Fréttablaðið - 14.10.2009, Blaðsíða 10

10 14. október 2009 MIÐVIKUDAGUR
EVRÓPUMÁL „Það er áhugavert að
skoða þessi ummæli með tilliti
til fiskveiðistjórnunar okkar og
umsóknar Íslands um aðild að
Evrópusambandinu. Með aðild
myndi Ísland gangast undir hina
sameiginlegu fiskveiðistefnu ESB.
Henni er miðstýrt frá Brussel,
fjarri þeim sem nýta auðlindir
sjávar og eiga mestra hagsmuna
að gæta,“ segir Friðrik J. Arn-
grímsson, framkvæmdastjóri
LÍÚ.
Elinor Ostrom, sem nýlega
hlaut Nóbelsverðlaunin í hag-
fræði fyrst kvenna, bendir á það
í rannsóknum sínum að stjórn
auðlinda á borð við skóga, vötn
og fiskistofna, sé betur komið í
höndum nærliggjandi samfélags
en þegar fjarlægt yfirvald heldur
á málum. Þegar kemur að stjórn
almenningsgæða er virk þátttaka
notenda í myndun og framkvæmd
reglna lykilatriði, að mati Ostrom.
Hún telur utanaðkomandi reglur
ekki virka jafnvel og líklegra er
að reynt verði að komast hjá þeim.
Þetta kemur fram í greinargerð
Nóbelsverðlaunanefndarinnar.
LÍÚ hefur ítrekað sagt að með
aðild að ESB yrði lagasetning-
arvaldið framselt frá Alþingi til
Brussel og að allt forræði og fyr-
irsvar í málefnum sjávarútvegs
flyttist til ESB. Þá hefur LÍÚ
haldið uppi sömu rökum um auð-
lindastjórnun og Ostrom beitir.
- shá
1. Hve stór hluti þjóðarinnar er
í þjóðkirkjunni?
2. Hvað töpuðu lífeyrissjóðirnir
mörgum milljörðum á tímabil-
inu ágúst 2008 til ágúst 2009?
3. Hver er lögmaður Færeyja?
SVÖRIN ERU Á SÍÐU 26
VEISTU SVARIÐ?
BAUGSMÁL Verjendur ákærðu í
skattahluta Baugsmálsins gerðu
athugasemdir við gögn sem sækj-
andi í málinu hefur lagt fram
þegar málið var tekið fyrir í
Héraðsdómi Reykjavíkur í gær.
Vegna þessa er ólíklegt að aðal-
meðferð í málinu fari fram fyrr
en undir lok árs, eða í byrjun
næsta árs, segir Helgi Magnús
Gunnarsson saksóknari. Hann
þarf að skila greinargerð vegna
athugasemdanna 22. október.
Ákærð í málinu eru Jón Ásgeir
Jóhannesson, Kristín Jóhannes-
dóttir og Tryggvi Jónsson, auk
Baugs Group og Fjárfestingar-
félagsins Gaums. - bj
Verjendur í skattamáli Baugs:
Athugasemdir
gerðar við gögn
UMHVERFISMÁL Umhverfisráðu-
neytið hafnar ásökunum forsvars-
manna Norðuráls um að Svandís
Svavarsdóttir ráðherra hafi brotið
gegn stjórnsýslulögum þegar hún
úrskurðaði um Suðvesturlínu.
Í yfirlýsingu frá ráðuneytinu
kemur fram að úrskurðurinn hafi
fjallað um framkvæmd Landsnets
vegna Suðvesturlínu. Álitaefnið sé
hvort meta eigi umrædda fram-
kvæmd með hugsanlegum virkj-
anakostum á svæðinu. Ekki sé
verið að fjalla um umhverfisáhrif
af fyrirhuguðu álveri Norðuráls
í Helguvík, og því ekki skylt að
veita fyrirtækinu andmælarétt
samkvæmt stjórnsýslulögum.
