Fálkinn - 04.04.1966, Blaðsíða 8
Syndir feðranna
Pilturinn á myndinni er frægur söngvari í heimalandi sínu og jafnvel
víðar. Hann er belgískur og syngur undir nafninu Johny Holliday og kvænt-
ist fyrir skemmstu. En þá kom heldur en ekki babb í hinn fjárhagslega bát.
Pilturinn hefur verið dæmdur til að sjá öldruðum föður sínum farborða,
sem í sjálfu sér er ekki skrýtið. Hins vegar er málið ekki svo einfalt.
Faðirinn þjáðist af ólæknandi flakkaraeðli og yfirgaf börn og bú,.meðan
Johnny var enn í vöggu og hefur hann ekkert haft af honum að segja
síðan. Þetta á sennilega eftir að verða dýrt spaug fyrir söngvaranri, því
gamli maðurinn skuldar fé út um allar jarðir og í samræmi við dómínn,
eiga skuldheimtumennirnir greiðan aðgang að piltinum. Og nú er allt út-
lit fyrir að hann verði að syngja svo til ókeypis um ófyrirsjáanlega framtíð,
þar sem tekjurnar fara beint í varginn.
m CARDINALE
Hin unga fagra brúður á myndinni, hefur
hingað til mátt gera sér að góðu að lifa í
skugga stóru systur, Claudiu Cardinale, en
nú hefur hún krækt sér í allgóðar framtíðar-
horfur með því að giftast kvikmyndafram-
leiðanda. sem er staðráðinn í að gera hana
álíka fræga, ef ekki frægari, en systurina.
Sá hamingjusami heitir Mario Forges Davan-
zanti og er sonur hins fræga framleiðanda
Domenico.
Hann tók Burton á orftinu
Þegar Richard Burton var í London um
árið að leika Hinrik V hjá Old Vice skrapp
hann eitt sinn á sýningu hjá Leikhúsi
æskunnar þar í borg. Hann langaði að sjá
hvernig seytján ára skólapilti gengi að
túlka sama hlutverkið og hann hafði sjálf-
ur fengið slíkt lof fyrir.
„Þú ættir að gerast leikari,“ sagði hann
á eftir við David Weston.
„Þá var ég alveg óráðinn í hvað ég
ætlaði að taka mér fyrir hendur,“ segir
David. „Faðir minn, afi og langafi voru
allir fisksalar, og móðir mín selur enn fisk
á markaðnum í Brixton. Ég hugsaði mér,
að það gæti verið nógu gaman að reyna,
og ég keppti um styrk í RADA (Royal
Academy of Dramatic Art), en áltvað að
hugsa ekki meira um leiklistarnám ef ég
fengi hann ekki. Það fór svo, að hann féll
í minn hlut.
Nokkrum árum seinna lireppti David
fyrsta kvikmyndahlutverk sitt sem ungi
presturinn, bróðir John í BECKET, hinni
athyglisverðu mynd sem sýnd var hér í
Háskólabíói fyrir skömmu við metaðsókn.
Richard Burton vissi ekki hvaðan á sig
stóð veðrið þegar pilturinn kom æðandi
til hans og sagði ákafur: „Þér sjáið, að
ég fór að ráðum yðar!“
„En þegar ég var búinn að útskýra mál-
ið faðmaði hann mig að sér og var hinn
hróðugasti,“ sagði David ánægður. „Ég hef
aldrei iðrast þess, að ég skyldi taka hann
á orðinu.“
-I
8
FALKINN