar. Þær eru allar
dottnar af áður. Eitt af því sem oft vill gleymast
í jólainnkaupunum, er rauðvínið húsbóndans. Hér
er mikils um vert að höfuð heimilisins láti ekki
úr hömlu dragast að gera viðhlýtandi ráðstafanir
og kippi slíku smámáli i liðinn í tæka tíð.
Bezt er að hafa hér fyrra fallið á, og skjótast
úr vinnunni í ríkið, því að öðrum kosti má hús-
bóndinn eiga á hættu að þurfa að standa í biðröð
og bíða lengi eftir afgreiðslu. Komið hefur fyrir
að slíkar biðraðir hafa náð langt út á götu og lög-
reglan hefur orðið að halda uppi lögum og reglu.
Þá er sú hætta fyrir hendi að snjór sé á jörðu og
unglingar láti snjókúlur dynja á þeim sem biða eftir
að kaupa brjóstbirtuna. Allir vita hve maður sem
bíður í biðröð er algjörlega varnarlaus gagnvart
snjókúlum.
Þegar svo búðum er lokað á aðfangadag léttir
þungu fargi af heimilisföðurnum. Hann getur aftur
um frjálst höfuð strokið og þarf ekki sífellt að
vera búinn til varnar. Kannski hefur gleymst að
kaupa rjóma en því má oftast bjarga með því að
lýsa yfir hve rjómi sé fitandi og að þau hjónin
verði að passa upp á línurnar.
Og þegar svo klukkan slær sex og jólaljósin
tendrast, þá víkur þrasið á jólamarkaðnum fyrir
öðru og börnin og heimilisfaðirinn og elskan hans
geta farið að halda gleðileg jól.
Sv. S.
I jólagjöí handa
hoininiii keiniir
inargt til greína sc
konan bókelsk er
auövilað ekkert þvá
til iyrirstöðu að
kaupa handa lienni
góða bók. Þetta hefiir
þann kost í för med §ér
að eiginniaðurinn getur
lesið bókina uin jólin.
FÁLKINN 37