Eins og fram kom í Fréttablað-
inu í gær fullyrða forsvarsmenn
Norðuráls að lögvarðir hagsmun-
ir þeirra hafi ekki verið virtir, þar
eð þeim hafi ekki verið veitt aðild
að málinu eða andmælaréttur.
Í bréfi Norðuráls til ráðherra,
sem Fréttablaðið hefur undir
höndum, segir enn fremur að
kærufrestur hafi verið liðinn
þegar kærur Landverndar og
Náttúruverndarsamtaka Íslands
hafi borist. Þá hafi frestur ráð-
herra til að úrskurða verið liðinn
þegar úrskurður barst.
Í yfirlýsingu ráðuneytisins
segir að þrátt fyrir að dregist
hafi um þrjá mánuði að úrskurða
í málinu leiði það ekki til þess að
úrskurðurinn verði ólögmætur. Í
dómaframkvæmd hafi það eitt og
sér ekki valdið ógildingu stjórn-
valdsákvarðana.
Tafir á afgreiðslu ráðuneytisins
urðu vegna umfangs málsins
og eðlis, sem krafðist þess að
umsagna og álita væri aflað víða,
segir í yfirlýsingu ráðuneytisins.
Þar er þó tekið fram að máls-
hraði sé oft og tíðum ekki í sam-
ræmi við lögboðna fresti. Ráðu-
neytið skoði nú hvort ástæða
sé til að lengja úrskurðar-
fresti vegna laga um mat á
umhverfisáhrifum.
Ágúst Hafberg, framkvæmda-
stjóri viðskiptaþróunar og sam-
skipta hjá Norðuráli, segir þetta
einkennileg vinnubrögð.
Í þessu máli hafi ráðuneyt-
ið tekið sér 40 daga af þeim 60
sem það hafi haft til að fjalla
um málið í það eitt að senda bréf
til umsagnaraðila. Slík vinnu-
brögð geti varla talist ástæða til
að afgreiðslufrestur mála sem
þessara sé lengdur.
Ráðuneytið mótmælir því einnig
að kærur hafi borist of seint, þrátt
fyrir að annað sé fullyrt í bréfi
Norðuráls. Þar segir að kæru-
frestur hafi runnið út 25. apríl.
Kærurnar hafi verið dagsettar
24. apríl, en stimplaðar móttekn-
ar í ráðuneytinu 29. apríl.
Samkvæmt upplýsingum frá
ráðuneytinu bárust kærurnar
með tölvupósti áður en frestur
rann út. Það eitt og sér dugi til
að kæran teljist hafa borist, en
formsins vegna hafi verið ákveðið
að óska einnig eftir því að kærun-
um yrði skilað skriflega. Þau ein-
tök hafi verið stimpluð móttekin í
ráðuneytinu 29. apríl.
brjann@frettabladid.is
Segja lögin
ekki brotin
Umhverfisráðherra var ekki skylt að veita Norðuráli
andmælarétt áður en úrskurðað var um Suðvestur-
línu að mati ráðuneytisins. Norðurál gagnrýnir
málsmeðferð og hægagang hjá ráðuneytinu.
HELGUVÍK Orku fyrir álver í Helguvík á að flytja með Suðvesturlínu. Forsvarsmenn
Norðuráls segja afar sérstakt að ráðuneytið telji Norðurál ekki hagsmunaaðila í
umfjöllun ráðuneytisins um línurnar. FRÉTTABLAÐIÐ/GVA
Nóbelsverðlaunahafi segir auðlindastjórn best komna hjá þeim sem nýta þær:
Fjarlægt yfirvald án yfirsýnar
NÓBELSVERÐLAUNAHAFI Hagfræðingur-
inn Elinor Ostrom fullyrðir að auðlinda-
stjórn sé betur komið í höndum þeirra
sem nýta hana en hjá fjarlægu yfirvaldi.
FRÉTTABLAÐIÐ/AP