Fréttablaðið - 21.10.2009, Page 16
Auður Ásdís Sæmundsdóttir vakti
athygli blaðamanns á dögunum
þegar hann var í jeppaferð Bíla-
búðar Benna. Þá var Auður á ferð
með vinkonu sinni Bjarnfríði Leós-
dóttur á forláta Musso-jeppa. Þetta
þætti kannski ekki í frásögur fær-
andi ef þær vinkonur væru ekki
báðar á virðulegum aldri, komn-
ar vel á níræðisaldurinn. „Við
Bjarnfríður höfum verið vinkonur
frá því að við munum eftir okkur
og höfum alltaf verið tilbúnar að
fara eitthvert svona saman,“ segir
Auður hress í bragði en þykir hálf
hjákátlegt að það þyki fréttnæmt
þótt hún bregði sér í smávægileg-
an jeppatúr. „Það er sko ýmislegt
sem maður getur gert þó að maður
sé kominn yfir áttrætt,“ segir hún
með áherslu.
Auður hefur átt jeppa í mörg ár.
Fyrst Bronco þegar hún og maður
hennar voru búsett í sveit, síðar lít-
inn Suzuki-jeppa og síðustu ellefu
árin hefur Musso-jeppinn þjónað
Auði vel. Á honum hefur hún farið
víða enda nýtur hún þess að skoða
landið. „Mér finnst rosalega gaman
að geta farið út af malbikinu þang-
að sem ekki allir bílar komast,“
segir hún glaðlega. Hún tekur þó
fram að jeppamennskuna stundi
hún ekki grimmt en það komi þó
fyrir. „Svo fer ég nú aldrei ein í
slíkar svaðilfarir,“ bendir hún á
og kýs heldur að hafa fleiri bíla
með þannig að hægt sé að fá hjálp
ef eitthvað kemur upp á. „Og þó,“
bætir hún við hugsi, „ég fór einu
sinni einbíla inn Skorradal að sunn-
anverðu og það var nokkuð slæmur
vegur,“ segir hún.
Þó að Musso-jeppinn hafi reynst
Auði vel hefur hún þó ekki treyst
honum á jökla. „Ég hef þó farið á
jökla með sonum mínum sem eru
á stórum bílum,“ segir Auður sem
hefur farið á jökla á borð við Lang-
jökul, Eyjafjallajökul og Mýrdals-
jökul. „Það hefur mér þótt óskap-
lega gaman.“
Auður og Bjarnfríður vinkona
hennar hafa báðar mikinn áhuga
á náttúru Íslands og hafa ferðast
víða í gegnum tíðina. Hún minnist
sérstaklega einnar ferðar sem þær
Bjarnfríður fóru á Musso-jeppan-
um í samfloti með fleira fólki. „Þá
fórum við upp með Langá að vest-
anverðu og yfir Sópandaskarð og
það var sko jeppavegur í lagi,“
segir Auður og hlær hjartanlega.
Innt eftir því hvort hún eigi sér
einhvern uppáhaldsstað á land-
inu svarar hún því til að þeir séu
það margir að erfitt sé að velja.
„Þórsmörkin er þó alveg dýrðleg
en þangað keyrði ég nú einu sinni
sjálf,“ segir hún og fannst lítið mál
að eiga við straumharðar árnar.
solveig@frettabladid.is
Finnst gaman að geta
farið út af malbikinu
Auður Ásdís Sæmundsdóttir er á níræðisaldri en þykir ekki tiltökumál að skella sér í léttar jeppaferðir.
Hún og æskuvinkona hennar, Bjarnfríður Leósdóttir, hafa þannig kannað landið saman í fjölda ára.
Auður og Bjarnfríður stilltu sér upp með Benedikt úr Bílabúð Benna í léttri jeppaferð sem farin var á vegum búðarinnar á dögun-
um. MYND/ÚR EINKASAFNI
LJÓSMYNDASAMKEPPNI Ferðafélags
Íslands er öllum opin. Hver keppandi skal ekki
senda fleiri en þrjár myndir á netfangið fi@fi.is.
Skilafrestur er til 1. desember. www.fi.is
Rope Yoga
Námskeið hefj ast 26. október
Bjóðum upp á átta byrjendanámskeið,
eitt lyftingarnámskeið og ástundundunartíma
Teg. Romance - BH í D,DD,E,F,FF,G
skálum á aðeins kr. 3.000,-
Teg. Active - sundbolur í
D,DD,E,F,FF,G skálum og miklu
aðhaldi aðeins kr. 3.500,-
TILBOÐ - TILBOÐ
Hringdu í síma
ef blaðið berst ekki