Iðnneminn - 01.05.1994, Blaðsíða 4
PISTILL
Frá ritstjóra
Kæri lcsandi:
Fyrsta eintak Iðnnemans sem
undirritaður ritstýrði var í nýju
broti sem er nokkuð stærra en hið
hefðbundna tímaritsbrot. Hafa
undirtektir yfirleitt verið nokkuð
góðar og menn ánægðir með þessa
breytingu. Ekki er þetta þó í fyrsta
sinn sem þetta sama brot er á blað-
inu, því Iðnneminn hefur komið út
í nokkrum mismunandi brotum og
þykir mönnun gaman af því að
skoða gömul blöð í skjalasafni Iðn-
nemasambandsins. Þó er skjala-
safnið ófullkomið og okkur vantar
ýmsa árganga Iðnnemans og
einnig ljósmyndir sem tengjast
sögu okkar. Þætti okkur vænt um
að fá blöð gefins frá eldri félags-
mönnum og að mega afrita þær
ljósmyndir sem okkur gæti borist.
Það sem kom nokkuð á óvart við
vinnslu þessa blaðs var það hversu
illa söfnun auglýsinga og styrktar-
lína gekk en ólíklegt er að nokkru
öðru 1. maí blaði hafi verið svo illa
tekið af velunnurum og almennum
auglýsendum. Það er von mín að
næstu blöð fái þó betri viðtökur
því annars þarf að minnka útgáfu-
starfsemina og má hún ekki við
því.
Þetta blað var að sjálfsögðu allt
unnið á skrifstofu INSÍ með þeim
tækjakosti sem við eigum. Miklar
annir hafa verið á skrifstofunni
undanfarið og því var lokasprettur
blaðavinnslunnar lekinn á mettíma
þar sem við unnum fram á rauðar
nætur.
Á afmælisári er við hæfi að líta
um öxl og skoða sögu INSÍ. Ég
ætla rétt aðeins að tipla á þeim
kröfum sem settar voru fram á
hverju ári í 1. maí göngum, auk
þess sem sögu INSÍ verður gerð
góð skil í bók þeirri er við munum
gefa út á afmælinu 23. sept.
Á lýðveldisárinu 1944 var krafan
að iðnnemar fengju „Veglegt
menntasetur fyrir íslenska iðnaðar-
æsku“.
1949 „Bankana í þjónustu þjóð-
arinnar“.
1951 „Iðnfræðsluráð hætti að
gefa út réttindi til óiðnlærðra“.
1956 „Reynslutími eða þræla-
hald?“.
1957 „Sveinspróf til endurskoð-
unar“.
1963 „Iðnnemar geta ekki lifað
af launum sínum“.
1967 „Fé í framkvæmdir við Iðn-
skólann í Reykjavík“.
1968 „Kaup iðnnema reiknist af
raunkaupi sveina“.
1975 „Ölmusa er engin kjara-
bót“.
1983 „Tryggjum atvinnu fyrir
verknámsskólanemendur“.
1985 „Vaktaálagsgreiðslur til
þjónanema“.
1989 „Eru iðnnemar aðeins ó-
dýrt vinnuafl?“.
Margt hefur áunnist á síðustu 50
árum, og ófáar úrbætur hafa náðst
fram. Sumar kröfur sjást þó oft í
gegnum söguna enda er oft þörf á
úrbótum ofan á úrbætur. 1. maí á
þessu afmælisári er ætlunin hefja á
loft 50 kröfur, eina frá hverju ári
úr sögu samtakanna.
FÉLAG BYGGINGAR-
IÐNAÐARMANNA
EYJAFIRÐI
HAFNARFJARÐARBÆR
Iðnskólinn í Reykjavík
SAMIÐN
TRÉSMÍÐAFÉLAG
REYKJAVÍKUR
SINDRI
BORGARTÚNI 31 • SÍMI 62 72 22
VÉLAR OG VERKFÆRI
1946 „Iðnnemar á öllu landinu
sameinumst".
Sveinbjörn Þormar
Ritstjóri Iðnnemans
FÉLAG
BÓKAGERÐARMANNA
Heimilistæki
SÆTÚNI 8 • SÍMI: 69 15 15 • KRÍNGLUNNI • SÍMI: 69 15 20
ÍSLENSKIR
AÐALVERKTAKAR
PARKET sf
SKÓLAFÉLAG
IÐNSKÓLANS í
REYKJAVÍK
SENDIBÍLASTÖÐIN HF.
VERKAMANNAFÉLAGIÐ
DAGSBRÚN
SPARISIÓÐUR
REYKJAVÍKUR OC NÁCRENNIS
ÞJÓNUSTUSAMBAND
ÍSLANDS
4