Fréttablaðið - 14.10.2009, Blaðsíða 12

Fréttablaðið - 14.10.2009, Blaðsíða 12
12 14. október 2009 MIÐVIKUDAGUR 30% afsláttur af öllum vörum í Bónus Kjörgarði. (Vegna breytinga í versluninni) Verslunin opnuð kl.10.00 í dag ! STJÓRNSÝSLA Efla þarf dómstól- ana vegna hrunsins, bæði með fjölgun dómara og aukinni sér- þekkingu á efnahagsbrotum. Þetta er skoðun Lárentsínusar Kristjánssonar, formanns Lög- mannafélags Íslands. Í grein í blaði félagsins segir Lárentsínus álag á dómstólana nú þegar hafa aukist umtals- vert og líkur séu á að það eigi enn eftir að aukast. Mál af öllu tagi hrannist upp auk þess sem viðbúið sé að látið verði reyna á neyðarlögin með margvíslegum hætti. Telur Lárentsínus brýnt að yfirvöld dómsmála ráðist strax í nauðsynlega undirbúningsvinnu og skoðun á því hvernig þessu ástandi verði best mætt. - bþs Formaður Lögmannafélagsins: Fleiri dómarar og sérþekking á efnahagsbrotum EVRÓPUSAMBANDIÐ „Ef þið gangið í Evrópu-sambandið verður staða íslenskunnar betri en nú er,“ segir Peter Dyrberg, forstöðumaður Evrópuréttarstofnunar Háskólans í Reykja- vík. „Núna er staðan sú að innan EFTA þarf allt að fara fram á ensku, en ef þið gangið í Evrópusambandið geta íslensk stjórnvöld notað íslensku í samskiptum sínum við stofn- anir í Brussel. Þau geta skrifað til ESB á íslensku og einstaklingar geta notað íslensku þurfi þeir að leita til stofnana sambandsins. Þið farið því úr verra ástandi yfir í betra.“ Mikið hefur verið rætt um að hér á Íslandi þurfi að ráða fjölda manns til að þýða lög og önnur skjöl sem berist frá Evrópusam- bandinu, en oft gleymist að í höfuðstöðvum Evrópusambandsins þarf einnig að fá fólk til starfa til þess að þýða af íslensku. „Gróft metið tel ég að í Brussel muni skap- ast um það bil 200 ný störf fyrir Íslendinga, bæði til þess að þýða og til þess að sinna öðrum störfum. Þið þurfið til dæmis íslenska lögfræðinga þar til þess að útskýra íslenskt lagaumhverfi. Þið þurfið líka einhverja til að sjá um hlutina þegar mál berast til Evr- ópusambandsins á íslensku. Þið þurfið að manna skrifstofur íslenska dómarans í Evrópudómstólnum og skrifstofur íslenska framkvæmdastjórans í framkvæmdastjórn Evrópusambandsins.“ Hann segir reynslu annarra ríkja benda til þess að það valdi engum sérstökum erfiðleik- um í Evrópusambandinu þótt þjóðarvitund íbúa aðildarríkjanna sé ólík. „Bretum finnst þeir enn vera Bretar og Dönum finnst þeir enn vera Danir. Skoðana- kannanir sýna að á þessu hafa ekki orðið mikl- ar breytingar. Íslendingar yrðu áfram Íslend- ingar,“ segir Dyrberg, sem sjálfur er danskur en hefur starfað í Brussel í tvo áratugi, meðal annars sem deildarstjóri í Eftirlitsstofnun EFTA. Hann hefur verið með annan fótinn á Íslandi undanfarin fjögur ár og fylgist með umræðunni hér á landi. Í dag flytur hann erindi um sjálfsmynd þjóðar og Evrópusambandið á hádegisfundi sem Evrópuréttarstofnun Háskólans í Reykjavík efnir til í stofu 201 í húsakynnum háskólans að Ofanleiti 2. - gb Peter Dyrberg segir þjóðarvitund ekki breytast við inngöngu í Evrópusambandið: Íslendingar yrðu áfram Íslendingar PETER DYRBERG Forstöðumaður Evrópuréttarstofnunar HR hefur verið með annan fótinn hér á landi undanfar- in fjögur ár. FRÉTTABLAÐIÐ/VILHELM Á LEIÐ TIL ÞVOTTA Búrkuklæddar konur í Kabúl flytja notuð föt til þvotta áður en þau eru boðin til sölu. FRÉTTABLAÐIÐ/AP UTANRÍKISMÁL Forsætisráðherra Íslands þakkaði í gær Færeyingum fyrir lán upp á þrjú hundruð millj- ónir danskra króna sem þeir veittu Íslendingum stuttu eftir íslenska bankahrunið. „Þverpólitísk samstaða Færey- inga um þetta lán, sem veitt var skilyrðislaust þegar allir aðrir sneru við okkur baki í fyrra, sýnir hug þeirra betur en nokk- ur orð […] þeir eru vinir í raun,“ sagði forsætisráðherrann, Jóhanna Sigurðardóttir. Orðin féllu á fundi hennar með Kaj Leo Johannesen, lög- manni Færeyinga, á Þingvöllum. Þar snæddu oddvitar þjóðanna hádegisverð, en Kaj Leo er hér í opinberri heimsókn. Samkvæmt tilkynningu frá for- sætisráðuneytinu var fjallað um heilbrigðismál, kreppur og fólks- flótta, og einnig um fríverslunar- samning þjóðanna, Hoyvíkursátt- málann. Kaj Leo þakkaði fyrir sig og sagði að í Færeyjum væri fylgst grannt með framgangi mála á Íslandi. „Sérstaklega nú þegar Ísland hefur sótt um aðild að Evrópusambandinu. Úrslit mála í aðildarferlinu gætu haft veru- leg áhrif á pólitíska umræðu í Færeyjum,“ sagði hann. Í kjölfar bankahrunsins veittu Færeyingar, ein þjóða, lán sitt án skilyrða um samstarf við yfirþjóðlegar stofnanir. - kóþ Lögmaður Færeyja snæddi með forsætisráðherra á Þingvöllum í gær: Færeyingar eru vinir í raun Á ÞINGVÖLLULM Oddvitar þjóðanna hittust á Þingvöllum í gær og ræddu sameiginleg hagsmunamál þjóðanna. MYND/FORSÆTISRÁÐUNEYTIÐ ALÞINGI Ásbjörn Óttarsson Sjálf- stæðisflokki leggur til að þeir þingmenn sem sitja í fjárlaga- nefnd Alþingis sitji í þeirri nefnd einni og ekki öðrum. Hann vék að þessu í umræð- um um fjáraukalög í gær. Ásbjörn sagði álagið í nefnd- inni mikið og til bóta yrði að þingmenn gætu einbeitt sér að viðamiklum störfum hennar. Tók hann sem dæmi að í gær- morgun hefði nefndin varið bróðurparti af fundartíma sínum í fjárlög næsta árs og lítið getað farið yfir fjáraukalög sem þó voru á dagskrá þingsins í gær. - bþs Leggur til breytt fyrirkomulag: Einbeiti sér að fjárlaganefnd

x

Fréttablaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Fréttablaðið
https://timarit.is/publication/108

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.