Verkalýðsblaðið - 10.01.1985, Síða 1
Verte‘M*d'laðið
Landsbókasafnið
1. tbl. 14. árg. Janúar 1985 Ábm. Ari T. Guðmundsson
Fjórir þættir til
stefnumótunar
kommúnista
LAsriaif- .' ■
1.Inngangur ' -
Kommúnistasamtökin urðu til við samruna Einingarsam-
taka kommúnista (marx-lenínista) og Kommúnistaflokks
íslands (marxista-lenínista) upp úr 1980. Starf þeirra hef-
ur einkennst af samdrætti og tilraunum til endurmats á
þeirri heildarstefnu sem íslenskir marx-lenínistar (oft kall-
aðir maóistar) höfðu á 8. áratugnum.
Á árinu 1984 er starfandi litill hópur kommúnista inn-
an KS, bundinn við Reykjavík. Markmið hans hefur
verið nám í marxisma og umræður um stefnu og starfs-
hætti. Undanfarin 2 — 3 ár hefur lítið til hans sést opin-
berlega en hann hefur engu að síður hist reglulega.
Samtökin hafa lagt aðaláherslu á að fjalla um efni
fyrir útgáfu bókar eða greinasafns um meginþætti sósíal-
isma og kommúnisma, og sér brátt fyrir enda þeirrar
vinnu. Samtímis ákvað aðalfundur samtakanna 1983 að
samið skyldi uppkast að sameiginlegri grundvallarstefnu
félaganna er tæki m.a. til almennrar pólitískrar stefnu
kommúnista, sósíalískrar stjórnlistar og ýmissa atriða
kommúnísks starfs. Á fyrri aðalfundi KS voru fyrstu
drög samþykktarinnar rædd og afgreidd til nefndar sem
hefur unnið að endanlegu uppkasti um nokkurra mánaða
skeið. Afraksturinn fer hér á eftir, eins og síðari aðal-
fundur samtakanna afgreiddi hann haustið 1984.
Markmiðið með útgáfu samþykktarinnar er tvíþætt. í
einn stað vilja samtökin setja fram sjónarmið sín um
sósíalisma á íslandi til þess að endurvekja hugmynda-
baráttu meðal vinstri manna. í annan stað vilja þau
leggja fram sinn skerf til þess að halda á lofti byltingar-
sinnaðri stefnu á tímum undanhalds eins og verið hefur
um skeið og ítreka nauðsynina á nýjum kommúnískum
verkalýðsflokki.
Ýmis ný viðhorf koma fram í samþykktinni og víða er
áhersla aukin á atriði sem ekki hefur verið hugað að sem
skyldi. Auðvitað eru félagar samtakanna í vafa um rétt-
mæti margra stefnuatriða og ekki er eining þeirra á með-
al um þau öll. Og samtökin ítreka ennfremur þá stað-
reynd, að hér fer ekki fullburða stefnuskrá pólitískra bar-
áttusamtaka.
Segja má að meginatriðið sem tengir alla kafla sam-
þykktarinnar sé lýðræði; stéttarvitund, virkni og samvinna
fjöldans á öllum stigum sósíalískrar baráttu. Röng fjölda-
stefna og gallað lýðræði eiga stóran þátt í öfugþróun
hreyfinga og ríkja sem kennt hafa sig við sósíalisma og
kommúnisma.
Til lesenda
Kommúnistasamtökin hafa áhuga á að fá álit
þitt á þessari samþykkt. Án viðbragða frá
lesendum eiga samtökin erfitt með að bæta
úr ágöllum stefnu sinnar, gera góða þætti
betri eða hefja stefnumótun á fleiri sviðum.
Þú getur komið skoðunum þínum á framfæri
með ýmsu móti: Skrifað KS (Pósthólf 5186,
125 Rvk), hringt í forystumenn KS, skrifað í
blöð og tímarit eða hitt fulltrúa samtakanna
að máli.
Samtökin biðja þig einnig um aðstoð við
að dreifa samþykktinni til sem flestra. Þú
getur fengið send aukaeintök, þér að kostn-
aðarlausu.
Stjórn Kommúnistasamtakanna