Fálkinn


Fálkinn - 19.07.1965, Blaðsíða 24

Fálkinn - 19.07.1965, Blaðsíða 24
 MORÐ, PYNDIIUGAR OG SVARTI GALDUR ERL MEÐAL ÞEIRRA AÐFER9A SEM DUVALIER FORSETI, HINN SAMVIZKULAUSI LÆKNIR, NOTAR TIL AÐ HALDA HAITIBÚUM í JÁRNGREIPUM, Það var snemma morguns, að höfuðborg Haiti, Port-au- Prince vaknaði úr sínum venju- lega dofa við skothvelli og skelfingaróp. Síðan lágu fjögur lík í valnum. Hinir látnu höfðu verið að fylgja tveimur yngstu börnum Duvalier forseta í skólánn. Einhverjir höfðu ætl- að að fremja barnsrán, en það misheppnaðist. En þetta var alvarleg viðvörun til forset- ans. Og hann svaraði með skelfilegu blóðbaði. Á fáum mínútum höfðu ver- ið byggð virki í kring um bú- stað forsetans. Einkaher hans og lögreglan, sem er kölluð Tonton Macoute (djöflarnir), tóku þegar til starfa. Fjölda- mörð herjuðu nú á höfuðborg- ina. Álls staðar heyrðust skot- hvellir og blóðið flaut um göt- urnar, þar sem líkin lágu svo tímum skipti. Innan lítillar stundar höfðu 65 lík verið flutt inn á eitt sjúkrahús borgar- innar. Meðan á þessu stóð voru pólitískir fangar drepnir í fang- elsum og pyntingarstöðvum stjórnarinnar. Næstu tvo daga notaði Duvalier forseti til hlit- ar til þess að gera upp sakirn- ar við ýmsa andstæðinga sína, í nafni barnsránstilraunarinn- ar. Þremur dögum síðar höfðu hundrað Haitibúar komizt inn í erlend sendiráð í höfuðborg- inni, sem pólitískir flóttamenn. Á þessum miskunnarlausu mannaveiðum sendi Duvalier forseti einkaher sinn inn í sendiráð Dóminíkanska lýð- veldisins, og lét húsrannsókn fara þar fram. Þetta var algjört brot á alþjóðareglum, og Dóm- iníkanska lýðveldið, sem er staðsett á austlægari tveimur þriðju hlutum eyjarinnar, mót- mælti þegar í stað. Ríkis- stjórnin þar setti forsetanum úrslitakosti, og hersveitir tóku óðum að nálgast landamæri Haiti. Stríð virtist vera að skella á. Úti fyrir ströndinni lá amerískt flugvélamóðurskip með 200 hermenn innanborðs, og á flugvellinum í Port-au- Prince beið tilbúin flugvél til að flytja forsetann og fjöl- skyldu úr landi, ef þau neydd- ust- til þess að flýja. Bandaríkin skipuðu Dóminik- anska lýðveldinu að sýna gætni, og Samband Ameríkuríkjanna sendi sáttasemjara á staðinn. Þannig heppnaðist það í apríl árið 1963 að forða yfirvofandi stríði. En það kostaði mikið: Forseti Haiti hélt völdum. Þessar blóðugu hreinsanir, hápunktur sex ára ógnarstjórn- ar, urðu aðeins aðvörun til andstæðinga hans. Eftir stjórn- arskránni átti Duvalier að draga sig til baka 15. maí, en nú krafðist hann að forseta- tímabil sitt yrði framlengt, og enginn þorði að mótmæla því. • „Faðir læknir" eins og Du- valier vill gjarnan láta kalla sig, hefur andlit, sem er eins og höggvið í stein. Augun á bak við hornspangagleraugun stara eins og krókódíll, og hann er alltaf klæddur eins og hann sé að fara til jarðarfarar. Þeg- ar hann heilsar, segir hann sjaldnast aukatekið orð. Þögnin, sem hann sveipar sig, minnir undirmenn hans stöðugt á, að hann er valdið, sem ber að óttast. Duvalier hefur alla sína ævi lagt stund á Voodoo, hin óhugnanlegu trú- arbrögð Haiti-svertingjanna, og menn halda, að hann stundi sjálfur svartagaldur. Hinir frumstæðu íbúar Haiti telja að hann búi yfir dulrænum kröft- um og þeir kalla hann faðir; Guédé, sem er nafnið á andan- um, sem á að heimsækja þá á dómsdegi. Þessi orðrómur hef- ur gert það að verkum, að h!ð hjátrúarfulla fólk lýtur honum með lotningu. Taiti-eyjar eru þegar fullsetn- ar. Þær eru 27.750 km2 eða um það bil fjórum sinnum minni en ísland, en þar eru fjórar milljónir íbúa. 95% eru negrar, hinir múlattar. Aðeins örfáir kunna að lesa og skrifa, flestir alveg menntunarlausir, og venjuleg árslaun eru í kringum 1000 kr. ísl., eða mikl- um mun lægri en í nokkru öðru landi hinnar rómönsku Amer- íku. Sá, sem hefur valdið á þess- um aumasta stað jarðar, er fæddur í sárustu fátækt. Hann er fæddur í Port-au-Prince ár- ið 1907. Hann tók læknapróf árið 1934. Fyrsta verk hans sem læknis var, að hann tók af miklum móð þátt í barátt- unni gegn Franbóesíu, skæðum húðsjúkdómi, sem geysaði á Haiti. í fyrstu koma hann fram sem góður og gegn læknir. Það hefði hann líka eflaust orðið ef hann hefði ekki lagt stund á galdrana, sem síðar áttu eft- ir að verða mikill þáttur í lífi hans. Á nóttunni sótti hann fundi hjá galdraprestum, og vann sér brátt hylli í þeim fé- lagsskap. Duvalier sóttist nefni- lega ekki eingöngu eftir þessu af vísindalegum áhuga, heldur hugsaði hann lengra fram í tímann. „Þegar ég verð forseti," sagði hann eitt sinn við göldr- óttan vin sinn, „skal Voodoo 24 FALKINN

x

Fálkinn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Fálkinn
https://timarit.is/publication/351

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.